ന്യൂഡല്‍ഹി: നോക്കിയയുടെ ആദ്യ ആന്‍ഡ്രോയിഡ് ഫോണ്‍ ഇന്ത്യന്‍ വിപണിയിലിറക്കി. നോക്കിയ എക്‌സ് എന്ന് പേരിട്ട സ്മാര്‍ട്ട് ഫോണ്‍ മൂന്ന് വേരിയന്റുകളിലായി ലഭ്യമാകും. 7500 രൂപ മുതല്‍ 8599 രൂപ വരെയാണ് വില. ബാഴ്‌സിലോണയില്‍ കഴിഞ്ഞ മാസം സമാപിച്ച മൊബൈല്‍ വേള്‍ഡ് കോണ്‍ഗ്രസിലാണ് നോക്കിയ എക്‌സ് അവതരിപ്പിച്ചത്. നോക്കിയ എക്‌സ് പ്ലസിന് 8400 രൂപ, എക്‌സ് എല്ലിന് 9200 രൂപ, എക്‌സിന് 7500 രൂപ എന്നിവങ്ങനെയാണ് വില. എക്‌സ് പ്ലസും എക്‌സ് എല്ലും രണ്ട് മാസത്തിനകം വിപണിയിലെത്തും. രണ്ട് [...]

കോഴിക്കോട്: ഇടതുമുന്നണിയുമായുള്ള ബന്ധം പൂര്‍ണമായും അവസാനിപ്പിക്കാന്‍ ഐ എന്‍ എല്‍ തീരുമാനിച്ചു. ലോക്‌സഭാ തിരഞ്ഞെടുപ്പില്‍ നാല് മണ്ഡലങ്ങളില്‍ ജനവിധി തേടാനും ഇന്ന് രാവിലെ കോഴിക്കോട്ട് ചേര്‍ന്ന സംസ്ഥാന കൗണ്‍സില്‍ യോഗത്തില്‍ തീരുമാനമായി. കാസര്‍കോട്, വടകര, കോഴിക്കോട്, പൊന്നാണി മണ്ഡലങ്ങളിലാണ് ഐ എന്‍ എല്‍ സ്ഥാനാര്‍ഥികളെ നിര്‍ത്തുക. വര്‍ഷങ്ങളായി ഇടതുപക്ഷത്തിന് ഒപ്പം നിന്നിട്ടും പാര്‍ട്ടിയെ മുന്നണിയില്‍ എടുക്കാത്തതില്‍ പ്രതിഷേധിച്ചാണ് ഒറ്റക്ക് മത്സരിക്കാന്‍ തീരുമാനമെടുത്തത്.

കൊച്ചി: ബാംഗ്ലൂരില്‍ എന്‍ജിനീയറിംഗ് കോളേജില്‍ ക്രൂരമായ റാഗിങ്ങിന് ഇരയായ മലായാളി വിദ്യാര്‍ത്ഥി മരിച്ചു. എറണാകുളത്തെ സ്വകാര്യ ആശുപത്രിയില്‍ അബോധാവസ്ഥയില്‍ വെന്റിലേറ്ററിലായിരുന്ന ചാലക്കുടി പൂപ്പറമ്പില്‍ ഇബ്രാഹിമിന്റെ മകന്‍ അഹാബ് ഇബ്രാഹിം (21) ആണ് മരിച്ചത്. ബാംഗ്ലൂരില്‍ കോളേജ് ഒഫ് ആചാര്യ എന്‍ജിനീയറിംഗില്‍ രണ്ടാം വര്‍ഷ ആര്‍കിടെക് വിദ്യാര്‍ത്ഥിയായിരുന്നു അഹാബ്. കണ്ണൂര്‍ സ്വദേശികളായ അഞ്ചു വിദ്യാര്‍ത്ഥികളാണ് അഹാബിനെ ക്രൂരമായി റാഗ് ചെയ്തത്. ഇക്കഴിഞ്ഞ ജനുവരി 27ന് കോളേജ് ഹോസ്റ്റലിലെ ബാത്ത് റൂമില്‍ അഹാബിനെ അബോധാവസ്ഥയില്‍ സഹപാഠിയാണ് കണ്ടെത്തിയത്. വീണു പരിക്കേറ്റതാണെന്ന [...]

കൂത്തുപറമ്പ്: എല്ല് പൊടിയുന്ന അപൂര്‍വ രോഗവുമായി എസ് എസ് എല്‍ സി പരീക്ഷയെഴുതിയ വിദ്യാര്‍ഥിനി നൊമ്പര കാഴ്ചയായി. നരവൂര്‍ നൂഞ്ഞുമ്പായിലെ നാസര്‍-സീനത്ത് ദമ്പതികളുടെ മൂത്തമകള്‍ ഫാത്തിമത്ത് ശബ്‌നയാണ് വേദനകളുടെ ലോകത്ത് നിന്ന് ഇന്നലെ പരീക്ഷയെഴുതാനെത്തിയത്. എല്ല് പൊടിയുന്ന രോഗവും സോറിയാസിസും ബാധിച്ച് കഴിഞ്ഞ അഞ്ച് വര്‍ഷമായി ചികിത്സയിലാണ് ശബ്‌ന. മംഗലാപുരത്തെ യേനപ്പോയ ആശുപത്രിയിലാണ് ചികിത്സ നടത്തുന്നത്. അതിനാല്‍ വിദ്യാലയത്തില്‍ പോകാന്‍ കഴിഞ്ഞിരുന്നില്ല. കൂത്തുപറമ്പ് ബി ആര്‍ സിയിലെ അധ്യാപകരുടെ സഹായം കൊണ്ട് കുട്ടിക്ക് പഠിക്കാനാവശ്യമായ പുസ്തകങ്ങള്‍ വീട്ടിലെത്തിച്ച് [...]

ദുബൈ: 2013ലെ ദുബൈയുടെ ഏറ്റവും വലിയ വ്യാപാര പങ്കാളി ഇന്ത്യ. 3700 കോടി ഡോളറിന്റെ വ്യാപാരമാണ് കഴിഞ്ഞ വര്‍ഷം ഇന്ത്യയും ദുബൈയും തമ്മില്‍ നടന്നത്. ദുബൈയുടെ മൊത്തം വിദേശ വ്യാപാരത്തിന്റെ പത്ത് ശതമാനം വരും ഇത്. ചൈനയാണ് രണ്ടാം സ്ഥാനത്ത്. 3670 കോടി ഡോളറിന്റെ വ്യാപാരമാണ് ഇരു രാജ്യങ്ങളും തമ്മില്‍ നടന്നത്. യു എസ് (2340 കോടി ഡോളര്‍), സഊദി അറേബ്യ (2300 കോടി ഡോളര്‍), ബ്രിട്ടണ്‍ (1520 കോടി ഡോളര്‍) എന്നിങ്ങനെയാണ് മറ്റു രാജ്യങ്ങളുടെ കണക്ക്.