അര്‍ജന്റീനയില്‍ എഴുപതുകളുടെ അവസാനവും എണ്‍പതുകളുടെ ആദ്യത്തിലും നടന്ന നിഷ്ഠൂരമായ കൂട്ടക്കൊലകളുടെ സൂത്രധാരനായിരുന്ന യോര്‍ഗ് റാഫേല്‍ വിദേല എന്ന സ്വേച്ഛാധിപതി ബ്യൂണസ് ഐറീസിലെ ജയിലറയില്‍ കഴിഞ്ഞ മെയ് 20ന് മരിച്ചു. ഈ പട്ടാള സ്വേച്ഛാധിപതിയുടെ മരണവാര്‍ത്ത റിപ്പോര്‍ട്ട് ചെയ്ത മാധ്യമങ്ങള്‍ ലാറ്റിനമേരിക്കയില്‍ സി ഐ എ നടത്തിയ നരവേട്ടകളുടെയും രാഷ്ട്രീയ അട്ടിമറികളുടെയും ക്രൂരമായ സംഭവങ്ങളിലേക്ക് ഒരിക്കല്‍ കൂടി ലോകശ്രദ്ധ ക്ഷണിക്കുകയുണ്ടായി. മനുഷ്യരാശിക്ക് ഒരിക്കലും പൊറുക്കാനാകാത്ത ആ മഹാപാതകങ്ങള്‍ വിദൂര ഭൂതകാലത്തിലെങ്ങോ അവസാനിച്ചുപോയ നിഷ്ഠൂരതകളല്ല. ഇന്നും അമേരിക്കന്‍ ഭരണകൂടം തങ്ങള്‍ക്കനഭിമതരായ [...]

മുംബൈ: രാജ്യത്തെ നടുക്കിയ 2006ലെ മലേഗാവ് ബോംബ് സ്‌ഫോടന കേസില്‍ നാല് പേര്‍ക്കെതിരെ എന്‍ ഐ എ കുറ്റപത്രം. പ്രതികളായ ലോകേശ് ശര്‍മ, ധാന്‍ സിംഗ്, രാജേന്ദ്ര ചൗധരി, മനോഹര്‍ നര്‍വാരിയ എന്നിവര്‍ക്കെതിരെയാണ് കുറ്റപത്രം സമര്‍പ്പിച്ചിരുന്നത്. 2006 സെപ്തംബര്‍ എട്ടിനാണ് 37 പേരുടെ മരണത്തിനിടയാക്കിയ മലേഗാവ് സ്‌ഫോടനം നടന്നത്. മഹാരാഷ്ട്രയിലെ നാസിക് ജില്ലയിലെ മലേഗാവില്‍ ഒരു പള്ളിക്ക് സമീപമായിരുന്നു സ്‌ഫോടനം. ആദ്യം മഹാരാഷ്ട്ര തീവ്രാദ വിരുദ്ധ സ്‌കോഡും പിന്നീട് സി ബി ഐയും അന്വേഷിച്ച കേസ് എന്‍ [...]

കൊച്ചി: ഔദ്യോഗികമായി ഒരു അഭിമുഖവും നല്‍കിയിട്ടില്ലെന്ന് കെപിസിസി പ്രസിഡന്റ് രമേശ് ചെന്നിത്തല. ന്യൂ ഇന്ത്യന്‍ എക്‌സ്പ്രസില്‍ വന്ന വാര്‍ത്തയുമായി ബന്ധപ്പെട്ട മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം.

തിരുവനന്തപുരം:മുഖ്യമന്ത്രി ഉമ്മന്‍ ചാണ്ടിയ്ക്കെതിരെ രൂക്ഷ വിമര്‍ശനവുമായി കെപിസിസി പ്രസിഡന്റ് രമേശ് ചെന്നിത്തല. ഉമ്മന്‍ ചാണ്ടിയുമായി ഇനി സന്ധിയ്ക്കില്ലെന്ന് അദ്ദേഹം പറഞ്ഞു. സര്‍ക്കാരും തമ്മിലുള്ള ബന്ധം ഇനി പഴയതുപോലെയാകില്ലെന്നും ഉമ്മന്‍ ചാണ്ടിക്ക് സ്വന്തം വഴി നോക്കാമെന്നും തനിക്ക് തന്റെ വഴിയായിരിക്കുമെന്നും കെ.പി.സി.സി പ്രസിഡന്റ് രമേശ് ചെന്നിത്തല കൂട്ടിച്ചേര്‍ത്തു. ന്യൂ ഇന്ത്യന്‍ എക്‌സ്പ്രസ് പത്രത്തിന് നല്‍കിയ അഭിമുഖത്തിലാണ് ചെന്നിത്തല ഇക്കാര്യങ്ങള്‍ പറഞ്ഞത്.ഇതോടെ രമേശ് ചെന്നിത്തലയുടെ മന്ത്രിസഭാ പ്രവേശനവുമായി ബന്ധപ്പെട്ട് പാര്‍ട്ടിക്കുള്ളില്‍ ഉടലെടുത്തിരുന്ന ഭിന്നത മറനീക്കി പുറത്തു വന്നിരിക്കുകയാണ്. കേരളാ യാത്രയുടെ സമാപനത്തിനു പിന്നാലെ രമേശ് ഉമ്മന്‍ [...]

ന്യൂഡല്‍ഹി: ഇന്ത്യയുടെ പുതിയ കംട്രോളര്‍ ആന്‍ഡ് ഓഡിറ്റര്‍ ജനറലായി പ്രതിരോധ സെക്രട്ടറി ശശികാന്ത് ശര്‍മ നിയമിതനാവും.വിനോദ് റായ് ഇന്ന് വിരമിക്കും. വിനോദ് റായിയുടെ പിന്‍ഗാമിയായി ശര്‍മയുടെ പേര് രാഷ്ട്രപതി പ്രണാബ കുമാര്‍് മുഖര്‍ജി അംഗീകരിച്ചു. 1976 ബിഹാര്‍ കേഡര്‍ ഐ.എ.എസ്. ഉദ്യോഗസ്ഥനായ ശര്‍മ സംസ്ഥാനത്തും കേന്ദ്രത്തിലും പ്രധാന പദവികള്‍ വഹിച്ചു. പ്രതിരോധ വകുപ്പില്‍ ഡയറക്ടര്‍ ജനറലും ധനകാര്യ സെക്രട്ടറിയുമായിരുന്നു. 2011 ജൂലായിലാണ് പ്രതിരോധ സെക്രട്ടറിയാകുന്നത്. ജൂലായ് 13ന് അദ്ദേഹം വിരമിക്കാനിരുന്നതാണ്.