ജീവിതാവസ്ഥകളുടെ നൈസർഗികാഖ്യാനങ്ങൾ

പ്രതിപാദ്യ വിഷയത്തിൽ വ്യത്യസ്തത പുലർത്തുന്ന കഥകളെല്ലാം ന്യൂയോർക്ക് നഗരത്തിലെ ചെറുകിട ഉദ്യോഗസ്ഥരും കച്ചവടക്കാരും തൊഴിലാളികളും കള്ളന്മാരും തൊഴിൽരഹിതരും പോലീസുകാരുമുൾപ്പെടുന്ന സാധാരണ ജനതയുടെ ദൈനംദിന ജീവസ്പന്ദനങ്ങൾ പ്രതിഫലിപ്പിക്കുന്നവയാണ്. സ്നേഹവും ത്യാഗവും ചതിയും അസൂയയും കുടിലതയും നിറഞ്ഞ മനുഷ്യാവസ്ഥയുടെ അമ്പരപ്പിക്കുന്ന മുഹൂർത്തങ്ങൾകൊണ്ട് സജീവമാണ് ഒ ഹെൻറിയുടെ കഥകളെല്ലാം.

വായനയിലൂടെ നിർമിക്കപ്പെടുന്ന എഴുത്തുകളുടെ സൗകുമാര്യം

വായനക്കാരനെ പിടിച്ചിരുത്താൻ കഴിവുള്ള, തുടർച്ച ലഭിക്കുന്ന എഴുത്ത് രീതി തികച്ചും പ്രശംസനീയമാണ്.

ലോകത്തിന്റെ കഥാമുത്തശ്ശി

നാൽപ്പതിലേറെ പുസ്തകങ്ങളുടെ തൊണ്ണൂറ് ദശലക്ഷത്തിലധികം കോപ്പികൾ ലോകമെങ്ങും വിറ്റുപോയെന്നറിയുമ്പോഴാണ് ഈ എഴുത്തുകാരിക്ക് ലഭിച്ച ജനപ്രീതിയുടെ ആഴവും പരപ്പും ബോധ്യമാകുക. എല്ലാ രചനകളും ബെസ്റ്റ് സെല്ലറുകളായിത്തീരുക എന്നത് അക്ഷരലോകത്തെ അപൂർവം ചില പ്രതിഭകൾക്ക് മാത്രം വന്നുചേരുന്ന ബഹുമതിയാണ്.

ദാർശനികന്റെ സന്ദേഹങ്ങൾ

ചരിത്രത്തോട് പക്ഷപാതിത്വമില്ലാത്ത സന്ദേഹി ആയതിനാലാകാം ഈ നോവലിൽ ഒരു പ്രത്യയശാസ്ത്രത്തെയും മഹത്വവത്കരിക്കാനോ പൂർണമായും നിരാകരിക്കാനോ എഴുത്തുകാരൻ മുതിരുന്നില്ല. അതുകൊണ്ടാകും അന്തിമമായ ശരിതെറ്റുകൾക്ക് വഴങ്ങാത്ത മനുഷ്യജീവിതത്തിന്റെ നേരവസ്ഥകളിലൂടെ ഒ വി വിജയൻ തലമുറകളേയും തന്റെ ദാർശനിക ശാഠ്യങ്ങളിൽ തളച്ചിടാൻ വെമ്പുന്നത്.

‘ന്യൂറോ ഏരിയ’യിലെ നൂറ് കൂട്ടം വിചാരങ്ങൾ

ലളിതമായ ഭാഷയിലൂടെ ആർട്ടിഫിഷ്യൽ ഇന്റലിജൻസിന്റെ അതി സങ്കീർണമായ പ്രവർത്തനങ്ങളെ അവതരിപ്പിക്കുകയാണ് എഴുത്തുകാരൻ. കേരളത്തിന്റെ സാമൂഹിക സാഹചര്യങ്ങളെ ഇതിവൃത്തമാക്കുന്ന രചന സതേൺ ഹെൽത്ത് കെയർ ഹോസ്പിറ്റലിന്റെ പശ്ചാത്തലത്തിലാണ് പുരോഗമിക്കുന്നത്. വായനക്കാരനെ താളുകളിൽ നിന്ന് താളുകളിലേക്ക് മുന്നോട്ട് നയിക്കുന്ന നോവൽ അവസാനം വരെ സസ്പെൻസ് നിലനിർത്തുന്നു.

വിഭാഗീയതയുടെ വേരറുത്ത സമര മാതൃകകൾ

സമൃദ്ധമായ സമര വായനയാണ് കൃതി മുന്നോട്ടുവെക്കുന്നത്. നാട്ടുചരിത്രങ്ങളും സർഗാത്മക പ്രതിരോധവുമെല്ലാം മലബാറിന്റെ പൈതൃക, സാംസ്കാരിക സമ്പന്നതയിലേക്കാണ് വിരൽ ചൂണ്ടുന്നത്.

ഓർമകളുടെ നാട്ടുവെളിച്ചം

ജാതി മത വേർതിരിവുകൾക്കതീതമായി സഹവർത്തിത്തത്തോടെ കഴിഞ്ഞ ഒരു ജനതയെ നന്മ വിളിച്ചു പറയുന്ന കോളാമ്പി എന്ന കുറിപ്പിൽ കാണുന്നു. എഴുത്തുകാരന്റെ അച്ഛൻ വീടിനടുത്തുള്ള ഗ്രൗണ്ടിൽ ഇസ്്ലാം മത പ്രഭാഷണം കേൾക്കാൻ പതിവായി പോയിരുന്നു. വലിയൊരു ടോർച്ച് കക്ഷത്തിൽ വെച്ച് പ്രഭാഷണം കേൾക്കുന്ന അച്ഛന് ഒരു പ്രത്യേക കസേര സംഘാടകർ നൽകിയിരുന്നത്രേ. എല്ലാ മതങ്ങളെയും ഉൾക്കൊള്ളാനും അംഗീകരിക്കാനുമുള്ള വിശാലമായ മനസ്സുണ്ടായിരുന്ന, നന്മകൾ നിറഞ്ഞ കാലം ഇവിടെ ഇതൾ വിരിയുന്നു.

മുറംകീറിപ്പാടത്തെ ചരിത്രഗാഥ

പുതുമയുള്ള ഒരാഖ്യാന ശൈലിയിൽ രാജൻ പാട്ടുരാശിയിലെ വണ്ടിയെ കിഴക്കൻ ഏറനാടിന്റെ ഒരിതിഹാസ സമാനമായ നോവലായി വികസിപ്പിച്ചെടുക്കുകയാണ്.

കവിതയിലെ ഇരുളും വെളിച്ചവും

സംസാരിക്കുന്ന ചിത്രങ്ങൾ എന്ന് ചാൾസ് ബുക്കോവ്‌സ്‌കിയുടെ കവിതകളെ വിശേഷിപ്പിക്കാം. അത്രമാത്രം സുവ്യക്തവും സചേതനവുമാണ് അവ. ഓരോ കവിതയിലും വാക്കുകളുടെ അനുപമമായ ഒരു വർണക്കാലമാണ് അദ്ദേഹം ഒരുക്കുന്നത്. അതേസമയം, അവ സൗമ്യമെന്നു പറയാനുമാകില്ല. പലപ്പോഴും വന്യവും തീക്ഷ്ണവുമായ ഭാഷയുടെ കുത്തൊഴുക്ക് അനുവാചകരെ വീർപ്പുമുട്ടിക്കുന്നു.

വായനക്കാരനായ എഴുത്തുകാരന്റെ യാത്രകൾ

എം ടിക്ക് യാത്രകൾ ജീവിതത്തിന്റെ ഭാഗമാണ്. തന്റെ കാലത്തെ ജനത്തെയും ജീവിതത്തെയും ഏറ്റവും ശക്തമായി അവതരിപ്പിക്കാൻ അദ്ദേഹത്തെ പ്രാപ്തനാക്കിയത് ഈ യാത്രകളാണ്.

Latest news