Kerala
അങ്കമാലിയില് കോടികളുടെ മയക്ക്മരുന്നുമായി നിയമ വിദ്യാര്ഥിയടക്കം രണ്ട് പേര് പിടിയില്
ക്രിസ്മസ് -ന്യൂ ഇയര് ആഘോഷങ്ങള്ക്ക് വേണ്ടിയാണ് മയക്കുമരുന്ന് എത്തിച്ചിട്ടുള്ളത്.
കൊച്ചി | അങ്കമാലിയില് രണ്ട് കിലോഗ്രാം ഹാഷിഷ് ഓയിലുമായി രണ്ടുപേര് പിടിയില്. കാക്കനാട് എന് ജി ഒ ക്വാര്ട്ടേഴ്സ് അയ്യമ്പ്രാത്ത് വീട്ടില് മുഹമ്മദ് അസ്ലാം (23), തൃശൂര് പട്ടിക്കാട് പാത്രക്കടയില് വീട്ടില് ക്ലിന്റ് സേവ്യര് (24) എന്നിവരാണ് പിടിയിലായത് . എല് എല് ബി വിദ്യാര്ഥിയായ അസ്ലം ബെംഗളുരുവില് നിന്നുള്ള ടൂറിസ്റ്റ് വാഹനത്തിലാണ് ഓയില് കടത്തിക്കൊണ്ടുവന്നത്. മയക്കുമരുന്ന് വാങ്ങാന് അങ്കമാലി സ്റ്റാന്ഡിലെത്തിയപ്പോഴാണ് ക്ലിന്റ് പോലീസിന്റെ പിടിയിലാകുന്നത്. ഇയാളാണ് ലഹരി വാങ്ങാന് പണം നല്കിയത്. ക്രിസ്മസ് -ന്യൂ ഇയര് ആഘോഷങ്ങള്ക്ക് വേണ്ടിയാണ് മയക്കുമരുന്ന് എത്തിച്ചിട്ടുള്ളത്. പൊതുവിപണിയില് ഇതിന് കോടികള് വിലവരും.
ആന്ധ്രയിലെ പഡേരുവില്നിന്നാണ് അസ്ലം ഓയില് വാങ്ങിയത്. അവിടെനിന്നു ട്രയിനില് ബെംഗളൂരുവിലെത്തിച്ചു. ബെംഗളൂരുവില്നിന്നുമാണ് ടൂറിസ്റ്റ് ബസില് കയറിയത്.രണ്ടു ബാഗുകളിലായി പ്രത്യേകം പാക്കു ചെയ്ത നിലയിലായിരുന്നു മയക്കുമരുന്ന് .രഹസ്യവിവരത്തെ തുടര്ന്ന് റൂറല് ജില്ലാ ഡാന്സാഫ് ടീമും അങ്കമാലി പോലീസും നടത്തിയ പരിശോധനയില് രാവിലെ ഏഴ് മണിയോടെയാണ് ഇവര് പിടിയിലാകുന്നത്.
Latest
തിരുവനന്തപുരത്ത് വി വി രാജേഷോ ആര് ശ്രീലേഖയോ?; മേയര് ചര്ച്ചകള് സജീവമാക്കി ബി ജെ പി
ബാലുശ്ശേരിയില് യുഡിഎഫ് വിജയാഹ്ലാദത്തിനിടെ സ്കൂട്ടര് പൊട്ടിത്തെറിച്ച് യുവാവ് മരിച്ചു; രണ്ട് പേര്ക്ക് പരുക്ക്
യു എസില് യൂണിവേഴ്സിറ്റി ക്യാംപസില് വെടിവെപ്പ്; രണ്ട് പേര് കൊല്ലപ്പെട്ടു, എട്ട് പേര്ക്ക് ഗുരുതര പരുക്ക്
മൂന്നാം തുടർഭരണ മോഹത്തിന് ചെക്ക്
കാസര്കോട്ട് ഇടതിന് മേല്ക്കൈ
ബി ജെ പിയുടെ ഓപറേഷൻ മുംതാസ്
