Kerala
സേവനം സാമൂഹിക പ്രവര്‍ത്തകൻ്റെ മുഖമുദ്രയാകണം: പട്ടുവം കെ പി അബൂബക്കര്‍ മുസ്ലിയാര്‍
കേരള മുസ്ലിം ജമാഅത്ത് സംസ്ഥാന ശില്‍പ്പശാല സമാപിച്ചു
തൃക്കരിപ്പൂര്‍ | സേവനം സാമൂഹിക പ്രവര്‍ത്തകരുടെ മുഖമുദ്രയായി മാറണമെന്ന് കേരള മുസ്ലിം ജമാഅത്ത് സംസ്ഥാന ഉപാധ്യക്ഷന്‍ പട്ടുവം കെ പി അബൂബക്കര്‍ മുസ്ലിയാര്‍ പറഞ്ഞു. കേരള മുസ്ലിം ജമാഅത്ത് തൃക്കരിപ്പൂര്‍ അല്‍ മുജമ്മയില്‍ സംഘടിപ്പിച്ച സംസ്ഥാന ശില്‍പ്പശാല എഡിറ്റ് 25 ഉദ്ഘാടനം ചെയ്യുകയായിരുന്നു അദ്ദേഹം.
സമൂഹത്തിൻ്റെ കരസ്പര്‍ശം ആവശ്യമുള്ളവര്‍ ചുറ്റുമുണ്ട്. അവര്‍ക്ക് കരുതലായി സാമൂഹിക പ്രവര്‍ത്തകര്‍ സജ്ജരാവണം. മനുഷ്യര്‍ക്കൊപ്പം എന്ന ശീര്‍ഷകത്തില്‍ കേരള മുസ്ലിം ജമാഅത് നടത്തുന്ന കര്‍മ സാമായികം ഈ ദൗത്യമാണ് നിര്‍വഹിക്കുന്നത്. കണ്ണൂര്‍, കാസര്‍കോട് ജില്ലകളിലെ ജില്ലാ, സോണ്‍ ഭാരവാഹികളും ആര്‍ ഡി അംഗങ്ങളും എക്സിക്യൂട്ടീവ് കൗണ്‍സില്‍ ഭാരവാഹികളും സോണ്‍ നിരീക്ഷകരും ശില്‍പ്പശാലയില്‍ സംബന്ധിച്ചു. മാര്‍ച്ച് വരെയുള്ള കര്‍മ പദ്ധതി പ്രഖ്യാപിച്ചു.
സയ്യിദ് ത്വയ്യിബുല്‍ ബുഖാരി പതാക ഉയര്‍ത്തി. കണ്ണൂര്‍ ജില്ലാ പ്രസിഡൻ്റ് അലിക്കുഞ്ഞി ദാരിമി അധ്യക്ഷത വഹിച്ചു. സംസ്ഥാന വൈസ് പ്രസിഡൻ്റ് പട്ടുവം കെ പി അബൂബക്കര്‍ മുസ്ലിയാര്‍ പട്ടുവം ഉദ്ഘാടനം ചെയ്തു. സംസ്ഥാന നേതാക്കളായ മജീദ് കക്കാട്, മുഹമ്മദ് പറവൂര്‍ വിഷയാവതരണം നടത്തി. പ്രൊഫ. യു സി അബ്ദുല്‍ മജീദ്, ഹാമിദ് ചൊവ്വ, മൂസല്‍ മദനി തലക്കി, സി കെ എം അഷ്‌റഫ് മൗലവി, വി സി അബ്ദുല്ല സഅദി, മുഹമ്മദ് സഖാഫി ചൊക്ലി, യൂസുഫ് മദനി ചെറുവത്തൂര്‍, ബഷീര്‍ പുളിക്കൂര്‍, എ പി എ റഹീം, റസ്സാഖ് മാണിയൂര്‍, എം ടി പി ഇസ്മാഈല്‍ സഅദി, ജാബിര്‍ സഖാഫി, റഫീഖ് അണിയാരം, പി കെ അബ്ദുല്‍ റഹ്‌മാന്‍ മാസ്റ്റര്‍, അബ്ദുല്‍ റസ്സാഖ് സഖാഫി കോട്ടക്കുന്ന്, പള്ളങ്കോട് അബ്ദുല്‍ഖാദിര്‍ മദനി, ഹനീഫ് പാനൂര്‍ സംബന്ധിച്ചു.
Latest
എന്റെ സ്വത്തു വിവരങ്ങള്‍ പരസ്യമാക്കാം, പ്രതിപക്ഷ നേതാവ് സ്വത്ത് വെളിപ്പെടുത്താന്‍ തയ്യാറാണോ; വെല്ലുവിളിച്ച് പിഎസ് പ്രശാന്ത്
യുപിയില്‍ മാധ്യമപ്രവര്‍ത്തകനെ വെട്ടിക്കൊന്ന കേസ്; മുഖ്യപ്രതിയെ പോലീസ് വെടിവെച്ച് പിടികൂടി
പി എം ശ്രീയില്‍ ഒപ്പിട്ട സര്‍ക്കാര്‍ നടപടി വഞ്ചനാപരം; തെരുവില്‍ പ്രതിഷേധത്തിനൊരുങ്ങി എഐഎസ്എഫ്
അവധിയെടുക്കാന്‍ വ്യാജമായി പിഎസ്‌സി ഹാള്‍ ടിക്കറ്റുണ്ടാക്കി; പോലീസ് ട്രെയിനിക്കെതിരെ അന്വേഷണം
ദുബൈയിൽ ടാക്‌സി നിരക്ക് വർധിപ്പിച്ചു; ആപ്പുകൾ വഴി ബുക്ക് ചെയ്യുന്നതിന് പുതിയ നിരക്ക്
കര്‍ണൂല്‍ ബസ് അപകടം ; മരണം 25 ആയി ഉയര്‍ന്നു
