Kerala
മെഡിക്കല് കോളജ് ഐസിയു പീഡനക്കേസ്; പ്രതിയെ സര്വീസില് നിന്നും പിരിച്ചുവിട്ടു
ആഭ്യന്തര അന്വേഷണത്തിന്റെ അടിസ്ഥാനത്തില് മെഡിക്കല് കോളജിലെ ഭരണനിര്വഹണവിഭാഗം പ്രതിയെ ജോലിയില്നിന്ന് പിരിച്ചുവിടാനുള്ള ശിപാര്ശ ഉത്തരവ് മേലധികാരിയായ പ്രിന്സിപ്പലിന് വ്യാഴാഴ്ച കൈമാറിയിരുന്നു
കോഴിക്കോട് | കോഴിക്കോട് മെഡിക്കല് കോളജ് ഐസിയു പീഡനക്കേസിലെ പ്രതിയായ ജീവനക്കാരനെ പിരിച്ചുവിട്ടു. അറ്റന്ഡന്റര് എഐ ശശീന്ദ്രനെയാണ് സര്വീസില് നിന്നും പിരിച്ചുവിട്ടത്. ആഭ്യന്തര അന്വേഷണത്തില് കുറ്റക്കാരനാണെന്ന് കണ്ടെത്തിയതിനെത്തുടര്ന്നാണ്, മെഡിക്കല് കോളജ് പ്രിന്സിപ്പലിന്റെ നടപടി.
023 മാര്ച്ച് 18-നാണ് കേസിന് ആസ്പദമായ സംഭവം.തൈറോയ്ഡ് ശസ്ത്രക്രിയകഴിഞ്ഞ് മെഡിക്കല് കോളജ് ഐസിയുവില് പാതിമയക്കത്തില് കിടക്കുകയായിരുന്ന യുവതിയെ അറ്റന്ഡറായ ശശീന്ദ്രന് പീഡിപ്പിച്ചുവെന്നാണ് പരാതി.മെഡിക്കല് കോളജിലെ ഒരുവിഭാഗം ജീവനക്കാര് ഇയാളെ സംരക്ഷിക്കാന് ശ്രമിക്കുന്നതായി ആരോപിച്ച് പീഡനത്തിന് ഇരയായ യുവതി പരസ്യമായി രംഗത്തെത്തിയിരുന്നു
ആഭ്യന്തര അന്വേഷണത്തിന്റെ അടിസ്ഥാനത്തില് മെഡിക്കല് കോളജിലെ ഭരണനിര്വഹണവിഭാഗം പ്രതിയെ ജോലിയില്നിന്ന് പിരിച്ചുവിടാനുള്ള ശിപാര്ശ ഉത്തരവ് മേലധികാരിയായ പ്രിന്സിപ്പലിന് വ്യാഴാഴ്ച കൈമാറിയിരുന്നു. അതിന്റെ അടിസ്ഥാനത്തിലാണ് പ്രിന്സിപ്പല് പിരിച്ചുവിട്ടതായി ഉത്തരവിറക്കിയത്. ഉത്തരവിന്റെ പകര്പ്പ് ഡിഎംഒയ്ക്ക് ഉള്പ്പടെ കൈമാറുകയും ചെയ്തു. പീഡന കേസില് കോടതിയില് വിചാരണ തുടങ്ങിയിട്ടുണ്ട്
Latest
ജമാഅത്തെ ഇസ്ലാമി നിലപാടില് മലക്കംമറിഞ്ഞ് എം കെ മുനീര്
പെട്ടീ പെട്ടീ ബാലറ്റ് പെട്ടീ... പെട്ടി പൊട്ടിച്ചപ്പോള്...
കള്ളവോട്ടിന് ഒരു വര്ഷം വരെ തടവും പിഴയും
കണ്ണൂര് കോര്പറേഷന്: വെള്ളം കുടിപ്പിച്ച് പത്തിലേറേ ഡിവിഷനുകള്
മദ്യലഹരിയില് പതിനാലുകാരിയെയും മാതാവിനെയും മര്ദിച്ച കേസ്; പിതാവ് അറസ്റ്റില്
ബേങ്ക് വായ്പ: ദീര്ഘകാലമായി തിരച്ചടവ് മുടങ്ങിയ പ്രവാസികള്ക്ക് കുവൈത്ത് വിമാനത്താവളത്തില് പിടിവീഴും
