sex abuse
17 കാരിയുടെ മൃതദേഹം ചാലിയാറില് കണ്ടെത്തിയ സംഭവത്തില് കരാട്ടെ മാസ്റ്റര് അറസ്റ്റിലായി
സിദ്ദീഖലി നേരത്തെ മറ്റൊരു പോക്സോ കേസില് റിമാന്ഡിലായിട്ടുണ്ട്
മലപ്പുറം | എടവണ്ണപ്പാറയില് 17 കാരിയുടെ മൃതദേഹം ചാലിയാറില് കണ്ടെത്തിയ സംഭവത്തില് കരാട്ടെ മാസ്റ്റര് അറസ്റ്റിലായി. പെണ്കുട്ടിയെ കരാട്ടെ അഭ്യാസിപ്പിച്ചിരുന്ന സിദ്ധീഖ് അലി പീഡനത്തിന് ഇരയാക്കിയെന്ന കുടുംബത്തിന്റെ പരാതിയിലാണ് വാഴക്കാട് പോലീസ് ഇയാളെ അറസ്റ്റ് ചെയ്തത്.
കരാട്ടെ മാസ്റ്റര് സിദ്ദീഖലി നേരത്തെ മറ്റൊരു പോക്സോ കേസില് റിമാന്ഡിലായിട്ടുണ്ട്.തിങ്കളാഴ്ച വൈകിട്ട് വീട്ടില് നിന്ന് കാണാതായ പ്ലസ് വണ് വിദ്യാര്ഥിനിയുടെ മൃതദേഹം 100 മീറ്റര് അകലെ വാഴക്കാട് മപ്രം മുട്ടുങ്ങൽ കടവിലാണ് കണ്ടെത്തിയത്. കഴിഞ്ഞ ദിവസം വൈകിട്ട് 6 മണിയോടെയായിരുന്നു സംഭവം.
കുട്ടിയെ കാണാതായതിനെ തുടര്ന്ന് വീട്ടുകാരും നാട്ടുകാരും ചേര്ന്ന് നടത്തിയ തെരച്ചിലിലാണ് കുട്ടിയെ വെള്ളത്തില് മുങ്ങികിടക്കുന്ന നിലയില് കണ്ടത്. ഉടന്തന്നെ വാഴക്കാടുള്ള സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പെണ്കുട്ടിയുടെ മൃതദേഹം കോഴിക്കോട് മെഡിക്കല് കോളേജില് പോസ്റ്റ്മോര്ട്ടം നടത്തി ബന്ധുക്കള്ക്ക് വിട്ട് കൊടുത്തു. പഠിക്കാന് മിടുക്കിയായ വിദ്യാര്ഥിനിയുടെ മരണത്തില് ദുരൂഹതയുണ്ടെന്നും അന്വേഷണം നടത്തണമെന്നും നാട്ടുകാരും ആവശ്യപ്പെട്ടിരുന്നു.
ഇന്നലെ രാത്രിയാണ് കേസുമായി ബന്ധപ്പെട്ട് കരാട്ടെ മാസ്റ്ററെ കസ്റ്റഡിയിലെടുത്തത്. തുടര്ന്ന് അറസ്റ്റ് രേഖപ്പെടുത്തുകയായിരുന്നു.