National
ഐ എം എഫില്‍ നിന്ന് എക്‌സിക്യൂട്ടീവ് ഡയറക്ടറെ പിന്‍വലിച്ച് ഇന്ത്യ; നടപടി കാലാവധി ആറുമാസം ശേഷിക്കെ
രാജ്യത്തിന്റെ എക്‌സിക്യൂട്ടീവ് ഡയറക്ടര്‍ ഡോ. കൃഷ്ണമൂര്‍ത്തി സുബ്രഹ്മണ്യത്തെയാണ് പിന്‍വലിച്ചത്.
ന്യൂഡല്‍ഹി | അന്താരാഷ്ട്ര നാണയ നിധി (ഐ എം എഫ്) യില്‍ നിന്ന് ഉന്നതോദ്യോഗസ്ഥനെ പിന്‍വലിച്ച് ഇന്ത്യ. രാജ്യത്തിന്റെ എക്‌സിക്യൂട്ടീവ് ഡയറക്ടര്‍ ഡോ. കൃഷ്ണമൂര്‍ത്തി സുബ്രഹ്മണ്യത്തെയാണ് പിന്‍വലിച്ചത്. പദവിയില്‍ ആറ് മാസം കാലാവധി ശേഷിക്കെയാണ് സര്‍ക്കാര്‍ നടപടി സ്വീകരിച്ചത്. ഈ മാസം ഒമ്പതിന്, പാകിസ്ഥാനുള്ള സാമ്പത്തിക സഹായം അവലോകനം ചെയ്യാനുള്ള ഐ എം എഫ് ബോര്‍ഡ് യോഗം ചേരാനിരിക്കേയാണ് നടപടി.
2018 മുതല്‍ 2021 വരെ ഇന്ത്യയുടെ മുഖ്യ സാമ്പത്തിക ഉപദേഷ്ടാവായി സേനവമനുഷ്ഠിച്ചിട്ടുള്ള ഡോ. കെ സുബ്രഹ്മണ്യനെ 2022 ആഗസ്റ്റിലാണ് ഐ എം എഫ് എക്‌സിക്യൂട്ടീവ് ഡയറക്ടറായി സര്‍ക്കാര്‍ നാമനിര്‍ദേശം ചെയ്തത്. 2022 നവംബര്‍ ഒന്നിനാണ് അദ്ദേഹം സ്ഥാനമേറ്റത്. ഈ വര്‍ഷം നവംബറില്‍ കാലാവധി തീരാനിരിക്കുകയായിരുന്നു.
ഐ എം എഫിന്റെ ഔദ്യോഗിക വെബ്സൈറ്റില്‍ മെയ് രണ്ടു വരെ കൃഷ്ണമൂര്‍ത്തി സുബ്രഹ്മണ്യന്റെ പേര് എക്‌സിക്യൂട്ടീവ് ഡയറക്ടര്‍മാരുടെ പട്ടികയില്‍ ഉണ്ടായിരുന്നു. മെയ് മൂന്ന് മുതല്‍ ഇന്ത്യക്കു പുറമെ ബംഗ്ലാദേശ്, ഭൂട്ടാന്‍, ശ്രീലങ്ക എന്നീ രാജ്യങ്ങളുടെ എക്‌സിക്യൂട്ടീവ് ഡയറക്ടര്‍മാരുടെ പേരുകളും പട്ടികയില്‍ ഇല്ല.
Latest
എന്നെ തൊടാന്‍ ആര്‍ക്കും കഴിയില്ല; ഞാന്‍ തുടരും: കെ സുധാകരന്‍
'ഫോട്ടോ കണ്ടാല്‍ പോലും പ്രവര്‍ത്തകര്‍ തിരിച്ചറിയാത്തവരെ പ്രസിഡന്റാക്കരുത്'; കോണ്‍ഗ്രസ്സില്‍ വീണ്ടും 'പോസ്റ്റര്‍ യുദ്ധം'
ട്രംപ് പോപ്പിന്റെ വേഷത്തില്‍ പ്രത്യക്ഷപ്പെട്ടത് ബാലിശം, പ്രതിഷേധാര്‍ഹം: കെ സി ബി സി
ജാമിഅതുല്‍ ഹിന്ദ് ജെ- സാറ്റ് ഫലം പ്രസിദ്ധീകരിച്ചു; ആദ്യ അലോട്മെൻ്റ് ചൊവ്വാഴ്ച
പേവിഷബാധയേറ്റ് കുട്ടിയുടെ മരണം; ചികിത്സയില്‍ അനാസ്ഥയുണ്ടായെന്ന് ആരോപിച്ച് കുടുംബം
മൊഴി പുറത്തുവിടുന്നത് അജണ്ട തീരുമാനിക്കുന്നവരെന്ന് മന്ത്രി രാജന്‍
