സഊദിയിൽ ഡ്രൈവറില്ലാത്ത കാറിന്റെ പരീക്ഷണയോട്ടം പൂർത്തിയായി

റിയാദ് | സ്മാർട്ട്, എ ഐ അധിഷ്ഠിത ഗതാഗത സംവിധാനങ്ങളിലേക്കുള്ള സുപ്രധാന ചുവടുവപ്പുമായി  സഊദി അറേബ്യ, തലസ്ഥനമായ റിയാദിൽ ഡ്രൈവറില്ലാത്ത കാറിന്റെ പരീക്ഷണയോട്ടത്തിന് ട്രാൻസ്പോർട്ട് ജനറൽ അതോറിറ്റിയുടെ നേതൃത്വത്തിൽ  തുടക്കമായി.

നൂതന സാങ്കേതികവിദ്യ പ്രാപ്തമാക്കുന്നതിനും രാജ്യത്ത് സുരക്ഷിത ഗതാഗത ആവാസവ്യവസ്ഥയുടെ വികസനം വിപുലീകരിക്കുന്നതിനും ലക്ഷ്യമിട്ടുള്ള ചുവടുവെപ്പാണ് പുതിയ സംവിധാനം. മണിക്കൂറിൽ പരമാവധി 100 കിലോമീറ്റർ വേഗത കൈവരിക്കാൻ കഴിയുമെന്നാണ് പ്രധാന സവിശേഷത. ടി ജി എയുടെ നേരിട്ടുള്ള നിയന്ത്രണ, സാങ്കേതിക മേൽനോട്ടത്തിലാണ് പദ്ധതി നടപ്പിലാക്കുന്നത്.

പ്രാരംഭ ഘട്ടത്തിൽ സുരക്ഷ ഉറപ്പാക്കുന്നതിനും,സ്മാർട്ട് സിസ്റ്റങ്ങളുടെ പ്രകടനം നിരീക്ഷിക്കുന്നതിനും ഓരോ വാഹനത്തിലും സുരക്ഷാ ഉദ്യോഗസ്ഥരുടെ സേവനവും യാത്രക്കാർക്ക് ലഭ്യമാകും.