National
അണ്ണാ സര്വകലാശാല ബലാത്സംഗ കേസ്; പോലീസിനും സര്വകലാശാലാ അധികൃതര്ക്കും മദ്രാസ് ഹൈക്കോടതിയുടെ രൂക്ഷ വിമര്ശനം
സദാചാര പോലീസ് കളിക്കേണ്ടെന്ന് മദ്രാസ് ഹൈക്കോടതി പറഞ്ഞു
ചെന്നൈ | അണ്ണാ സര്വകലാശാല ബലാത്സംഗ കേസില് ചെന്നൈ പൊലീസിനും സര്വകലാശാലാ അധികൃതര്ക്കും എതിരെ രൂക്ഷ വിമര്ശനവുമായി മദ്രാസ് ഹൈക്കോടതി. കേസിന്റെ എഫ്ഐആര് ചോര്ന്നത് പൊലീസിന്റെ കൈയില് നിന്നെന്ന് കോടതി വിമര്ശിച്ചു. പെണ്കുട്ടി അനുഭവിക്കുന്ന മനോവിഷമത്തിന് ഉത്തരവാദി സര്ക്കാരാണ്.
ആണ്കുട്ടികള് പെണ്കുട്ടികള്ക്കൊപ്പം പോകരുതെന്ന് സര്വകലാശാലയ്ക്ക് പറയാനാകില്ല. സദാചാര പോലീസ് കളിക്കേണ്ടെന്ന് മദ്രാസ് ഹൈക്കോടതി പറഞ്ഞു. പെണ്കുട്ടിയെ കുറിച്ച് മോശമായി സംസാരിക്കാന് ആര്ക്കും അവകാശമില്ല. പുരുഷ സുഹൃത്തിനൊപ്പം സമയം ചെലവിടുന്നത് അവളുടെ അവകാശമാണ്. സ്ത്രീസ്വാതന്ത്ര്യത്തെ കുറിച്ച് അസംബന്ധ പരാമര്ശങ്ങള് അനുവദിക്കില്ലെന്നും കോടതി വ്യക്തമാക്കി. കേസില് നാളെയും വാദം തുടരും.
കേസില് ഇന്ന് നടന്ന വാദത്തിലായിരുന്നു കോടതിയുടെ നിരീക്ഷണം. ക്യാമ്പസില് ദുരനുഭവം നേരിട്ട പെണ്കുട്ടികള് ഉണ്ടെങ്കില് മുന്നോട്ടുവരണം എന്ന് കോടതി പറഞ്ഞു. 10 വര്ഷമായി പ്രതി ക്യാമ്പസില് കയറിയിറങ്ങുന്നു. എന്തെല്ലാം സംഭവിച്ചിട്ടുണ്ടാകുമെന്ന് ആര്ക്കറിയാം എന്നും കോടതി ചോദിച്ചു.
അധികൃതര് പോലീസിന് ക്യാംപസില് വിലക്കേര്പ്പെടുത്തിയിരിക്കുകയാണെന്നും അതേ സമയം പ്രതിക്ക് പൂര്ണസ്വാതന്ത്യം നല്കിയിരിക്കുകയാണെന്നും കോടതി രൂക്ഷഭാഷയില് പറഞ്ഞു.
Latest
നടി ആക്രമിക്കപ്പെട്ട കേസില് നീതി പൂര്ണമായി നടപ്പിലായില്ല, ആസൂത്രണം ചെയ്തവര് പകല് വെളിച്ചത്തിലുണ്ട്: മഞ്ജു വാര്യര്
ശബരിമല സ്വര്ണക്കൊള്ള: എസ് ഐ ടിക്ക് മൊഴി നല്കി രമേശ് ചെന്നിത്തല
നിയമത്തിനു മുമ്പില് എല്ലാവരും തുല്യരല്ലെന്ന് തിരിച്ചറിഞ്ഞു; വിധിയില് ആദ്യ പ്രതികരണവുമായി അതിജീവിത
ശബരിമലയില് അരവണ പ്രതിസന്ധി; അവശേഷിക്കുന്നത് 27 ലക്ഷത്തില് താഴെ ടിന് മാത്രം
സത്യം ജയിക്കും; മോദി സര്ക്കാരിനെ താഴെയിറക്കും: രാഹുല് ഗാന്ധി
യു ഡി എഫ് വനിതാ സ്ഥാനാര്ഥിയെയും ബൂത്ത് ഏജന്റിനെയും മര്ദിച്ച കേസ്: നാല് സി പി എം പ്രവര്ത്തകര് അറസ്റ്റില്
