sex abuse
പീഡനക്കേസില് അതിജീവിതയായ 15 കാരിയെ കാണാതായി
പരീക്ഷ കഴിഞ്ഞു മടങ്ങവെ ബസ്സില് വച്ചാണ് കാണാതായത്
തൊടുപുഴ | പീഡനക്കേസില് അതിജീവിതയായ 15 കാരിയെ കാണാതായി. അടിമാലി സ്വദേശിനിയായ പെണ്കുട്ടിയെയാണ് പരീക്ഷകഴിഞ്ഞ് മടങ്ങുന്നതിനിടെ കാണാതായത്. കഴിഞ്ഞദിവസം വൈകീട്ട് പൈനാവിനും തൊടുപുഴയ്ക്കും ഇടയില് ബസ് യാത്രക്കിടെയാണ് പെണ്കുട്ടിയെ കാണാതായത്.
തൊടുപുഴയിലെ സംരക്ഷണ കേന്ദ്രത്തില് കഴിയുന്ന പെണ്കുട്ടിയെ പരീക്ഷ എഴുതാനാണ് കഴിഞ്ഞദിവസം പൈനാവിലെ സ്കൂളിലേക്ക് കൊണ്ടുപോയത്. സംരക്ഷണകേന്ദ്രത്തിലെ സുരക്ഷാ ജീവനക്കാരിയും ഒപ്പമുണ്ടായിരുന്നു. പരീക്ഷ കഴിഞ്ഞ് പൈനാവില്നിന്ന് തൊടുപുഴയിലേക്ക് മടങ്ങുന്നതിടെ ബസ്സില് വച്ചു പെണ്കുട്ടിയെ കാണാതാവുകയായിരുന്നു. ഇതോടെ സംരക്ഷണകേന്ദ്രത്തിലെ അധികൃതര് പോലീസില് വിവരമറിയിച്ചു.
പെണ്കുട്ടിയെ കാണാതായ സംഭവത്തില് തൊടുപുഴ പോലീസ് അന്വേഷണം ആരംഭിച്ചിട്ടുണ്ട്. ബസ് യാത്രയ്ക്കിടെ തൊടുപുഴയ്ക്ക് മുമ്പുള്ള മോര് ജങ്ഷനില് പെണ്കുട്ടി ഇറങ്ങിയതായാണ് പോലീസിന്റെ സംശയം. പെണ്കുട്ടിയെ കണ്ടെത്താനായി തിരച്ചില് തുടരുകയാണ്.
Latest
നടി ആക്രമിക്കപ്പെട്ട കേസില് നീതി പൂര്ണമായി നടപ്പിലായില്ല, ആസൂത്രണം ചെയ്തവര് പകല് വെളിച്ചത്തിലുണ്ട്: മഞ്ജു വാര്യര്
ശബരിമല സ്വര്ണക്കൊള്ള: എസ് ഐ ടിക്ക് മൊഴി നല്കി രമേശ് ചെന്നിത്തല
നിയമത്തിനു മുമ്പില് എല്ലാവരും തുല്യരല്ലെന്ന് തിരിച്ചറിഞ്ഞു; വിധിയില് ആദ്യ പ്രതികരണവുമായി അതിജീവിത
ശബരിമലയില് അരവണ പ്രതിസന്ധി; അവശേഷിക്കുന്നത് 27 ലക്ഷത്തില് താഴെ ടിന് മാത്രം
സത്യം ജയിക്കും; മോദി സര്ക്കാരിനെ താഴെയിറക്കും: രാഹുല് ഗാന്ധി
യു ഡി എഫ് വനിതാ സ്ഥാനാര്ഥിയെയും ബൂത്ത് ഏജന്റിനെയും മര്ദിച്ച കേസ്: നാല് സി പി എം പ്രവര്ത്തകര് അറസ്റ്റില്
