National
ആകാശച്ചുഴിയില്‍പ്പെട്ട ഇന്‍ഡിഗോ വിമാനത്തിന് വ്യോമപാത നിഷേധിച്ച് പാകിസ്താന്‍
വ്യോമപാത ഉപയോഗിക്കാന്‍ പൈലറ്റ് അനുമതി തേടിയെങ്കിലും ലാഹോര്‍ എയര്‍ ട്രാഫിക് കണ്‍ട്രോള്‍ നിരസിക്കുകയായിരുന്നു
ശ്രീനഗര്‍ \ ശ്രീനഗറില്‍ ആകാശച്ചുഴിയില്‍പ്പെട്ട ഇന്‍ഡിഗോ വിമാനത്തിന് അപകടം ഒഴിവാക്കാന്‍ അനുമതി തേടിയെങ്കിലും വ്യോമപാത നിഷേധിച്ച് പാകിസ്താന്‍. ആകാശച്ചുഴിയില്‍പ്പെട്ടതിന് തുടര്‍ന്ന് പാകിസ്താന്റെ വ്യോമപാത ഉപയോഗിക്കാന്‍ പൈലറ്റ് അനുമതി തേടിയെങ്കിലും ലാഹോര്‍ എയര്‍ ട്രാഫിക് കണ്‍ട്രോള്‍ നിരസിക്കുകയായിരുന്നു.
ഇതോടെ അപകടകരമായ ലാന്‍ഡിംഗിന് പൈലറ്റ് തയാറാവുകയായിരുന്നു.ആകാശച്ചുഴിയില്‍ പെട്ട വിമാനത്തിന് കേടുപാടുകളുണ്ടായിരുന്നു. ഡല്‍ഹി-ശ്രീനഗര്‍ ഇന്‍ഡിഗോ വിമാനം അമൃത്സറിലെത്തിയപ്പോഴാണ് ആകാശച്ചുഴിയില്‍ അകപ്പെട്ടത്.
ഇതോടെ പൈലറ്റ് വ്യോമാതിര്‍ത്തി ഉപയോഗിക്കാന്‍ ലാഹോര്‍ എടിസിയുമായി ബന്ധപ്പെടുകയായിരുന്നു. പാകിസ്താന്‍ അനുമതി നിഷേധിച്ചതോടെ പൈലറ്റ് ലാന്‍ഡിംഗിന് ശ്രമിച്ചു. വിമാനം സുരക്ഷിതമായി ശ്രീനഗര്‍ വിമാനത്താവളത്തില്‍ ലാന്‍ഡ് ചെയ്തു.യാത്രക്കാരും ക്രൂവും സുരക്ഷിതരാണെന്ന് ഇന്‍ഡിഗോ അറിയിച്ചിരുന്നു. വിമാനത്തിന്റെ മുന്‍ഭാഗത്തിന് കേടുപാടുണ്ടായി.
Latest
യു എസില്‍ വില്‍ക്കുന്ന ഫോണുകള്‍ തദ്ദേശീയമായി നിര്‍മിച്ചതായിരിക്കണം; 'ആപ്പിളി'ന് മുന്നറിയിപ്പുമായി വീണ്ടും ട്രംപ്
മംഗലാപുരത്ത് നിന്ന് കാണാതായ ഒമ്പതാം ക്ലാസുകാരനെ കണ്ടെത്തി
ദേശീയപാതയില്‍ പയ്യന്നൂരിലും വിള്ളല്‍
ദേശീയപാത നിര്‍മിക്കുന്ന കമ്പനികള്‍ ബി ജെ പിക്ക് പണം കൊടുത്തു; ആരോപണവുമായി എം വി ഗോവിന്ദന്‍
ദേശീയപാതയിലെ തകര്‍ച്ച: ഇടക്കാല റിപോര്‍ട്ട് സമര്‍പ്പിക്കണമെന്ന് കോടതി
ശ്രീകാര്യത്ത് വീട്ടില്‍ വന്‍ കവര്‍ച്ച; മോഷ്ടിച്ചത് 15 പവന്‍ സ്വര്‍ണവും നാലുലക്ഷം രൂപയും
