Kasargod
സാരിയില്‍ ഊഞ്ഞാല്‍ കെട്ടി ആടുന്നതിനിടെ കഴുത്തില്‍ കുരുങ്ങി പന്ത്രണ്ടുകാരന് മരിച്ചു
ചെങ്കള നാലാംമൈലില്‍ താമസിക്കുന്ന ആന്ധ്ര ചിറ്റൂര്‍ സ്വദേശി മസ്താന്റെ മകന്‍ ഉമ്മര്‍ ഫാറൂഖാണ് മരിച്ചത്.
കാസര്‍കോട് | അമ്മയുടെ സാരി ഉപയോഗിച്ച് ഊഞ്ഞാല്‍ കെട്ടി ആടുന്നതിനിടെ കഴുത്തില്‍ കുരുങ്ങി പന്ത്രണ്ടുകാരന് ദാരുണാന്ത്യം. ചെങ്കള നാലാംമൈലില്‍ താമസിക്കുന്ന ആന്ധ്ര ചിറ്റൂര്‍ സ്വദേശി മസ്താന്റെ മകന്‍ ഉമ്മര്‍ ഫാറൂഖാണ് മരിച്ചത്.
ഇന്ന് വൈകിട്ടോടെയാണ് സംഭവം. കൂലിപ്പണിക്കാരനായ പിതാവ് മസ്താന്‍ ജോലിക്കും മാതാവ് നസ്രിന്‍ കടയിലും പോയ സമയത്തായിരുന്നു ഫാറൂഖ് സാരിയില്‍ ഊഞ്ഞാല്‍ കെട്ടി ആടാന്‍ ശ്രമിച്ചത്. കേരളത്തിന്റെ വിവിധ ഭാഗങ്ങളില്‍ താമസിച്ചിട്ടുള്ള മസ്താന്‍ ആറ് മാസം മുമ്പാണ് കുടുംബവുമായി നാലാം മൈലിലെ ക്വാര്‍ട്ടേഴ്സില്‍ താമസത്തിനെത്തിയത്.
വിദ്യാനഗര്‍ പോലീസ് ഇന്‍ക്വസ്റ്റ് നടത്തി. മൃതദേഹം കാസര്‍കോട് ജനറല്‍ ആശുപത്രിയില്‍ പോസ്റ്റ്‌മോര്‍ട്ടം നടത്തും. തസ്ലിന്‍, മെഹസാബ് എന്നിവര്‍ ഉമ്മര്‍ ഫാറൂഖിന്റെ സഹോദരങ്ങളാണ്.
Latest
തദ്ദേശ തിരഞ്ഞെടുപ്പ്: കരട് വോട്ടര്‍ പട്ടിക ബുധനാഴ്ച പ്രസിദ്ധീകരിക്കും; ആഗസ്റ്റ് ഏഴ് വരെ പേര് ചേര്‍ക്കാം
മഴയുടെ ശക്തി കുറഞ്ഞു; വയനാട്ടില്‍ വിനോദ സഞ്ചാര കേന്ദ്രങ്ങളിലേക്കുള്ള നിരോധനം പിന്‍വലിച്ചു
വി എസിനെ സാമൂഹിക മാധ്യത്തിലൂടെ അധിക്ഷേപിച്ചു; ഹമീദ് വാണിയമ്പലത്തിന്റെ മകന്‍ അറസ്റ്റില്‍
വിദ്യാര്‍ഥിനി വീട്ടിനുള്ളില്‍ ജീവനൊടുക്കിയ നിലയില്‍
കേരള തീരത്തെ കപ്പല്‍ അപകടങ്ങള്‍; മത്സ്യത്തില്‍ രാസ സാന്നിധ്യമില്ലെന്ന് കേന്ദ്ര സര്‍ക്കാര്‍
വി എസ് ജനവികാരത്തിന്റെ നേതാവ്:ഡോ. തിയഡോഷ്യസ് മാര്‍ത്തോമ്മാ മെത്രാപ്പൊലീത്ത
