Kerala
നോക്കുകൂലി ആര് ചോദിച്ചാലും കൊടിയുടെ നിറം നോക്കാതെ നടപടിയെടുക്കണം: ഹൈക്കോടതി
കേരളത്തിലേക്ക് വരാന് നിക്ഷേപകര് ഭയക്കുന്ന സ്ഥിതിയാണുള്ളത്. ഈ സാഹചര്യം മാറണം. തൊഴിലുടമ തൊഴില് നിരസിച്ചാല് ചുമട്ട് തൊഴിലാളി ബോര്ഡിനെയാണ് തൊഴിലാളികള് സമീപിക്കേണ്ടത്. തൊഴില് നിഷേധത്തിനുള്ള പ്രതിവിധി അക്രമമല്ലെന്നും ജസ്റ്റിസ് ദേവന് രാമചന്ദ്രന് വാക്കാല് നിരീക്ഷിച്ചു.
കൊച്ചി| നോക്കുകൂലിക്കെതിരെ രൂക്ഷവിമര്ശനവുമായി കേരള ഹൈക്കോടതി. നോക്കുകൂലി സമ്പ്രദായം കേരളത്തില് നിന്ന് തുടച്ച് നീക്കണമെന്ന് ഹൈക്കോടതി കേസ് പരിഗണിക്കുന്നതിനിടെ വാക്കാല് പറഞ്ഞു. നോക്കുകൂലി ചോദിക്കുന്നവര് ആരായാലും അവര്ക്കെതിരെ കൊടിയുടെ നിറം നോക്കാതെ നടപടിയെടുക്കണം. ട്രേഡ് യൂണിയന് തീവ്രവാദം എന്ന പ്രതിച്ഛായ കേരളത്തിനുണ്ടെന്നും കേസ് പരിഗണിച്ച ജസ്റ്റിസ് ദേവന് രാമചന്ദ്രന് വ്യക്തമാക്കി.
കേരളത്തിലേക്ക് വരാന് നിക്ഷേപകര് ഭയക്കുന്ന സ്ഥിതിയാണുള്ളത്. ഈ സാഹചര്യം മാറണം. തൊഴിലുടമ തൊഴില് നിരസിച്ചാല് ചുമട്ട് തൊഴിലാളി ബോര്ഡിനെയാണ് തൊഴിലാളികള് സമീപിക്കേണ്ടത്. തൊഴില് നിഷേധത്തിനുള്ള പ്രതിവിധി അക്രമമല്ലെന്നും ജസ്റ്റിസ് ദേവന് രാമചന്ദ്രന് വാക്കാല് നിരീക്ഷിച്ചു. ഐഎസ്ആര്ഒയുടെ നേതൃത്വത്തില് വിഎസ്എസ്.സിയിലേക്ക് കൊണ്ടു വന്ന ചരക്കുകള് തടഞ്ഞ സംഭവം കേരളത്തിന് നാണക്കേടുണ്ടാക്കിയെന്നും ഹൈക്കോടതി അഭിപ്രായപ്പെട്ടു.
നോക്കുകൂലിയുടെ പേരില് നിയമം കയ്യിലെടുക്കരുതെന്ന് ട്രേഡ് യൂണിയനുകളോട് പറയാന് സര്ക്കാര് മടിക്കുന്നത് എന്തിനാണെന്ന് ഹൈക്കോടതി മുമ്പും വിമര്ശിച്ചിരുന്നു. നോക്കുകൂലി നല്കാത്തതിന് ട്രേഡ് യൂണിയനുകള് നടത്തുന്ന ഭീഷണിയില് നിന്ന് സംരക്ഷണം ആവശ്യപ്പെട്ട് കൊല്ലം സ്വദേശി ടികെ സുന്ദരേശന് നല്കിയ ഹര്ജി പരിഗണിച്ചപ്പോഴാണ് ഹൈക്കോടതി ശക്തമായ വിമര്ശനം കഴിഞ്ഞ മാസം നടത്തിയത്.