കനത്ത മഴ; എട്ട് ജില്ലകളില്‍ നാളെയും മഞ്ഞ ജാഗ്രത

തിരുവനന്തപുരം | കനത്ത മഴ തുടരുന്ന സാഹചര്യത്തില്‍ എട്ട് ജില്ലകളില്‍ മഞ്ഞ ജാഗ്രത. തിരുവനന്തപുരം, കൊല്ലം, പത്തനംതിട്ട, ആലപ്പുഴ. കോട്ടയം, എറണാകുളം, ഇടുക്കി, തൃശൂര്‍ ജില്ലകളില്‍ നാളെയും മഞ്ഞ ജാഗ്രത പ്രഖ്യാപിച്ചിട്ടുണ്ട്.

ശക്തമായ മഴക്ക് പുറമെ കനത്ത കാറ്റിനും ഇടിമിന്നലിനും സാധ്യതയുണ്ടെന്ന് കാലാവസ്ഥാ കേന്ദ്രം പ്രവചിക്കുന്നു. കേരളാ തീരത്ത് മത്സ്യബന്ധനത്തിനുള്ള വിലക്ക് തുടരുകയാണ്.

ബംഗാള്‍ ഉള്‍ക്കടലില്‍ ‘മോന്‍താ’ ചുഴലിക്കാറ്റ് രൂപപ്പെട്ടതിനെ തുടര്‍ന്നാണ് സംസ്ഥാനത്ത് പലയിടങ്ങളിലും കനത്ത മഴ പെയ്യുന്നത്. മോന്‍താ വടക്കോട്ട് നീങ്ങുന്നതിനനുസരിച്ച് കേരളത്തില്‍ മഴയുടെ ശക്തിയില്‍ കുറവുണ്ടാകും.