karuvannur bank case
20 മണിക്കൂറിന് ശേഷം കരുവന്നൂര്‍ ബേങ്കിലെ ഇ ഡി റെയ്ഡ് അവസാനിച്ചു
ഇന്നലെ രാവിലെ എട്ടിന് തുടങ്ങിയ റെയ്ഡ് അവസാനിപ്പിച്ച് ഉദ്യോഗസ്ഥര്‍ മടങ്ങിയത് ഇന്ന് പുലര്‍ച്ചെ 3.30ന്
തൃശൂര്‍ വ്യാപക സാമ്പത്തിക തട്ടിപ്പ് ആരോപണം ഉയര്‍ന്ന കരുവന്നൂര്‍ സഹകരണ ബേങ്കില്‍ ഒരു ദിവസത്തോളം നീണ്ടുനിന്ന ഇ ഡി റെയ്ഡ് അവസാനിച്ചു. ഇന്നലെ രാവിലെ എട്ടിന് തുടങ്ങിയ റെയ്ഡ് അവസാനിപ്പിച്ച് ഉദ്യോഗസ്ഥര്‍ മടങ്ങിയപ്പോള്‍ പുലര്‍ച്ചെ 3.30 കഴിഞ്ഞിരുന്നു. 75 പേരടങ്ങുന്ന ഉദ്യോഗസ്ഥര്‍ ഏകദേശം 20 മണിക്കൂറാണ് റെയ്ഡ് നടത്തിയത്.
ബേങ്ക് പ്രസിഡന്റ് കെ കെ ദിവാകരന്‍, സെക്രട്ടറി സുനില്‍ കുമാര്‍, ശാഖ മാനേജര്‍ ബിജു കരീം, ജീവനക്കാരായിരുന്ന ബിജോയ്, കിരണ്‍ എന്നിവരുടെ വീടുകളിലും കരുവന്നൂര്‍ ബേങ്കിലും ഉദ്യോഗസ്ഥര്‍ എത്തി. ബേങ്കില്‍ നിന്ന് നിരവധി രേഖകള്‍ ഉദ്യോഗസ്ഥര്‍ പിടിച്ചെടുത്തു.
പ്രതികളുടെ വീടുകളില്‍ നിന്ന് ആധാരം ഉള്‍പ്പെടെയുള്ള രേഖകളുടെ പകര്‍പ്പ് ശേഖരിച്ചു. ഇ ഡി കേസ് രജിസ്റ്റര്‍ ചെയ്ത ശേഷം ആദ്യമായാണ് ഇത്രയും വലിയ പരിശോധന നടത്തുന്നത്. അതേസമയം നിക്ഷേപകര്‍ക്ക് കേരളാ ബേങ്കില്‍ നിന്നടക്കം വായ്പ സ്വീകരിച്ച് തുക തിരിച്ചുനല്‍കുമെന്ന് സര്‍ക്കാര്‍ ഹൈക്കോടതിയില്‍ പറഞ്ഞു.
Latest
അന്താരാഷ്ട്ര മീലാദ് കോൺഫറൻസ്: സ്നേഹജനങ്ങൾ നോളേജ് സിറ്റിയിലേക്ക് ഒഴുകിത്തുടങ്ങി
ശാരീരികമായി ആക്രമിക്കാന്‍ ഇ ഡിക്കെന്ത് അധികാരം?; ശ്രമം സഹകരണ സ്ഥാപനങ്ങളെ തകര്‍ക്കാന്‍: എം വി ഗോവിന്ദന്‍
ഒന്നര വര്‍ഷമായി പലിശ നല്‍കുന്നില്ല; സഹകരണ സൊസൈറ്റിക്കെതിരെ പ്രതിഷേധവുമായി നിക്ഷേപകര്‍
കരുവന്നൂര്‍ ബേങ്ക് തട്ടിപ്പ്: പ്രതി സതീഷ് വെട്ടിച്ചത് കോടികള്‍, ഹൈക്കോടതി അന്വേഷണം വേണമെന്ന് അനില്‍ അക്കര
രാജ്യത്തെ ആദ്യ ഫുട്‌ബോള്‍ ക്ലബ്; ഇത്തിഹാദ് എഫ് സിക്ക് യു എ ഇ അസോസിയേഷന്റെ അംഗീകാരം
'വായ്പാ പണം പിടിച്ചുവാങ്ങി'; കരുവന്നൂര്‍ ബേങ്ക് കേസിലെ ഒന്നാം പ്രതിക്കെതിരെ വായ്പാ തട്ടിപ്പിനിരയായ സ്ത്രീ
