lk adwani
അദ്വാനി ആശുപത്രിയില്‍; ആരോഗ്യ നില തൃപ്തികരം
വാര്‍ദ്ധക്യസഹജമായ രോഗങ്ങളാണ് 96 കാരനായ അദ്വാനിയെ ആശുപത്രിയില്‍ പ്രവേശിപ്പിക്കാന്‍ കാരണം.
ന്യൂഡല്‍ഹി | ഡല്‍ഹിയിലെ എയിംസില്‍ പ്രവേശിപ്പിച്ച മുന്‍ ഉപപ്രധാനമന്ത്രിയും മുതിര്‍ന്ന ബി ജെ പി നേതാവുമായ എല്‍ കെ അദ്വാനിയുടെ ആരോഗ്യനില തൃപ്തികരമെന്ന് എയിംസ് വാര്‍ത്താക്കുറിപ്പില്‍ അറിയിച്ചു.
വാര്‍ദ്ധക്യസഹജമായ രോഗങ്ങളാണ് 96 കാരനായ അദ്വാനിയെ ആശുപത്രിയില്‍ പ്രവേശിപ്പിക്കാന്‍ കാരണം. ആരോഗ്യ സ്ഥിതിയില്‍ ആശങ്കകള്‍ വേണ്ടെന്ന് എയിംസ് വ്യക്തമാക്കി. കഴിഞ്ഞ ദിവസമാണ് അദ്ദേഹത്തെ എയിംസില്‍ പ്രവേശിപ്പിച്ചത്. ജെറിയാട്ടിക് വിഭാഗത്തില്‍ ആണ് അദ്ദേഹം ഇപ്പോള്‍ നിരീക്ഷണത്തില്‍ കഴിയുന്നത്. എല്‍ കെ അദ്വാനിയുടെ ആരോഗ്യനില സംബന്ധിച്ച വിവരങ്ങള്‍ പ്രധാനമന്ത്രി നരേന്ദ്ര മോദി ആരാഞ്ഞു.
അദ്വാനിയുടെ കുടുംബാംഗങ്ങളെ ഫോണില്‍ വിളിച്ചാണ് പ്രധാനമന്ത്രി വിവരങ്ങള്‍ ആരാഞ്ഞത്. വിദഗ്ധ ചികിത്സയ്ക്കുള്ള എല്ലാ സൗകര്യങ്ങളും എയിംസ് ഒരുക്കുമെന്ന് കുടുംബാംഗങ്ങളെ അദ്ദേഹം അറിയിച്ചു. എല്‍കെ അധ്വാനിയെ രാജ്യം ഈ വര്‍ഷം ഭാരത രത്‌ന നല്‍കി ആദരിച്ചിരുന്നു.
Latest
ബേങ്ക് ജീവനക്കാരിയെ മുന്‍ ജീവനക്കാരന്‍ കുത്തിപ്പരുക്കേല്‍പ്പിച്ചു
ആരോഗ്യനില തൃപ്തികരം; മന്ത്രി വീണ ആശുപത്രി വിട്ടു
കോട്ടയം മെഡിക്കല്‍ കോളജ് ആശുപത്രി ദുരന്തം: മൃതദേഹം മാറ്റുന്നതിനിടെ കോണ്‍ഗ്രസ്സ് പ്രതിഷേധം
ബലക്ഷയം ശ്രദ്ധയില്‍പ്പെടുത്തിയിരുന്നു; കെട്ടിടം തകര്‍ന്നതിന്റെ ഉത്തരവാദിത്തം ഏറ്റെടുക്കുന്നു: ആശുപത്രി സൂപ്രണ്ട്
1.05 ലക്ഷം കോടി രൂപയുടെ സൈനിക ഹാർഡ്‌വെയർ വാങ്ങാൻ ഡിഫൻസ് അക്വിസിഷൻ കൗൺസിൽ അനുമതി നൽകി
അറ്റകുറ്റപ്പണി വിജയിച്ചില്ല; തിരുവനന്തപുരത്ത് കുടുങ്ങിയ ബ്രിട്ടീഷ് യുദ്ധവിമാനം എയർലിഫ്റ്റ് ചെയ്യാൻ സാധ്യത
