Kerala
ശബരിമല സ്വര്ണക്കൊള്ള: ലോക്സഭയില് ഉന്നയിച്ച് ഹൈബി ഈഡന്; എസ് ഐ ടിയെ നിയന്ത്രിക്കാന് സംസ്ഥാന സര്ക്കാര് ശ്രമമെന്ന് കെ സി വേണുഗോപാല്
സര്ക്കാരിന്റെ സഹായത്തോടെ ശബരിമലയിലെ സ്വര്ണം കൊള്ള നടത്തുകയാണെന്ന് ഹൈബി. കോടതി മേല്നോട്ടം വഹിക്കുന്ന ഏജന്സി അന്വേഷിച്ച് കുറ്റവാളികളെ കണ്ടെത്തണമെന്ന് വേണുഗോപാല്.
ന്യൂഡല്ഹി | ശബരിമല സ്വര്ണക്കൊള്ള വിഷയം ലോക്സഭയില് ഉന്നയിച്ച് ഹൈബി ഈഡന് എം പി. സര്ക്കാരിന്റെ സഹായത്തോടെ ശബരിമലയിലെ സ്വര്ണം കൊള്ള നടത്തുകയാണെന്ന് അദ്ദേഹം പറഞ്ഞു. സി പി എം എം എല് എയായിരുന്ന എ പത്മകുമാര് കേസില് പ്രതിയായി ജയിലിലാണ്.
സംഭവത്തില് ബി ജെ പിയുടെ മൗനം ദുരൂഹമാണ്. സ്വര്ണക്കൊള്ളയില് സി പി എം-ബി ജെ പി ബാന്ധവം അന്വേഷിക്കണമെന്നും ഹൈബി ഈഡന് ആവശ്യപ്പെട്ടു.
അതിനിടെ, കേസില് ഗുരുതര ആരോപണവുമായി കെ സി വേണുഗോപാല് എം പി രംഗത്തെത്തി. കേസ് അന്വേഷിക്കുന്ന പ്രത്യേക സംഘത്തെ (എസ് ഐ ടി) നിയന്ത്രിക്കാന് സംസ്ഥാന സര്ക്കാര് ശ്രമിക്കുന്നതായി അദ്ദേഹം പറഞ്ഞു. കോടതി മേല്നോട്ടം വഹിക്കുന്ന ഏജന്സി അന്വേഷിച്ച് കുറ്റവാളികളെ കണ്ടെത്തണം. സ്വര്ണം കണ്ടെത്താനുള്ള അടിയന്തര നടപടികള് സ്വീകരിക്കണം. ശബരിമല ശ്രീകോവിലിന്റെ ഭാഗങ്ങള് മോഷ്ടിച്ചതായും ആരോപിച്ച വേണുഗോപാല് വിശ്വാസത്തിന് നേരെയുള്ള കടന്നുകയറ്റമാണിതെന്നും പറഞ്ഞു.
Latest
അധ്യാപികയെ ഭര്ത്താവ് സ്കൂളിനുള്ളില് കയറി കുത്തിപ്പരുക്കേല്പ്പിച്ചു; സംഭവം കോട്ടയം പേരൂരില്
ശബരിമല സ്വര്ണക്കൊള്ള: ലോക്സഭയില് ഉന്നയിച്ച് ഹൈബി ഈഡന്; എസ് ഐ ടിയെ നിയന്ത്രിക്കാന് സംസ്ഥാന സര്ക്കാര് ശ്രമമെന്ന് കെ സി വേണുഗോപാല്
അരുണാചല് പ്രദേശില് ട്രക്ക് കൊക്കയിലേക്ക് മറിഞ്ഞ് അപകടം; 22 തൊഴിലാളികള് മരിച്ചു
യാത്രാ പ്രതിസന്ധി നേരിട്ടവര്ക്ക് 10,000 രൂപയുടെ സൗജന്യ വൗച്ചര്; പ്രഖ്യാപനവുമായി ഇന്ഡിഗോ
സ്കൂളുകളിലെ ക്രിസ്മസ് അവധി പുനക്രമീകരിച്ചു; അടയ്ക്കുന്നത് ഒരു ദിവസം നീട്ടി
രാഹുല് മാങ്കൂട്ടത്തിലിന് മുന്കൂര് ജാമ്യം; സെഷന്സ് കോടതി നടപടിക്കെതിരെ ഹൈക്കോടതിയെ സമീപിച്ച് സര്ക്കാര്
