Kerala
പൊതുസ്ഥലത്തെ മദ്യപാനം പോലീസില് അറിയിച്ചു; സ്ത്രീകള് ഉള്പ്പെടെയുള്ളവരെ വീട്ടില് കയറി മര്ദ്ദിച്ച പ്രതികള് പിടിയില്
വൃക്കസംബന്ധമായ രോഗത്തിന് ചികിത്സയില് കഴിഞ്ഞു വരുന്ന രവിതയ്ക്ക് പ്രതികളുടെ ആക്രമണത്തില് ശാരീരിക അസ്വസ്ഥതയുണ്ടാവുകയും ബോധം നഷ്ടപ്പെടുകയും ചെയ്തു.
പത്തനംതിട് | വീടിനടുത്ത് പൊതുസ്ഥലത്തിരുന്ന് മദ്യപിക്കുന്ന വിവരം പോലീസില് അറിയിച്ചതിന്റെ വൈരാഗ്യത്തില് വീട്ടില് അതിക്രമിച്ചുകയറി സ്ത്രീകള് ഉള്പ്പെടെയുള്ളവരെ മര്ദ്ദിച്ച രണ്ട് യുവാക്കളെ പെരുമ്പെട്ടി പോലീസ് അറസ്റ്റ് ചെയ്തു. വായ്പ്പൂര് കുളത്തൂര് നടുഭാഗം ഒരയ്ക്കല്പാറ ഓ എം അനൂപ്(39), വായ്പൂര് കുളത്തൂര് കിടാരക്കുഴിയില് വീട്ടില് കെ ജി സൈജു(43) എന്നിവരാണ് പിടിയിലായത്.
കോട്ടാങ്ങല് കുളത്തൂര് പുത്തൂര് വീട്ടില് വത്സല രാധാകൃഷ്ണനെയും മകള് രവിതയെയുമാണ് ആക്രമിച്ച് പരിക്കേല്പ്പിച്ചത്. വൃക്കസംബന്ധമായ രോഗത്തിന് ചികിത്സയില് കഴിഞ്ഞു വരുന്ന രവിതയ്ക്ക് പ്രതികളുടെ ആക്രമണത്തില് ശാരീരിക അസ്വസ്ഥതയുണ്ടാവുകയും ബോധം നഷ്ടപ്പെടുകയും ചെയ്തു. ബഹളം കേട്ട് അയല്വാസികള് ഓടിയെത്തിയപ്പോള് അനൂപും സൈജുവും ഓടിപ്പോയി. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു. പോലീസ് ഇന്സ്പെക്ടര് ബി സജീഷ് കുമാര്, എസ് സി പി ഓ സോണിമോന് ജോസഫ് അന്വേഷണത്തിന് നേതൃത്വം നല്കി.
Latest
നാഷണല് ഹെറാള്ഡ് കേസ്: രാഹുലിനും സോണിയയ്ക്കും ആശ്വാസം; അറസ്റ്റ് ഉള്പ്പെടെ നടപടി പാടില്ലെന്ന് കോടതി
താനൂർ മൂച്ചിക്കലിൽ മധ്യവയസ്കൻ ട്രെയിൻ തട്ടി മരിച്ച നിലയിൽ
ചലച്ചിത്രമേളയില് സിനിമകള്ക്ക് അനുമതി നിഷേധിച്ച കേന്ദ്രസര്ക്കാര് ആരെയാണ് ഭയപ്പെടുന്നത്; മന്ത്രി സജി ചെറിയാന്
ആലപ്പുഴയില് ഓടികൊണ്ടിരുന്ന കെഎസ്ആര്ടി ബസിന്റെ ടയര് ഊരിത്തെറിച്ചു; ഡിവൈഡറില് ഇടിച്ചു കയറി, വന് അപകടം ഒഴിവായി
ഡല്ഹി-ആഗ്ര യമുന എക്സ്പ്രസ് വേയില് വാഹനങ്ങള് കൂട്ടിയിടിച്ച് തീപിടിച്ചു; നാലു മരണം
വയനാട് പച്ചിലക്കാട് ജനവാസ മേഖലയില് ഇറങ്ങിയ കടുവയെ കണ്ടെത്താനുള്ള ദൗത്യം തുടരുന്നു; കടുവയെ തിരിച്ചറിഞ്ഞു
