silver line
കേരളത്തിന്റെ സെമി ഹൈസ്പീഡ് റെയിലിന് പാരിസ്ഥിതിക അനുമതി ആവശ്യമില്ല: കേന്ദ്രം
ദേശീയ ഹരിത ട്രൈബ്യൂണലിന്റെ ചെന്നൈ ബെഞ്ചിലാണ് കേന്ദ്രത്തിന്റെ വിശദീകരണം
ന്യൂഡല്ഹി | തിരുവനന്തപുരം-കാസര്കോട് സെമി ഹൈസ്പീഡ് റെയിലിന് മുന്കൂര് പരിസ്ഥിതി അനുമതി ആവശ്യമില്ലെന്ന് കേന്ദ്രസര്ക്കാര്. ദേശീയ ഹരിത ട്രൈബ്യൂണലിന്റെ ചെന്നൈ ബെഞ്ചിലാണ് കേന്ദ്രം വിശദീകരണം നല്കിയത്.
പരിസ്ഥിതി ആഘാതപഠനം സംബന്ധിച്ച 2006ലെ കേന്ദ്ര വിജ്ഞാപനത്തില് റെയില്വേയോ റെയില് പദ്ധതികളോ ഉള്പ്പെടുന്നില്ലെന്ന് കേന്ദ്രം പറയുന്നു. നിലവിലുള്ള വ്യവസ്ഥ അനുസരിച്ച് കേരളത്തിന്റെ സെമി ഹൈസ്പീഡ് റെയില് പദ്ധതിക്ക് മുന്കൂറായി പരിസ്ഥിതി അനുമതി വേണ്ടെന്നും കേന്ദ്രം പറയുന്നു.
കേരളത്തിന്റെ സെമി ഹൈസ്പീഡ് റെയില്പാതാ പദ്ധതിയായ സില്വര് ലൈനിന് 2019ലാണ് കേന്ദ്രം അനുമതി നല്കിയത്. 200 കിലോമീറ്റര് വരെ വേഗത്തില് ട്രെയിന് ഓടിക്കാവുന്ന രണ്ട് റെയില് ലൈനുകളാണ് തിരുവനന്തപുരം- കാസര്കോട് സെമി ഹൈസ്പീഡ് റെയിലിന്റെ ഭാഗമായി നിര്മിക്കുന്നത്. നാലു മണിക്കൂറില് തിരുവനന്തപുരത്തുനിന്ന് കാസര്േേകാട് വരെ യാത്ര ചെയ്യാവുന്ന സെമി ഹൈസ്പീഡ് റെയില് ഇടനാഴി പരിസ്ഥിതി സൗഹൃദ പദ്ധതിയായാണ് വിഭാവനം ചെയ്തിട്ടുള്ളത്. കൊച്ചുവേളിയില് നിന്ന് കാസര്ഗോഡ് വരെ 532 കിലോമീറ്ററിലാണ് റെയില്പാത നിര്മിക്കുക. തിരുവനന്തപുരം മുതല് തൃശൂര് വരെ നിലവിലുള്ള പാതയില്നിന്ന് മാറിയാണ് നിര്ദിഷ്ട റെയില് ഇടനാഴി നിര്മിക്കുന്നത്.