അനധികൃത വൈദ്യുത വേലി; കൃഷിയിടങ്ങളില്‍ പരിശോധന നടത്തും

തിരുവനന്തപുരം | വന്യമൃഗ ശല്യം തടയാന്‍ അനധികൃത വൈദ്യുതി വേലികള്‍ സ്ഥാപിക്കുന്ന തു തടയാന്‍ നടപടി കടുപ്പിക്കാന്‍ വൈദ്യുതി വകുപ്പ്. കലക്ടര്‍മാര്‍ക്ക് ഇത് സംബന്ധി ച്ച് നിര്‍ദേശങ്ങള്‍ നല്‍കുമെന്നും മന്ത്രി പറഞ്ഞു. സംസ്ഥാനത്ത് വൈദ്യുതി വേലിയില്‍ നിന്ന് ഷോക്കേറ്റുള്ള മരണങ്ങള്‍ തുടര്‍ക്കഥയാകുന്ന പശ്ചാത്തലത്തിലാണ് വൈദ്യുതി വകുപ്പിന്റെ നടപടി.

കൃഷിയിടങ്ങള്‍ കേന്ദ്രീകരിച്ച് പരിശോധനകള്‍ നടത്താന്‍ ഉദ്യോഗസ്ഥര്‍ക്ക് മന്ത്രി കെ കൃഷ്ണന്‍കുട്ടി നിര്‍ദേശം നല്‍കി. കൃഷിയിടങ്ങളില്‍ ഉദ്യോഗസ്ഥര്‍ നേരിട്ടെത്തി പരിശോധനകള്‍ നടത്തും. അനധികൃത വൈദ്യുത വേലി കണ്ടെത്തിയാല്‍ കര്‍ശന നടപടിയെടുക്കും. ജില്ലാ ഭരണകൂടവുമായി ചേര്‍ന്ന് ആളുകളെ ബോധവല്‍ക്കരിക്കാനുള്ള ശ്രമങ്ങളും നടത്തും.