National
ഹൈദ്രാബാദ് വിമാനത്താവളത്തിലെ ചെക്ക് ഇന് സംവിധാനത്തില് തകരാര്; രാജ്യത്തുടനീളമുള്ള സര്വീസുകള് താളം തെറ്റി
ചെക്ക് ഇന് സംവിധാനങ്ങള് തകരാറിലായതോടെ പ്രവര്ത്തനങ്ങള് നിയന്ത്രിക്കുന്നതിന് എയര്ലൈനുകള് മാനുവല് ചെക്ക്-ഇന്, ബോര്ഡിംഗ് നടപടിക്രമങ്ങള് തുടങ്ങിയതായി റിപ്പോര്ട്ടുണ്ട്
ന്യൂഡല്ഹി | ഹൈദ്രാബാദ് വിമാനത്താവളത്തിലെ ചെക്ക്-ഇന് സംവിധാനങ്ങളില് സാങ്കേതിക തകരാറുകള് സംഭവിച്ചത് രാജ്യത്തെ നിരവധി വിമാന സര്വീസുകളെ ബാധിച്ചു.ഇന്ഡിഗോ, സ്പൈസ് ജെറ്റ്, ആകാശ എയര്, എയര് ഇന്ത്യ എക്സ്പ്രസ് എന്നീ നാല് വിമാനക്കമ്പനികളുടെ സര്വീസുകളെ പ്രശ്നം ബാധിച്ചു. ചെക്ക് ഇന് സംവിധാനങ്ങള് തകരാറിലായതോടെ പ്രവര്ത്തനങ്ങള് നിയന്ത്രിക്കുന്നതിന് എയര്ലൈനുകള് മാനുവല് ചെക്ക്-ഇന്, ബോര്ഡിംഗ് നടപടിക്രമങ്ങള് തുടങ്ങിയതായി റിപ്പോര്ട്ടുണ്ട്.
ഹൈദരാബാദിലെ രാജീവ് ഗാന്ധി അന്താരാഷ്ട്ര വിമാനത്താവളത്തില് എത്തിയ യാത്രക്കാര് ഏറെ വലഞ്ഞു .വിമാനങ്ങള് വൈകിയതോടെ എയര്ലൈന് ഹെല്പ്പ് ഡെസ്കിന് ചുറ്റും യാത്രക്കാര് തടിച്ചു കൂടിയത് പ്രശ്നങ്ങള്ക്കിടയാക്കി. യാത്രക്കാര് ടിക്കറ്റുകളും മൊബൈല് ഫോണുകളും ഉയര്ത്തിപ്പിടിച്ചാണ് പ്രതിഷേധിച്ചത്. അതേസമയം, ബെംഗളൂരു അന്താരാഷ്ട്ര വിമാനത്താവളത്തിലും വിമാന സര്വീസുകളെ പ്രശ്നം സാരമായി ബാധിച്ചു. ഇവിടെ നിരവധി ഇന്ഡിഗോ സര്വീസുകള് റദ്ദാക്കി. ആകെ 42 സര്വീസുകളാണ് റദ്ദാക്കിയത്. കഴിഞ്ഞ മാസം ഡല്ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തില് 800-ലധികം ആഭ്യന്തര, അന്തര്ദേശീയ വിമാനങ്ങള് ഓട്ടോമാറ്റിക് മെസേജ് സ്വിച്ചിംഗ് സിസ്റ്റത്തിലെ സാങ്കേതിക തകരാര് മൂലം വൈകിയിരുന്നു .എയര് ഇന്ത്യ, ഇന്ഡിഗോ, സ്പൈസ് ജെറ്റ് എന്നിവയുള്പ്പെടെയുള്ള പ്രധാന വിമാനക്കമ്പനികളെ ഈ തടസ്സം ബാധിച്ചു
Latest
സ്വത്തിന് വേണ്ടി നെടുമ്പാശ്ശേരിയില് മകന് അമ്മയെ അമ്മിക്കല്ല് കൊണ്ട് തലക്കടിച്ച് കൊലപ്പെടുത്തി
മുന്കൂര് ജാമ്യ ഹരജിയില് നാളെയും വാദം തുടരും; രാഹുല് മാങ്കൂട്ടത്തിലിന്റെ അറസ്റ്റ് തടയാതെ കോടതി
സഞ്ചാർ സാഥി ആപ്പിന്റെ പ്രീ-ഇൻസ്റ്റളേഷൻ നിർബന്ധമാക്കിയ ഉത്തരവ് പിൻവലിച്ച് കേന്ദ്ര സർക്കാർ
ഹൈദ്രാബാദ് വിമാനത്താവളത്തിലെ ചെക്ക് ഇന് സംവിധാനത്തില് തകരാര്; രാജ്യത്തുടനീളമുള്ള സര്വീസുകള് താളം തെറ്റി
ഡല്ഹി കോര്പ്പറേഷന് ഉപതിരഞ്ഞെടുപ്പ്; നേട്ടമുണ്ടാക്കാനാകാതെ ബിജെപി, സിറ്റിംഗ് സീറ്റ് പിടിച്ചെടുത്ത് കോണ്ഗ്രസ്
തീവ്ര മഴക്ക് സാധ്യത;ഇടുക്കിയില് ഓറഞ്ച് അലര്ട്ട്, എട്ട് ജില്ലകളില് യെല്ലോ അലര്ട്ട്
