National
കനത്ത മഴ: ചെന്നൈ ഒട്ടേരിയില് പഴയ കെട്ടിടം തകര്ന്നുവീണു, മൂന്നുപേര്ക്ക് പരുക്ക്
ഒട്ടേരിയിലെ ദര്ഗ സ്ട്രീറ്റ്-സ്ട്രാഹന്സ് റോഡ് ജങ്ഷനിലെ പഴയ കെട്ടിടമാണ് ഇന്നലെ രാത്രി 9.20ഓടെ തകര്ന്നത്.
ചെന്നൈ | തമിഴ്നാട്ടിലെ ഒട്ടേരിയില് കനത്ത മഴയെ തുടര്ന്ന് കെട്ടിടം തകര്ന്നുവീണു. അപകടത്തില് മൂന്നുപേര്ക്ക് പരുക്കേറ്റു. പുലിയന്തോപ്പ് നിവാസി ആബിസ് കരീം മൊയ്തീന് (38), ഒട്ടേരി ദാസമക്കാനിലെ സാരിബ ബാനു (39), ഇവരുടെ ഭര്ത്താവ് അയൂബ് ഖാന് (40) എന്നിവര്ക്കാണ് പരുക്കേറ്റത്. അവശിഷ്ടങ്ങള്ക്കിടയില് കുടുങ്ങിയ ഇവരെ പിന്നീട് രക്ഷപ്പെടുത്തുകയായിരുന്നു. പരുക്കേറ്റവരെ കില്പോക് മെഡിക്കല് കോളജ് ആശുപത്രിയില് പ്രവേശിപ്പിച്ചു.
ഒട്ടേരിയിലെ ദര്ഗ സ്ട്രീറ്റ്-സ്ട്രാഹന്സ് റോഡ് ജങ്ഷനിലെ പഴയ കെട്ടിടമാണ് ഇന്നലെ രാത്രി 9.20ഓടെ തകര്ന്നത്. ബിരിയാണി ഷോപ്പും ടിഫിന് സ്റ്റാളും മറ്റും പ്രവര്ത്തിച്ചിരുന്ന കെട്ടിടമാണിത്.
ഒട്ടേരി പോലീസും ഫയര് ആന്ഡ് റെസ്ക്യൂ സര്വീസസും നടത്തിയ അടിയന്തര രക്ഷാദൗത്യത്തിലൂടെയാണ് അവശിഷ്ടങ്ങള്ക്കിടയില് പെട്ടവരെ പുറത്തെത്തിച്ചത്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
Latest
ഡല്ഹിയില് വായു മലിനീകരണം അതിരൂക്ഷം; പലയിടത്തും അപകടാവസ്ഥാ പരിധി കടന്നു
കനത്ത മഴ: ചെന്നൈ ഒട്ടേരിയില് പഴയ കെട്ടിടം തകര്ന്നുവീണു, മൂന്നുപേര്ക്ക് പരുക്ക്
ശബരിമല സ്വര്ണക്കൊള്ള: എന് വാസുവിന്റെ ജാമ്യാപേക്ഷയില് വിധി ഇന്ന്
മൂന്നാറിലേക്ക് വിനോദയാത്ര പോയ വിദ്യാര്ഥികള് സഞ്ചരിച്ച ബസ് മറിഞ്ഞു; നിരവധി പേര്ക്ക് പരുക്ക്
കോഴിക്കോട് കാരശ്ശേരി സഹകരണ ബേങ്ക് വിവാദം; ചെയര്മാന് എന് കെ അബ്ദുറഹിമാനെ പാര്ട്ടിയില് നിന്ന് പുറത്താക്കി കോണ്ഗ്രസ്സ്
ബോണക്കാട് ഉള്വനത്തില് കാണാതായ വനംവകുപ്പ് ഉദ്യോഗസ്ഥര് തിരിച്ചെത്തി
