National
പത്ത് വര്‍ഷത്തിനുള്ളില്‍ 50ലധികം സിസേറിയനുകളും മറ്റ് ശസ്ത്രക്രിയകളും; വ്യാജ ഡോക്ടര്‍ പിടിയില്‍
സില്‍ച്ചാറിലെ രണ്ട് സ്വകാര്യ ആശുപത്രികളില്‍ ഗൈനക്കോളജിസ്റ്റായി പ്രവര്‍ത്തിച്ചുവരികയായിരുന്നു പുലോക്
ദിസ്പുര്‍ | അസമിലെ സില്‍ച്ചാറില്‍ ഗൈനക്കോളജിസ്റ്റായി വര്‍ഷങ്ങളോളം ജോലി ചെയ്ത വ്യാജ ഡോക്ടര്‍ പിടിയില്‍.ശ്രൂഭൂമി സ്വദേശിയായ പുലോക് മലക്കാര്‍ ആണ് അറസ്റ്റിലായത്. പത്ത് വര്‍ഷത്തിനുള്ളില്‍ 50ലധികം സിസേറിയനുകളും ഗൈനക്കോളജിക്കല്‍ ശസ്ത്രക്രിയകളും ഇയാള്‍ നടത്തിയതായി കണ്ടെത്തി. സില്‍ച്ചാറിലെ രണ്ട് സ്വകാര്യ ആശുപത്രികളില്‍ ഗൈനക്കോളജിസ്റ്റായി പ്രവര്‍ത്തിച്ചുവരികയായിരുന്നു പുലോക്. ഈ പ്രദേശത്തെ അറിയപ്പെടുന്ന ഡോക്ടറുമായിരുന്നു ഇയാള്‍.
പുലോക് വ്യാജനാണെന്ന രഹസ്യവിവരത്തെ തുടര്‍ന്നുള്ള അന്വേഷണമാണ് അറസ്റ്റിലേക്കു നയിച്ചത്. ഇയാള്‍ സില്‍ച്ചാറിലെ ഷിബ്സുന്ദരി നാരി ശിക്ഷാ സേവാ ആശ്രമ ആശുപത്രിയിലെ ഓപ്പറേഷന്‍ തീയറ്ററില്‍ സിസേറിയന്‍ നടത്തുന്നതിനിടെയാണ് പോലീസ് അറസ്റ്റ് ചെയ്തതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.അന്വേഷണത്തില്‍ പുലോക്കിന്റെ സര്‍ട്ടിഫിക്കറ്റുകള്‍ വ്യാജമാണെന്നു പോലീസ് കണ്ടെത്തി. കോടതിയില്‍ ഹാജരാക്കിയ പുലോക് മലക്കാറിനെ അഞ്ച് ദിവസത്തെ പോലീസ് കസ്റ്റഡിയില്‍ വിട്ടു.
Latest
ചരിത്രത്തിലെ ഏറ്റവും വലിയ വില; പവന് 75000 കടന്നു
കന്യാസ്ത്രീകള്‍ക്കെതിരായ കേസ്; പ്രതിഷേധ സമരങ്ങള്‍ക്ക് നിയന്ത്രണങ്ങളുമായി ഛത്തീസ്ഗഢ് സര്‍ക്കാര്‍
നീയൊക്കെ പുലയരല്ലേ, പഠിച്ചിട്ടൊരു കാര്യവുമില്ല, ജാതിഅധിക്ഷേപം; പ്രധാനാധ്യാപികക്കെതിരെ കേസ്
എംഡിഎംഎ കേസില്‍ കസ്റ്റഡിയിലെടുത്ത പ്രതിയെ പോലീസ് സ്‌റ്റേഷനില്‍ നിന്നും ഭാര്യ സ്‌കൂട്ടറില്‍ കടത്തി
മാള പുത്തന്‍ചിറയില്‍ പെട്രോള്‍ പമ്പില്‍ നിര്‍ത്തിയിട്ട ബസിന് തീപിടിച്ചു; ബസ് പൂര്‍ണമായി കത്തി നശിച്ചു
ഉത്തരാഖണ്ഡിലെ മിന്നല്‍ പ്രളയം; കാണാതായ സൈനികരടക്കം നൂറോളം പേര്‍ക്കായി തിരച്ചില്‍
