Kerala
ഷാജന്‍ സ്‌കറിയക്കെതിരായ കേസില്‍ അന്വേഷണം പൂര്‍ത്തിയാക്കാന്‍ പോലീസിന് ഒരു പദ്ധതിയുമില്ലേയെന്ന് കോടതി
ഓരോ 30 ദിവസം കൂടുമ്പോഴും അന്വേഷണ പുരോഗതി കോടതിയെ അറിയിക്കണമെന്ന് ഉത്തരവ്
കൊച്ചി | യൂട്യൂബ് ചാനല്‍ ഉടമ ഷാജന്‍ സ്‌കറിയ പോലീസിന്റെ വയര്‍ലെസ് സന്ദേശം ചോര്‍ത്തിയ കേസില്‍ അന്വേഷണ റിപോര്‍ട്ട് സമര്‍പ്പിക്കാത്തതിനെതിരെ പോലീസിനെ രൂക്ഷമായി വിമര്‍ശിച്ച് എറണാകുളം മജിസ്‌ട്രേറ്റ് കോടതി. അന്വേഷണം പൂര്‍ത്തിയാക്കാന്‍ പോലീസിന് ഒരു പദ്ധതിയുമില്ലേയെന്ന് കോടതി ചോദിച്ചു.
കേസെടുത്ത് 500 ദിവസമായിട്ടും അന്വേഷണ റിപോര്‍ട്ട് നല്‍കുന്നതില്‍ പാലാരിവട്ടം പോലീസിന് വീഴ്ച ഉണ്ടായെന്നും കോടതി വിമര്‍ശിച്ചു. കോടതിയുടെ മേല്‍നോട്ടത്തില്‍ അന്വേഷണം പൂര്‍ത്തിയാക്കാന്‍ പോലീസിന് കോടതി നിര്‍ദേശം നല്‍കി. ഓരോ 30 ദിവസം കൂടുമ്പോഴും അന്വേഷണ പുരോഗതി കോടതിയെ അറിയിക്കണം. അന്വേഷണത്തിലെ വീഴ്ച ഒഴിവാക്കാനാണ് കോടതി മേല്‍നോട്ടമെന്നും ഉത്തരവില്‍ വ്യക്തമാക്കി.
അന്വേഷണം പൂര്‍ത്തിയാക്കി വേഗത്തില്‍ റിപോര്‍ട്ട് നല്‍കാനും കോടതി നിര്‍ദേശിച്ചു. പോലീസിന്റെ വയര്‍ലെസ് സന്ദേശങ്ങള്‍ ചോര്‍ത്തി വെബ്സൈറ്റില്‍ പ്രസദ്ധീകരിച്ചെന്നാണ് ഷാജനെതിരായ കേസ്. 2021ലായിരുന്നു സംഭവം. പി വി അന്‍വറാണ് തെളിവുകള്‍ സഹിതം ഡി ജി പിക്ക് പരാതി നല്‍കിയത്.
Latest
ആലപ്പുഴയില്‍ വിദ്യാര്‍ത്ഥിയെക്കൊണ്ട് ബിജെപി നേതാവിന്റെ കാല്‍ കഴുകിച്ചു; മന്ത്രി ശിവന്‍കുട്ടി റിപ്പോര്‍ട്ട് തേടി
കമ്പ്യൂട്ടിംഗ് മേഖലയിലെ അടിസ്ഥാന സൗകര്യ അസമത്വം പരിഹരിക്കുന്നതിന് അന്താരാഷ്ട്ര സഹകരണം വേണം: സഊദി അറേബ്യ
ജനറൽ ആശുപത്രി മഞ്ചേരിയിൽ നിലനിർത്തണം: കേരള മുസ്ലിം ജമാഅത്ത്
ഇനി കേരളത്തില്‍ പരാജയപ്പെട്ടാല്‍ കോണ്‍ഗ്രസ്സിന്റെ മരണം: ദീപാ ദാസ് മുന്‍ഷി
ഡല്‍ഹിയില്‍ നാലുനില കെട്ടിടം തകര്‍ന്നുവീണു; നിരവധി ആളുകള്‍ കുടുങ്ങിക്കിടക്കുന്നതായി റിപ്പോര്‍ട്ട്
സിന്തറ്റിക് മയക്കുമരുന്ന് കേസ്: ഇന്ത്യക്കാരനെ യു എ ഇ നാടുകടത്തി
