International
അഫ്ഗാന്‍ അഭയാര്‍ഥികള്‍ക്ക് സഹായവുമായി അമേരിക്കന്‍ കമ്പനികള്‍
വാള്‍മാര്‍ട്ട്, എയര്‍ബിന്‍ബി തുടങ്ങിയ കുത്തക കമ്പനികളാണ് സഹായം വാഗ്ദാനം ചെയ്തത്
വാഷിംഗ്ടണ്‍ | അഫ്ഗാനിസ്ഥാനില്‍ നിന്നുള്ള അഭയാര്‍ഥികള്‍ക്ക് സഹായവുമായി അമേരിക്കന്‍ കോര്‍പറേറ്റ് ഭീമന്‍മാര്‍. ചില്ലറ വില്‍പന ശൃംഖലയിലെ വമ്പന്‍മാരായ വാള്‍മാര്‍ട്ടും ഹോം ഷെയറിംഗ് കമ്പനിയായ എയര്‍ബിന്‍ബി ഉള്‍പ്പെടെയുള്ള കമ്പനികളാണ് സഹായവുമായി മുന്നോട്ട് വന്നിട്ടുള്ളത്.
അമേരിക്കയിലെ പ്രമുഖ ഹോം ഷെയറിംഗ് കമ്പനിയായ എയര്‍ബിഎന്‍ബി ലോകത്താകമാനമുള്ള 20,000 അഫ്ഗാന്‍ അഭയാര്‍ഥികള്‍ക്ക് താത്കാലിക താമസ സൗകര്യം ഒരുക്കുമെന്നാണ് വാഗ്ദാനം ചെയ്തിരിക്കുന്നത്. തങ്ങളുമായി സഹകരിക്കുന്നവരുമായി ചേര്‍ന്ന് അഫ്ഗാനില്‍ നിന്നുള്ളവര്‍ക്ക് താമസ സൗകര്യം ഒരുക്കും. നിലവില്‍ താത്കാലിക സൗകര്യമാണ് ഒരുക്കുന്നതെങ്കിലും അവര്‍ക്ക് ആവശ്യമുള്ളിടത്തോളം ഈ സൗകര്യം ഉപയോഗപ്പെടുത്താം. കഴിഞ്ഞ ആഴ്ച വരെ 165 അഭയാര്‍ഥികള്‍ക്ക് താമസ സൗകര്യം ഒരുക്കി.
അമേരിക്കയിലെത്തുന്ന അഫ്ഗാന്‍ അഭയാര്‍ഥികള്‍ക്ക് സഹായമെത്തിക്കാനായി സന്നദ്ധസംഘടനകള്‍ വഴി ഒരു മില്ല്യണ്‍ ഡോളര്‍ കൈമാറുമെന്ന് വാള്‍മാര്‍ട്ട് അറിയിച്ചു. യു എസ് വയര്‍ലസ് കാരിയര്‍ കമ്പനിയായ വറൈസണ്‍ അഫ്ഗാനില്‍ നിന്നുള്ള തങ്ങളുടെ ബിസിനസ് ഉപഭോക്താക്കള്‍ക്ക് ഉള്‍പ്പെടെ കോള്‍ ചാര്‍ജില്‍ ഇളവ് നല്‍കുവാന്‍ തീരുമാനിച്ചിട്ടുണ്ട്. ഇന്ന് മുതല്‍ സെപ്റ്റംബര്‍ ആറ് വരെയാണ് ഇളവ്.
അഫ്ഗാനില്‍ നിന്നുള്ള ഒഴിപ്പിക്കലിന് ആറ് സ്വകാര്യ വിമാന കമ്പനികള്‍ സഹായിച്ചതായി കഴിഞ്ഞ ദിവസം അമേരിക്ക വെളിപ്പെടുത്തിയിരുന്നു.
Latest
സംസ്ഥാനത്ത് വീണ്ടും ഡിജിറ്റല്‍ അറസ്റ്റ് തട്ടിപ്പ്; പത്തനംതിട്ടയില്‍ വൃദ്ധ ദമ്പതികള്‍ക്ക് 1.40 കോടി രൂപ നഷ്ടമായി
ശബരിമല സ്വര്‍ണ്ണക്കൊള്ളക്കേസ്:നിയമപരമായി കേന്ദ്ര ഏജന്‍സികള്‍ക്ക് ഇടപെടാം; കേന്ദ്ര സഹമന്ത്രി ജോര്‍ജ് കുര്യന്‍
യു എ ഇയിൽ മൂടൽ മഞ്ഞിൽ ഡ്രൈവ് ചെയ്യുമ്പോൾ ശ്രദ്ധിക്കേണ്ട അഞ്ച് ട്രാഫിക് പിഴകൾ
സാംസ്‌കാരിക കേന്ദ്രമായി അബൂദബിയിലെ പഴയ വിമാനത്താവള കെട്ടിടം
പങ്കാളിയെ മൊബൈല്‍ ചാര്‍ജര്‍ കൊണ്ട് മര്‍ദിച്ച സംഭവം; യുവമോര്‍ച്ച ജില്ലാ ജനറല്‍ സെക്രട്ടറിയെ ബിജെപി പുറത്താക്കി
മര്‍കസ് ബോയ്‌സ് ഹയര്‍സെക്കന്‍ഡറി സ്‌കൂളില്‍ 'സുരക്ഷിത് മാര്‍ഗ്' ക്ലബ് ഉദ്ഘാടനം ചെയ്തു
