Ongoing News
സ്വര്‍ണം പൂശിയ ഐ ഫോണുകള്‍; സഹതാരങ്ങള്‍ക്ക് മെസിയുടെ സമ്മാനം
1,75,000 പൗണ്ട് വിലവരുന്നതാണ് ഫോണുകള്‍.
ബ്യൂണസ് അയേഴ്‌സ് | അര്‍ജന്റീന ദേശീയ ടീമിലെ സഹതാരങ്ങള്‍ക്ക് സമ്മാനിക്കാനായി ലയണല്‍ മെസി 24 കാരറ്റ് സ്വര്‍ണം പൂശിയ 35 ഐ ഫോണുകള്‍ വാങ്ങിയതായി വെളിപ്പെടുത്തല്‍. ഖത്വറില്‍ നടന്ന 2023 ലോകകപ്പ് അര്‍ജന്റീന ടീം നേടിയ ശേഷമാണ് മെസി ഫോണുകള്‍ വാങ്ങിയതെന്ന് ഇന്‍ഡിസൈന്‍ ഗോള്‍ഡിന്റെ ബെഞ്ചമിന്‍ ലിയോണ്‍ പറഞ്ഞു. 1,75,000 പൗണ്ട് വിലവരുന്നതാണ് ഈ ഫോണുകള്‍.
‘ലോകകപ്പിനു രണ്ടു മാസത്തിനു ശേഷമാണ് മെസി കമ്പനിയിലേക്ക് വിളിച്ചത്. സഹ താരങ്ങള്‍ക്ക് വാച്ച് പോലുള്ള സാധാരണ പാരിതോഷികങ്ങള്‍ക്കു പകരം സവിശേഷമായത് എന്തെങ്കിലും നല്‍കണമെന്ന താത്പര്യമാണ് മെസിയെ സ്വര്‍ണം പൂശിയ ഐ ഫോണുകള്‍ തിരഞ്ഞെടുക്കാന്‍ പ്രേരിപ്പിച്ചത്.’- ഇന്‍ഡിസൈന്‍ ഗോള്‍ഡിന്റെ മേധാവി വ്യക്തമാക്കി.
അത്യന്തം ആവേശകരമായ ഫൈനലില്‍ ഫ്രാന്‍സിനെ പെനാള്‍ട്ട് ഷൂട്ടൗട്ടില്‍ 4-2ന് കീഴടക്കിയാണ് മെസിയും കൂട്ടരും ഖത്വര്‍ ലോകകപ്പില്‍ മുത്തമിട്ടത്. മെസിയായിരുന്നു ടൂര്‍ണമെന്റിലെ മികച്ച കളിക്കാരനായി തിരഞ്ഞെടുക്കപ്പെട്ടത്. ലോകകപ്പിലെ മാധുര്യമേറിയ വിജയത്തിന്റെ സ്മരണാര്‍ഥമാണ് മെസി സഹതാരങ്ങള്‍ക്കായി വിലയേറിയ ഐ ഫോണുകള്‍ വാങ്ങിയത്.
Latest
സംരക്ഷിത കേന്ദ്രങ്ങള്‍ പാര്‍ക്കുകളോ മേച്ചില്‍പ്പുറങ്ങളോ അല്ലെന്ന് ഷാര്‍ജ ഭരണാധികാരി
ഈജിപ്തിലെ മെഗാപ്രോജക്റ്റ് നിര്‍മാണം യു എ ഇ കമ്പനിക്ക്
പരുന്തിനെ വേട്ടയാടിയ അഞ്ച് പേര്‍ അറസ്റ്റില്‍
മെട്രോയിലും ട്രാമിലും യാത്രക്കാര്‍ക്ക് ചില ഇ-സ്‌കൂട്ടറുകള്‍ കൊണ്ടുപോകാമെന്ന് ആര്‍ ടി എ
യാത്രക്കാരായ സ്ത്രീകള്‍ക്ക് നഗ്ന ചിത്രങ്ങള്‍ അയച്ച ബസ് കണ്ടക്ടര്‍ അറസ്റ്റില്‍
മഞ്ചേശ്വരം തെരഞ്ഞെടുപ്പ് കോഴക്കേസ്; കെ സുരേന്ദ്രന്റെ വിടുതല്‍ ഹര്‍ജിയില്‍ വിധി ഇന്ന്
