Kerala
തിരുവനന്തപുരം മെഡിക്കല് കോളജില് നൈറ്റ് ഡ്യൂട്ടിക്കിടെ വിദ്യാര്ഥികള്ക്ക് നേരെ അജ്ഞാതന്റെ അതിക്രമം
അടിയന്തര സാഹചര്യത്തില് സെക്യൂരിറ്റി ജീവനക്കാരില് നിന്ന് സഹായം ലഭിച്ചില്ലെന്നും പരാതിയുണ്ട്
തിരുവനന്തപുരം | തിരുവനന്തപുരം മെഡിക്കല് കോളജില് നൈറ്റ് ഡ്യൂട്ടിക്കിടെ വിദ്യാര്ഥികള്ക്ക് നേരെ അജ്ഞാതന്റെ അതിക്രമം. ഡയാലിസിസ് ടെക്നോളജി നാലാംവര്ഷ വിദ്യാര്ഥികളായ പെണ്കുട്ടികളെ അജ്ഞാതന് കടന്നു പിടിക്കാന് ശ്രമിച്ചുവെന്നാണ് പരാതി. അടിയന്തര സാഹചര്യത്തില് സെക്യൂരിറ്റി ജീവനക്കാരില് നിന്ന് സഹായം ലഭിച്ചില്ലെന്നും പരാതിയുണ്ട്.
വിദ്യാര്ഥികള് മെഡിക്കല് കോളജ് പ്രിന്സിപ്പലിന് പരാതി നല്കി. അജ്ഞാതന് വിദ്യാര്ഥികളുടെ വിശ്രമമുറിയിലേക്ക് എത്തിയെന്നും വിദ്യാര്ഥികളെ കടന്നുപിടിച്ചെന്നുമാണ് പരാതി. പരിഭ്രാന്തരായ വിദ്യാര്ഥികളെ കത്രിക കൊണ്ടും കസേര കൊണ്ടും ഇയാള് ആക്രമിക്കാന് ശ്രമിച്ചുവെന്നും പരാതിയില് പറയുന്നു.
വിദ്യാര്ഥികള് ഏറെ നേരം ബഹളം വച്ചപ്പോള് രോഗികളുടെ കൂട്ടിരിപ്പുകാരും ആശുപത്രി ജീവനക്കാരും ഓടിയെത്തി അക്രമിയില് നിന്ന് വിദ്യാര്ഥികളെ രക്ഷിക്കുകയായിരുന്നു. വിശ്രമ മുറിയില് ഉള്പ്പെടെ പെണ്കുട്ടികള്ക്ക് മതിയായ സുരക്ഷ ഉറപ്പാക്കണമെന്ന് വിദ്യാര്ഥികള് പരാതിയില് ആവശ്യപ്പെട്ടു.
Latest
മഞ്ചേശ്വരം മണ്ഡലത്തിലെ എസ്ഡിപിഐ സ്ഥാനാര്ഥി കെ എം അഷ്റഫ് പത്രിക പിന്വലിച്ചു
പാണക്കാട് സാദിഖലി ശിഹാബ് തങ്ങള്ക്കെതിരായ അപകീര്ത്തി പ്രചാരണം; പിന്നില് കാപ്പ കേസ് പ്രതി മുഹമ്മദ് റോഷന്
യുദ്ധം പെട്രോൾ പമ്പിലേക്കും; സ്വകര്യ കമ്പനി ഇന്ധനവില കുത്തനെ കൂട്ടി; പെട്രോളിന് അഞ്ച് രൂപയുടെയും ഡീസലിന് മൂന്ന് രൂപയുടെയും വർധന
ശബരിമല കൊടിമര പുനഃപതിഷ്ഠ ക്രമക്കേട്: കേസ് തീര്പ്പാക്കി ഹൈക്കോടതി; വിജിലന്സ് ത്വരിതാന്വേഷണ റിപ്പോര്ട്ട് അംഗീകരിച്ചു
7000mAh ബാറ്ററിയും സെൽഫി മിററും; റിയൽമി 16 5ജി ഉടൻ ഇന്ത്യയിലെത്തും; കിടിലൻ ഫീച്ചറുകൾ!
യുദ്ധം കടുക്കുന്നു; ആക്രമണം തുടർന്നാൽ നാലാമത്തെ വലിയ കപ്പൽ പാതയും അടച്ചുപൂട്ടുമെന്ന് ഇറാന്റെ ഭീഷണി
