Kerala
വ്യാജ ഓണ്‍ലൈന്‍ ഷെയര്‍ ട്രേഡിംഗ് ആപ്പ് വഴി 15 ലക്ഷം രൂപയുടെ തട്ടിപ്പ്; രണ്ടുപേര്‍ക്കെതിരെ കേസ്
പാലക്കാട് ആമയൂര്‍ കൊട്ടിലില്‍ ഹൗസ് മുഹമ്മദ് അബ്ദുല്‍ ഹക്കീം (36), ആമയൂര്‍ കൊട്ടിലില്‍ ഹൗസ് കെ മുഹമ്മദ് ജാഫര്‍ (33) എന്നിവര്‍ക്കെതിരെയാണ് മണിമല പോലീസ് കേസെടുത്തത്.
മണിമല | വ്യാജ ഓണ്‍ലൈന്‍ ഷെയര്‍ ട്രേഡിംഗ് ആപ്പ് വഴി 15 ലക്ഷം രൂപയുടെ തട്ടിപ്പ്. കോട്ടയം മണിമല സ്വദേശിക്കാണ് പണം നഷ്ടമായത്. സമാനമായ കേസില്‍ ജയിലില്‍ കഴിയുന്ന പാലക്കാട് സ്വദേശികളായ പ്രതികള്‍ക്കെതിരെ മണിമല പോലീസ് കേസെടുത്തു. പാലക്കാട് ആമയൂര്‍ കൊട്ടിലില്‍ ഹൗസ് മുഹമ്മദ് അബ്ദുല്‍ ഹക്കീം (36), ആമയൂര്‍ കൊട്ടിലില്‍ ഹൗസ് കെ മുഹമ്മദ് ജാഫര്‍ (33) എന്നിവര്‍ക്കെതിരെയാണ് മണിമല പോലീസ് കേസെടുത്തത്.
ഇന്‍സ്റ്റഗ്രാം അക്കൗണ്ടിലൂടെ പരിചയപ്പെട്ട് വ്യാജ ഷെയര്‍ ട്രേഡിങ് വഴി മുടക്കുന്ന തുകയുടെ 700 ശതമാനം ലാഭം തരാമെന്ന് വിശ്വസിപ്പിച്ച് 15,95,000 രൂപ വിവിധ തവണകളായി തട്ടിയെടുക്കുകയായിരുന്നു. ഇന്‍സ്റ്റഗ്രാം അക്കൗണ്ട് വഴി പരിചയത്തിലായ ശേഷം ഓണ്‍ലൈന്‍ ട്രേഡിങില്‍ പണം ഇന്‍വെസ്റ്റ് ചെയ്താല്‍ 700 ശതമാനത്തോളം ലാഭം നേടാനാകുമെന്ന് വിശ്വസിപ്പിച്ചു. തുടര്‍ന്ന് ഇതുമായി ബന്ധപ്പെട്ട വാട്‌സ്ആപ്പ് ഗ്രൂപ്പില്‍ ആഡ് ചെയ്യുകയും ആപ്പ് ഡൗണ്‍ലോഡ് ചെയ്യാന്‍ പ്രേരിപ്പിച്ച് പണം തട്ടുകയായിരുന്നു.
സമാനമായ തട്ടിപ്പില്‍ പിടിയിലായ പ്രതികള്‍ നിലവില്‍ പെരിന്തല്‍മണ്ണ സബ് ജയിലിലാണ്.
Latest
കേന്ദ്ര ആഭ്യന്തര മന്ത്രി അമിത്ഷാ കേരളത്തില്‍
കോഴിക്കോട്ട് പുതിയങ്ങാടിയില്‍ ബൈക്കില്‍ കാറിടിച്ച് ബൈക്ക് യാത്രക്കാരന്‍ മരിച്ചു
അടുത്ത അഞ്ചു ദിവസം കാറ്റും മഴയും
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
