National
എസ് ഐ ആര് ക്രമക്കേട്: അഭിഭാഷക വേഷത്തില് ഹാജരാകാന് മമത; അപൂര്വതക്ക് സാക്ഷിയാകാന് സുപ്രീം കോടതി
എസ് ഐ ആറിനെതിരായ ഹരജിയില് ഇന്ന് നേരിട്ട് ഹാജരാകാന് മമതക്ക് കോടതി അനുമതി നല്കിയതായാണ് വിവരം.
ന്യൂഡല്ഹി | മുഖ്യമന്ത്രി അഭിഭാഷക വേഷമണിയുന്ന, ഇന്ത്യന് ചരിത്രത്തിലെ തന്നെ അപൂര്വതക്ക് സാക്ഷിയാകാനൊരുങ്ങി സുപ്രീം കോടതി. പശ്ചിമ ബംഗാളിലെ തീവ്ര വോട്ടര്പട്ടിക പരിഷ്കരണ (എസ് ഐ ആര്) വുമായി ബന്ധപ്പെട്ട കേസിലാണ് അഭിഭാഷക കൂടിയായ മമത കോടതിയില് ഹാജരാകുന്നത്. എസ് ഐ ആറിനെതിരായ ഹരജിയില് ഇന്ന് നേരിട്ട് ഹാജരാകാന് മമത അനുമതി തേടിയിരുന്നു. കോടതി അനുമതി നല്കിയതായാണ് വിവരം. ചീഫ് ജസ്റ്റിസ് സൂര്യകാന്ത് അധ്യക്ഷനായ ബഞ്ചാണ് ഹരജികള് പരിഗണിക്കുന്നത്. അഭിഭാഷക വേഷം ധരിച്ച് മമത സുപ്രീം കോടതിയുടെ പടവുകള് കയറുന്ന ചിത്രം തൃണമൂല് കോണ്ഗ്രസ്സ് പങ്കുവച്ചു.
ബംഗാളിലെ തീവ്ര വോട്ടര്പട്ടിക പരിഷ്കരണത്തില് വ്യാപകമായ ക്രമക്കേട് നടന്നുവെന്നാണ് മമതാ ബാനര്ജി നല്കിയ ഹരജിയിലെ ആരോപണം. വിഷയത്തില് അടിയന്തര ഇടപെടല് ആവശ്യപ്പെട്ട് കഴിഞ്ഞ ദിവസമാണ് മമത സുപ്രീം കോടതിയെ സമീപിച്ചത്. ഇതേ വിഷയമുന്നയിച്ച് തൃണമൂല് കോണ്ഗ്രസ്സും കോടതിയെ സമീപിച്ചിട്ടുണ്ട്.
വിഷയത്തില് നിലവില് തൃണമൂല് കോണ്ഗ്രസ്സ് നല്കിയ ഹരജി കോടതിയുടെ പരിഗണനയിലിരിക്കെയാണ് മമത ബാനര്ജി പുതിയ ഹരജി സമര്പ്പിച്ചിരിക്കുന്നത്.
Latest
ദേ! പൊന്ന് പിന്നേം പോണു മേലോട്ട്; പവന് കൂടിയത് 4,840 രൂപ
കണ്ണൂരില് പക്ഷിപ്പനി; സ്ഥിരീകരിച്ചത് ചത്ത കാക്കയില്
ലിബിയന് മുന് ഏകാധിപതി മുഅമ്മര് ഗദ്ദാഫിയുടെ മകന് സെയ്ഫ് അല് ഇസ്ലാം ഗദ്ദാഫി കൊല്ലപ്പെട്ടു
എസ് ഐ ആര് ക്രമക്കേട്: അഭിഭാഷക വേഷത്തില് ഹാജരാകാന് മമത; അപൂര്വതക്ക് സാക്ഷിയാകാന് സുപ്രീം കോടതി
വരാന് 5,000, പോകാന് 35,000; ടിക്കറ്റ് നിരക്കില് വിമാനക്കമ്പനികളുടെ ഇരട്ടത്താപ്പ്, നാട്ടില് കുടുങ്ങി ഗള്ഫ് പ്രവാസികള്
'സൈബര് വെട്ടുകിളിക്കൂട്ടത്തിന്റെ നേതാവ്'; അഭിഭാഷക ദീപ ജോസഫിനെതിരെ അതിജീവിത
