Kozhikode
ജീവിതം ചിട്ടപ്പെടുത്താന്‍ വിദ്യാര്‍ഥികാലം ഉപയോഗപ്പെടുത്തണം: കാന്തപുരം
ജാമിഅ മര്‍കസ് വിദ്യാര്‍ഥി യൂണിയന്‍ ഇഹ്യാഉസ്സുന്ന വാര്‍ഷിക പ്രവര്‍ത്തനോദ്ഘാടനം നിര്‍വഹിച്ച് പ്രസംഗിക്കുകയായിരുന്നു കാന്തപുരം.
മര്‍കസ് ഇഹ്യാഉസ്സുന്ന വിദ്യാര്‍ഥി യൂണിയന്‍ പ്രവര്‍ത്തനോദ്ഘാടനം കാന്തപുരം എ പി അബൂബക്കര്‍ മുസ്‌ലിയാര്‍ നിര്‍വഹിക്കുന്നു.
കോഴിക്കോട് | ജീവിതം ചിട്ടപ്പെടുത്താനും ക്രമീകരിക്കാനുമുള്ള അവസരമായി വിദ്യാര്‍ഥി കാലം ഉപയോഗപ്പെടുത്തണമെന്ന് കാന്തപുരം എ പി അബൂബക്കര്‍ മുസ്‌ലിയാര്‍. ജാമിഅ മര്‍കസ് വിദ്യാര്‍ഥി യൂണിയന്‍ ഇഹ്യാഉസ്സുന്ന വാര്‍ഷിക പ്രവര്‍ത്തനോദ്ഘാടനം നിര്‍വഹിച്ച് പ്രസംഗിക്കുകയായിരുന്നു അദ്ദേഹം. പാഠ്യ വിഷയങ്ങളെ മനസ്സിലാക്കല്‍ മാത്രമായി വിദ്യാര്‍ഥി കാലം ചുരുങ്ങരുത്. ജീവിതം ക്രമീകരിക്കാന്‍ ആവശ്യമായ നൈപുണികളും കഴിവുകളും അഭ്യസിക്കേണ്ടതും ഈ കാലത്ത് തന്നെയാണ്.
കൂട്ടായ്മ, സംഘാടനം, സാന്ത്വനം, സേവനം, നേതൃഗുണം, പ്രതിസന്ധികളെ തരണംചെയ്യല്‍ എന്നിവയൊക്കെ ആര്‍ജിക്കാന്‍ ശ്രമിക്കണം. അറിവിനൊപ്പം ഭാവി ജീവിതത്തില്‍ ഇവയെല്ലാം പ്രയോജനപ്പെടുമെന്നും കാന്തപുരം പറഞ്ഞു.
ജാമിഅ സീനിയര്‍ മുദരിസ് വി പി എം ഫൈസി വില്യാപ്പള്ളി അധ്യക്ഷത വഹിച്ചു. ചാന്‍സിലര്‍ സി മുഹമ്മദ് ഫൈസി മുഖ്യപ്രഭാഷണം നടത്തി. പിസി അബ്ദുല്ല മുസ്‌ലിയാര്‍, ബശീര്‍ സഖാഫി കൈപ്പുറം, എസ് എസ് എഫ് സംസ്ഥാന സെക്രട്ടറി സി എം സ്വാബിര്‍ സഖാഫി സന്ദേശം നല്‍കി. യൂണിയന്‍ പ്രസിഡന്റ് സയ്യിദ് മുഹ്സിന്‍ ജീലാനി, ജനറല്‍ സെക്രട്ടറി ഹാഫിള് മിസ്അബ്, ഫിനാന്‍സ് സെക്രട്ടറി മുഹമ്മദ് തളിപ്പറമ്പ്, സെക്രട്ടറി ജദീര്‍ കൂട്ടിലങ്ങാടി പ്രസംഗിച്ചു. ഇല്യാസ് ബെളിഞ്ച സ്വാഗതവും ഖലീല്‍ അഹ്മദ് കീഴിശ്ശേരി നന്ദിയും പറഞ്ഞു.
Latest
മൂന്നാമതൊരു എഫ്35 യുദ്ധ വിമാനം കൂടി വെടിവെച്ചിട്ടതായി ഇറാന്‍; ആക്രമണം തുടര്‍ന്നാല്‍ ടെഹ്‌റാന്‍ കത്തുമെന്ന് ഇസ്‌റാഈല്‍
എടക്കരയില്‍ മുഖ്യമന്ത്രിക്ക് നേരെ കരിങ്കൊടി പ്രതിഷേധം; യുവാവിനെതിരെ കേസ്
സാമൂഹിക മാധ്യമങ്ങളിലൂടെ പരിചയം; 14 കാരിയുടെ നഗ്നചിത്രങ്ങള്‍ കൈക്കലാക്കി ഭീഷണിപ്പെടുത്തിയ യുവാവ് പിടിയില്‍
രഞ്ജിതയുടെ കുടുംബത്തെ യു ഡി എഫ് കണ്‍വീനര്‍ അടൂര്‍ പ്രകാശ് എം പി സന്ദര്‍ശിച്ചു
പെട്ടി വിവാദത്തിന് പിന്നില്‍ മുഖ്യമന്ത്രിയുടെ അഭ്യാസം: അടൂര്‍ പ്രകാശ്
ഇസ്‌റാഈല്‍-ഇറാന്‍ സംഘര്‍ഷം; സഊദി കിരീടാവകാശി ഫ്രാന്‍സിലെയും ഇറ്റലിയിലെയും നേതാക്കളുമായി ചര്‍ച്ച നടത്തി
