Kerala
വിദ്യാര്‍ഥിനികളോട് മോശം പെരുമാറ്റം; സ്‌കൂള്‍ അധ്യാപകനെതിരെ എസ് എഫ് ഐ സമരം തുടങ്ങി
ഇയാള്‍ മോശമായി പെരുമാറിയെന്ന് വിദ്യാര്‍ഥിനികള്‍ കൗണ്‍സിലിംഗിനിടെയാണ് അധ്യാപികയോട് പരാതിപ്പെട്ടത്.
കണ്ണൂര്‍ | ഇരിട്ടി കാക്കയങ്ങാട് പാല ഹയര്‍ സെക്കണ്ടറി സ്‌കൂളിലെ അധ്യാപകന്‍ വിദ്യാര്‍ഥിനികളോട് മോശമായി പെരുമാറിയെന്ന് പരാതി. ഇതിന് പിന്നാലെ അധ്യാപകനെതിരെ സ്‌കൂളില്‍ എസ്എഫ്‌ഐ സമരം തുടങ്ങി. സ്‌കൂളിലെ സാമൂഹിക ശാസ്ത്ര അധ്യാപകനെതിരെയാണ് പരാതി. ഇയാള്‍ മോശമായി പെരുമാറിയെന്ന് വിദ്യാര്‍ഥിനികള്‍ കൗണ്‍സിലിംഗിനിടെയാണ് അധ്യാപികയോട് പരാതിപ്പെട്ടത്.
തുടര്‍ന്ന് സ്‌കൂള്‍ അധികൃതര്‍ ചൈല്‍ഡ് ലൈനിനും പോലീസിനും പരാതി നല്‍കി. ഇതിന് പിന്നാലെയാണ് അധ്യാപകനെതിരെ എസ്എഫ്‌ഐ സമരം ആരംഭിച്ചത്. പരാതിപ്പെട്ട കുട്ടികളുടെ മൊഴി പോലീസ് രേഖപ്പെടുത്തുകയാണ്. മൊഴി എടുക്കുന്നത് പൂര്‍ത്തിയാക്കിയ ശേഷം കേസെടുക്കുമെന്ന് പോലീസ് അറിയിച്ചു. വിദ്യാര്‍ഥിനികളോട് ലൈംഗിക താത്പര്യത്തോടെ ഇയാള്‍ പെരുമാറിയെന്നാണ് പരാതി. അതിനാല്‍ പോക്‌സോ പ്രകാരമാകും കേസെടുക്കുക. അധ്യാപകനെ പുറത്താക്കണമെന്നാവശ്യപ്പെട്ടാണ് എസ്എഫ്‌ഐ സ്‌കൂളില്‍ സമരം ആരംഭിച്ചത്. ്.
Latest
കോണ്‍ഗ്രസ് നേതാക്കള്‍ക്കെതിരായി രാഹുല്‍ അനുകൂലികള്‍ നടത്തുന്ന സൈബര്‍ ആക്രമണത്തില്‍ അന്വേഷണത്തിന് തീരുമാനം
കൂടല്‍മാണിക്യം ക്ഷേത്രത്തില്‍ ഈഴവ സമുദായത്തില്‍ നിന്നുള്ള അനുരാഗ് കഴകം ജോലിയില്‍ പ്രവേശിച്ചു
ബൈക്കുകള്‍ കൂട്ടിയിടിച്ച് മൂന്ന് പേര്‍ മരിച്ചു
പേരക്കുട്ടിക്ക് ഭക്ഷണവുമായി പോയ ഗൃഹനാഥന്‍ വാഹനാപകടത്തില്‍ മരിച്ചു
14 കാരിയെ ഗര്‍ഭിണിയാക്കിയ 20 കാരന് 63 വര്‍ഷം കഠിനതടവ്
അന്തര്‍സംസ്ഥാന ലഹരി സംഘത്തിലെ നാലുപേര്‍ പിടിയില്‍
