Kerala
ഡോക്ടര് ചമഞ്ഞെത്തി; തിരുവനന്തപുരം മെഡിക്കല് കോളജ് ആശുപത്രിയില് യുവതി പിടിയില്
സീനിയര് ന്യൂറോളജി സര്ജനാണ് താനെന്നാണ് യുവതി പറഞ്ഞത്. വേഷം മാറി രക്ഷപ്പെടാന് ശ്രമിക്കവേ സുരക്ഷാ ജീവനക്കാര് പിടികൂടുകയായിരുന്നു.
തിരുവനന്തപുരം | മെഡിക്കല് കോളജ് ആശുപത്രിയില് ഡോക്ടര് ചമഞ്ഞെത്തിയ യുവതി പിടിയില്. സൂപ്പര് സ്പെഷ്യാലിറ്റി ബ്ലോക്കില് കടന്നുകൂടിയ ഇവ എന്ന യുവതിയാണ് പിടിയിലായത്. വേഷം മാറി രക്ഷപ്പെടാന് ശ്രമിക്കവേ സുരക്ഷാ ജീവനക്കാര് പിടികൂടുകയായിരുന്നു.
ഇന്ന് രാവിലെയായിരുന്നു സംഭവം. സ്റ്റെതസ്കോപ്പ് ഉള്പ്പടെ ധരിച്ചാണ് യുവതി ആശുപത്രിയിലെത്തിയത്. സീനിയര് ന്യൂറോളജി സര്ജനാണ് താനെന്നാണ് യുവതി സുരക്ഷാ ജീവനക്കാരോട് പറഞ്ഞത്. ഇവരുടെ പെരുമാറ്റത്തില് സംശയം തോന്നിയ സെക്യൂരിറ്റി ജീവനക്കാര് അധികൃതരെ വിവരം അറിയിച്ചു. തുടര്ന്ന് സി സി ടി വി ദൃശ്യങ്ങള് പരിശോധിച്ചപ്പോള് കാന്റീന് ഉള്പ്പടെയുള്ള സ്ഥലങ്ങളില് ഇവര് കറങ്ങിനടന്നിരുന്നതായി വ്യക്തമായി. ഇതിനിടെ സ്ഥലത്ത് നിന്നും മുങ്ങിയ ഇവരെ കണ്ടെത്താനായില്ല. പിന്നീട് വേഷം മാറി മള്ട്ടി സ്പെഷ്യാലിറ്റി ബ്ലോക്കിന് മുന്നില് നിന്ന് ഓട്ടോറിക്ഷയില് കടന്നുകളയാന് ശ്രമിക്കുമ്പോഴാണ് വനിതാ സെക്യൂരിറ്റി ജീവനക്കാര് യുവതിയെ പിടികൂടിയത്.
പെരുന്ന സ്വദേശിയാണ് യുവതിയെന്നാണ് പ്രാഥമിക വിവരം. പേരൂര്ക്കടയിലാണ് താമസിക്കുന്നതെന്ന് ഇവര് പോലീസിന് മൊഴി നല്കിയിട്ടുണ്ട്. സംഭവത്തില് മെഡിക്കല് കോളജ് പോലീസ് കേസെടുത്തു. ഭര്ത്താവ് ശ്രീചിത്രയില് ജോലിചെയ്യുകയാണെന്നാണ് യുവതി പറഞ്ഞത്. എന്നാല് അങ്ങനെ ഒരാളെ കണ്ടെത്താനായിട്ടില്ല. വേഷം മാറി ആശുപത്രിയിലെത്തിയതിനു പിന്നിലെ ഉദ്ദേശ്യം വ്യക്തമായിട്ടില്ല. ചോദ്യം ചെയ്യല് പുരോഗമിക്കുകയാണെന്ന് പോലീസ് അറിയിച്ചു.
Latest
ഗ്ലാസ് ചിഹ്നം പട്ടികയിലില്ല; പ്രതിസന്ധിയിലായി കോഴിക്കോട് സൗത്തില് അഹമ്മദ് ദേവര് കോവില്
കളമശ്ശേരി എടയാര് വ്യവസായ മേഖലയില് വന് തീപിടിത്തം; ഒരു മരണം
യു പ്രതിഭയ്ക്ക് എതിരെ അധിക്ഷേപം; നടപടിയെടുക്കാന് മുഖ്യ തിരഞ്ഞെടുപ്പ് ഓഫീസര് ആലപ്പുഴ ജില്ലാ കലക്ടര്ക്ക് നിര്ദ്ദേശം നല്കി
വന്ദേ ഭാരത് എക്സ്പ്രസില് യാത്രക്കാരന് നല്കിയ ഭക്ഷണത്തില് ജീവനുള്ള പുഴുക്കള്
ആന്ധ്രാപ്രദേശില് ബസും ടിപ്പറും കൂട്ടിയിടിച്ച് പത്ത് പേര് മരിച്ചു; 20 പേര്ക്ക് പരിക്ക്
എസ് എസ് എല് സി പരീക്ഷ കഴിഞ്ഞ് കനാലില് കുളിക്കാനിറങ്ങിയ വിദ്യാര്ഥി മുങ്ങി മരിച്ചു
