National
പ്രവൃത്തി പൂര്ത്തിയാകാത്ത ദേശീയ അതിവേഗ പാതകളിലെ ടോള് നിരക്ക് കുറയ്ക്കും; പുതുക്കിയത് ഈമാസം 15 മുതല് പ്രാബല്യത്തില്
പ്രവൃത്തി പാതിവഴിയില് നില്ക്കുന്ന എക്സ്പ്രസ് ഹൈവേകളില് യാത്ര ചെയ്യുന്നവര്ക്ക് പുതിയ തീരുമാനം ആശ്വാസമാകും.
ന്യൂഡല്ഹി | പ്രവൃത്തി പൂര്ത്തിയാകാത്ത ദേശീയ അതിവേഗ പാതകളിലെ ടോള് നിരക്ക് കുറയ്ക്കാന് തീരുമാനിച്ച് കേന്ദ്രം. പുതുക്കിയ നിരക്ക് ഈമാസം 15 മുതല് പ്രാബല്യത്തിലാകും. റോഡ് ഗതാഗത ദേശീയ പാത മന്ത്രാലയം നാഷണല് ഹൈവേ ഫീ ചട്ടങ്ങള്, 2008 ആണ് ഭേദഗതി ചെയ്തത്. പ്രവൃത്തി പാതിവഴിയില് നില്ക്കുന്ന എക്സ്പ്രസ് ഹൈവേകളില് യാത്ര ചെയ്യുന്നവര്ക്ക് പുതിയ തീരുമാനം ആശ്വാസമാകും.
പാത പൂര്ണമായി തുറന്നു നല്കാത്ത സാഹചര്യത്തില് പോലും സാധാരണ നിരക്കിനേക്കാള് ഏകദേശം 25 ശതമാനത്തോളം കൂടുതല് ടോള് നിരക്ക് ഈടാക്കുന്നുവെന്നത് യാത്രക്കാരെ കടുത്ത ആശങ്കയിലാഴ്ത്തിയിരുന്നു. ഭേദഗതി പ്രകാരം, നിര്മാണം പൂര്ത്തിയായ ഭാഗങ്ങളില് മാത്രമേ സാധാരണ ദേശീയ പാതകളുടെ നിരക്കില് ടോള് ഈടാക്കുകയുള്ളൂ. ഒരു ദേശീയ അതിവേഗ പാത ഭാഗികമായി മാത്രമേ പ്രവര്ത്തനക്ഷമമായിട്ടുള്ളൂവെങ്കില്, പൂര്ത്തിയായ ഭാഗങ്ങളില് 2008ലെ ചട്ടങ്ങള് അനുസരിച്ച് സാധാരണ ദേശീയ പാതയുടെ നിരക്കില് ടോള് ഈടാക്കും.
ഔദ്യോഗിക വിജ്ഞാപനം അനുസരിച്ച്, ഭേദഗതി പ്രാബല്യത്തില് വരുന്ന തീയതി മുതല് ഒരു വര്ഷം വരെയോ അല്ലെങ്കില് എക്സ്പ്രസ്സ് വേ പൂര്ണമായി പ്രവര്ത്തനക്ഷമമാകുന്നത് വരെയോ (ഇതില് ഏതാണോ ആദ്യം സംഭവിക്കുന്നത് അതുവരെ) പരിഷ്കരിച്ച ടോള് നിരക്കുകള് തുടരും. പാതയുടെ മുഴുവന് ഭാഗവും തുറന്നുനല്കിക്കഴിഞ്ഞാല് സാധാരണ നിരക്കുകള് പുനഃസ്ഥാപിക്കപ്പെട്ടേക്കും.
Latest
വടകരയില് അടച്ചിട്ട വീടിന്റെ മുന്വാതില് കുത്തിത്തുറന്ന് കവര്ച്ച
ഖലീലുല് ബുഖാരി തങ്ങളുടെ ബംഗാള് യാത്രക്ക് പ്രൗഢമായ സമാപനം
വിശ്വാസികളല്ലാത്തവര് അമ്പലം ഭരിക്കുമ്പോള് കണ്ണ് സമ്പത്തില് മാത്രം: കെ സി വേണുഗോപാല്
20 രാഷ്ട്ര തവലന്മാർ; 45 രാജ്യങ്ങളിൽ നിന്ന് പ്രതിനിധികൾ; 'ഇന്ത്യ എ ഐ ഇംപാക്ട് സമിറ്റ് 2026' ഫെബ്രുവരി 16ന് തുടങ്ങും
തുഗ്ലക്ക് പരിഷ്കാരമെന്ന ആക്ഷേപം; ചെന്നിത്തലക്കെതിരെ വീണ്ടും കടുത്ത വിമര്ശനവുമായി മുഖ്യമന്ത്രി
മാരുതി കാറുകൾക്ക് ഈ മാസം 2.15 ലക്ഷം രൂപ വരെ ഡിസ്കൗണ്ട്
