Kerala
കൂത്താട്ടുകുളം നഗരസഭ ചെയര്പേഴ്സണ് തിരഞ്ഞെടുപ്പ് ഇന്ന്; സിപിഎം വിമത അംഗം കല രാജു യുഡിഎഫ് സ്ഥാനാര്‍ഥി
അവിശ്വാസത്തിലൂടെ പുറത്തായ വിജയ ശിവന്‍ തന്നെയാണ് എല്‍ഡിഎഫ് ചെയര്പേഴ്സണ് സ്ഥാനത്തേക്ക് വീണ്ടും മത്സരിപ്പിക്കുന്നത്.
കൊച്ചി | കൂത്താട്ടുകുളം നഗരസഭ ചെയര്പേഴ്സണ്, വൈസ് ചെയര്‍മാന്‍ തിരഞ്ഞെടുപ്പ് ഇന്ന് നടക്കും. രാവിലെ 11നാണ് ചെയര്പേഴ്സണ് തിരഞ്ഞെടുപ്പ് . സിപിഎം വിമത അംഗം കല രാജുവാണ് യുഡിഎഫിന്റെ ചെയര്പേഴ്സണ് സ്ഥാനാര്‍ത്ഥി. അവിശ്വാസത്തിലൂടെ പുറത്തായ വിജയ ശിവന്‍ തന്നെയാണ് എല്‍ഡിഎഫ് ചെയര്പേഴ്സണ് സ്ഥാനത്തേക്ക് വീണ്ടും മത്സരിപ്പിക്കുന്നത്.
ഈ മാസം അഞ്ചിന് യുഡിഎഫ് കൊണ്ടു വന്ന അവിശ്വാസം പാസ്സായതോടെയാണ് കൂത്താട്ടുകുളം മുനിസിപ്പാലിറ്റിയില്‍ ഇടതുമുന്നണിക്ക് ഭരണം നഷ്ടമായത്. അവിശ്വാസപ്രമേയത്തില്‍ സിപിഎം വിമത കല രാജു, സ്വതന്ത്ര അംഗം പി ജി സുനില്‍ കുമാര്‍ എന്നിവര്‍ യുഡിഎഫിനെ പിന്തുണക്കുകയായിരുന്നു. കഴിഞ്ഞദിവസം ചേര്‍ന്ന യുഡിഎഫ് നേതൃയോഗമാണ് കലാ രാജുവിനെ മത്സരിപ്പിക്കാന്‍ തീരുമാനിച്ചത്.
ഉച്ചയ്ക്ക് 2 മണിക്കാണ് വൈസ് ചെയര്‍മാന്‍ തെരഞ്ഞെടുപ്പ്. വൈസ് ചെയര്‍മാന്‍ സ്ഥാനത്തേക്ക് സ്വതന്ത്ര അംഗം പി ജി സുനില്‍കുമാറിനെയാണ് യുഡിഎഫ് മത്സരിപ്പിക്കുന്നത്. അവിശ്വാസത്തിലൂടെ പുറത്തായ സണ്ണി കുര്യാക്കോസ് തന്നെയാണ് എല്‍ഡിഎഫിന്റെ വൈസ് ചെയര്‍മാന്‍ സ്ഥാനാര്‍ത്ഥി. ജനുവരിയില്‍ അവിശ്വാസ പ്രമേയ ചര്‍ച്ച നടക്കാനിരിക്കെ കൗണ്‍സിലര്‍ കല രാജുവിനെ സിപിഎം പ്രവര്‍ത്തകര്‍ തട്ടിക്കൊണ്ടു പോയത് വിവാദമായിരുന്നു.
Latest
എയർ ഇന്ത്യ എക്‌സ്പ്രസ് ഇന്ത്യയിലേക്ക് നിരക്ക് കുറച്ചു
ജില്ലാ കലക്ടര്‍ വയനാട് ചുരം സന്ദര്‍ശിച്ചു; വിദഗ്ധ പരിശോധനക്ക് ശേഷം മാത്രം ഭാരവാഹനങ്ങള്‍ കടത്തി വിടുന്നതില്‍ തീരുമാനം
ഉത്തരാഖണ്ഡില്‍ മേഘവിസ്‌ഫോടനം; ദമ്പതികള്‍ ഉള്‍പ്പെടെ മൂന്ന് പേരെ കാണാനില്ല,നിരവധി പേര്‍ക്ക് പരുക്ക്
രാഹുല്‍ മാങ്കൂട്ടത്തിലിനെ വീണ്ടും സജീവമാക്കാന്‍ നീക്കം; ഷാഫിയുടെ നേതൃത്വത്തില്‍ പാലക്കാട് രഹസ്യ യോഗം
കാസര്‍കോട് മണ്ണിടിച്ചില്‍ ഭീഷണി: വീരമലക്കുന്നിലും ബേവിഞ്ചയിലും യാത്രാ വാഹനങ്ങള്‍ക്ക് നിരോധനം
പോളണ്ടില്‍ എയര്‍ഷോ റിഹേഴ്‌സലിനിടെ യുദ്ധവിമാനം തകര്‍ന്നു വീണു; പൈലറ്റ് മരിച്ചു
