Kerala
മൂന്നുകല്ല് കുടിവെള്ള പദ്ധതി അഴിമതി ആരോപണം; അന്വേഷണത്തിന് കോന്നി ഡിവൈഎസ്പിക്കു നിര്‍ദേശം
ഡിവൈഎസ്പി ബന്ധപ്പെട്ടവരില്‍ നിന്നും പ്രാഥമിക വിവരങ്ങള്‍ തേടി.
സീതത്തോട് | സീതത്തോട് മൂന്നുകല്ല് കുടിവെള്ള പദ്ധതിയുമായി ബന്ധപ്പെട്ടുയര്‍ന്ന അഴിമതി ആരോപണത്തെ സംബന്ധിച്ച് അന്വേഷണം നടത്താന്‍ കോന്നി ഡിവൈഎസ്പിക്കു നിര്‍ദേശം. സൊസൈറ്റി അംഗം എം.ഡി. സ്റ്റാലിന്‍ മുഖ്യമന്ത്രിക്കു നല്‍കിയ പരാതിയെ തുടര്‍ന്നാണ് നിര്‍ദേശമുണ്ടായത്. അന്വേഷണത്തിന് ഉത്തരവ് ലഭിച്ചതോടെ ഡിവൈഎസ്പി ബന്ധപ്പെട്ടവരില്‍ നിന്നും പ്രാഥമിക വിവരങ്ങള്‍ തേടി.
വര്‍ഷങ്ങള്‍ക്കു മുന്‍പ് രൂപീകരിച്ച മൂന്നുകല്ല് കുടിവെള്ള പദ്ധതി സൊസൈറ്റിയുടെ നടത്തിപ്പ് ചുമതല സിപിഐ പ്രാദേശിക നേതാക്കള്‍ക്കാണ്. സൊസൈറ്റിയുടെ പേരിലുള്ള പണം തട്ടിച്ചതും ആള്‍മാറാട്ടം നടത്തി പ്രസിഡന്റിന്റെ കള്ള ഒപ്പിട്ട് സര്‍ക്കാരിലേക്ക് രേഖകള്‍ സമര്‍പ്പിച്ചതുമായ വിഷയത്തിലാണ് അന്വേഷണം ആവശ്യപ്പെട്ടിരിക്കുന്നതെന്ന് എം.ഡി. സ്റ്റാലിന്‍ പറഞ്ഞു. സൊസൈറ്റിയുടെ പൊതുയോഗം വര്‍ഷങ്ങളായി നടക്കുന്നില്ല. ഇതേത്തുടര്‍ന്ന് രജിസ്ട്രാര്‍ക്ക് വിവരാവകാശ നിയമപ്രകാരം നല്‍കിയ അപേക്ഷയുടെ മറുപടി ലഭിച്ചപ്പോഴാണ് ആള്‍മാറാട്ടം നടത്തി രേഖകള്‍ സമര്‍പ്പിച്ചത് ശ്രദ്ധയില്‍പെട്ടതെന്നും ഇക്കാര്യം ചൂണ്ടിക്കാട്ടിയാണ് പരാതി നല്‍കിയതെന്നും പറയുന്നു.
Latest
തദ്ദേശ തിരഞ്ഞെടുപ്പ്: കരട് വോട്ടര്‍ പട്ടിക ബുധനാഴ്ച പ്രസിദ്ധീകരിക്കും; ആഗസ്റ്റ് ഏഴ് വരെ പേര് ചേര്‍ക്കാം
മഴയുടെ ശക്തി കുറഞ്ഞു; വയനാട്ടില്‍ വിനോദ സഞ്ചാര കേന്ദ്രങ്ങളിലേക്കുള്ള നിരോധനം പിന്‍വലിച്ചു
വി എസിനെ സാമൂഹിക മാധ്യത്തിലൂടെ അധിക്ഷേപിച്ചു; ഹമീദ് വാണിയമ്പലത്തിന്റെ മകന്‍ അറസ്റ്റില്‍
വിദ്യാര്‍ഥിനി വീട്ടിനുള്ളില്‍ ജീവനൊടുക്കിയ നിലയില്‍
കേരള തീരത്തെ കപ്പല്‍ അപകടങ്ങള്‍; മത്സ്യത്തില്‍ രാസ സാന്നിധ്യമില്ലെന്ന് കേന്ദ്ര സര്‍ക്കാര്‍
വി എസ് ജനവികാരത്തിന്റെ നേതാവ്:ഡോ. തിയഡോഷ്യസ് മാര്‍ത്തോമ്മാ മെത്രാപ്പൊലീത്ത
