National
നടിയും മോഡലുമായ ഷെഫാലി ജാരിവാല അന്തരിച്ചു
2002-ല്‍ പുറത്തിറങ്ങിയ 'കാട്ടാ ലഗാ' എന്ന റീമിക്‌സ് മ്യൂസിക് വീഡിയോയിലൂടെയാണ് ഷെഫാലി പ്രശസ്തയായത്.
മുംബൈ| നടിയും മോഡലുമായ ഷെഫാലി ജാരിവാല (42) അന്തരിച്ചു. ഹൃദയാഘാതത്തെ തുടര്‍ന്നാണ് മരണം. ഇന്നലെ രാത്രിയോടെ മുംബൈയിലെ ബെല്ലെവ്യൂ മള്‍ട്ടി-സ്‌പെഷ്യാലിറ്റി ആശുപത്രിയില്‍ അബോധാവസ്ഥയില്‍ പ്രവേശിപ്പിക്കുകയായിരുന്നു. പിന്നാലെ ഡോക്ടര്‍മാര്‍ മരണം സ്ഥിരീകരിച്ചു.
2002-ല്‍ പുറത്തിറങ്ങിയ ‘കാട്ടാ ലഗാ’ എന്ന റീമിക്‌സ് മ്യൂസിക് വീഡിയോയിലൂടെയാണ് ഷെഫാലി പ്രശസ്തയായത്. 2004-ല്‍ സല്‍മാന്‍ ഖാന്‍, അക്ഷയ് കുമാര്‍, പ്രിയങ്ക ചോപ്ര എന്നിവര്‍ അഭിനയിച്ച ‘മുജ്‌സെ ഷാദി കരോഗി’ എന്ന സിനിമയില്‍ കാമിയോ വേഷത്തില്‍ ഷെഫാലി എത്തിയിരുന്നു. 2019-ല്‍ ‘ബിഗ് ബോസ് 13’ എന്ന റിയാലിറ്റി ഷോയില്‍ പങ്കെടുത്തതോടെ ഷെഫാലി വീണ്ടും ശ്രദ്ധ നേടി.
ഷെഫാലിയുടെ മരണകാരണം പോസ്റ്റ്‌മോര്‍ട്ടം റിപ്പോര്‍ട്ടിനുശേഷമേ പറയാന്‍ കഴിയൂവെന്ന് പോലീസ് വ്യക്തമാക്കി. മുംബൈ പോലീസ് അന്ധേരിയിലെ വസതിയില്‍ പരിശോധന നടത്തിയിട്ടുണ്ട്. നടന്‍ പരാഗ് ത്യാഗിയാണ് ഭര്‍ത്താവ്.
Latest
സൂംബ അടിച്ചേല്പ്പിക്കരുതെന്ന് പ്രതിപക്ഷ നേതാവ്
കോഴിക്കോട് നഗരത്തില് 19 പേരെ കടിച്ച തെരുവുനായക്ക് പേ വിഷബാധ
കണ്ണൂരില് നായയുടെ കടിയേറ്റ അഞ്ച് വയസ്സുകാരന് മരിച്ചു
അല്പ്പ വസ്ത്രം ധരിച്ച് എവിടെയാണ് സൂംബ നടത്തിയതെന്ന് ഡി വൈ എഫ് ഐ
ജീവന് രക്ഷകരായ കെ എസ് ആര് ടി സി ജീവനക്കാര്ക്ക് തിരുവല്ല പൗരാവലിയുടെ ആദരം
എച്ച് ഡി എഫ് സി ബേങ്കിനെതിരെ യു എ ഇയിൽ പരാതി
