ഗസ്സ കീഴടങ്ങില്ല; അകം പുറം പൊള്ളി നെതന്യാഹു

ദുരിതാശ്വാസ വിതരണം പോലും വരുതിയിലാക്കാന്‍ നെതന്യാഹു- ട്രംപ് കൂട്ടുകെട്ട് ശ്രമിക്കുന്നതിന്റെ തെളിവാണ് ഗസ്സ ഹ്യുമാനിറ്റേറിയന്‍ ഫൗണ്ടേഷന്‍. യു എസിന്റെയും ഇസ്റാഈലിന്റെയും നിയന്ത്രണത്തിലുള്ള എന്‍ ജി ഒയാണിത്. ദുരിതാശ്വാസ സാമഗ്രികള്‍ക്കൊപ്പം ഹമാസിന് ആയുധം വരുമെന്ന് പേടിക്കുന്നവരുടെ അതിബുദ്ധി. ഈ നീക്കത്തിന് ആദ്യ പ്രഹരം കിട്ടിയത് ഫൗണ്ടേഷന്റെ തലവന്‍ ജെയ്ക് വുഡില്‍ നിന്ന് തന്നെയാണ്. മറ്റാരുടെയോ ചരടനുസരിച്ച് തുള്ളാന്‍ താനില്ലെന്ന് പ്രഖ്യാപിച്ച് അദ്ദേഹം രാജിവെച്ചു. ആശ്വസിക്കാം. ഫലസ്തീന്‍ ജനതയുടെ സത്യം തിരിച്ചറിയുന്നവരുടെ നിര നിലച്ച് പോകുന്നില്ല. വ്യാജങ്ങളുടെ കൊടുങ്കാറ്റിലും മനുഷ്യത്വത്തിന്റെ വേരുറപ്പോടെ ചില മരങ്ങള്‍ ചില്ലകള്‍ നിവര്‍ത്തി നില്‍പ്പുണ്ട്.