Kerala
ഡയറ്റില്‍ അധ്യാപക നിയമനം അട്ടിമറിക്കാന്‍ നീക്കമെന്ന് ആരോപണം; കാലടി സര്‍വകലാശാലയിലും നിയമന വിവാദം
തിരുവനന്തപുരം | സംസ്ഥാനത്ത് വീണ്ടും നിയമന വിവാദം. പൊതു വിദ്യാഭ്യാസ വകുപ്പിന് കീഴിലെ ഡയറ്റ്, കാലടി സംസ്‌കൃത സര്‍വകലാശാല എന്നിവിടങ്ങളിലാണ് നിയമന വിവാദം ഉയര്‍ന്നിട്ടുള്ളത്. ഡയറ്റില്‍ അധ്യാപക നിയമനം അട്ടിമറിക്കാന്‍ നീക്കം നടക്കുന്നുവെന്ന ആരോപണവുമായി ഉദ്യോഗാര്‍ഥികള്‍ രംഗത്തെത്തി. തസ്തികകള്‍ റിപ്പോര്‍ട്ട് ചെയ്ത് ഏഴ് വര്‍ഷമായിട്ടും ഒരു നിയമനം പോലും ഇതുവരെ നടന്നിട്ടില്ലെന്നാണ് ഇവരുടെ പരാതി. അപാകതകള്‍ പരിഹരിച്ചുള്ള സ്‌പെഷ്യല്‍ റൂള്‍ പൊതു വിദ്യാഭ്യാസ വകുപ്പ് പി എസ് സിക്ക് കൈമാറാത്തതാണ് ഇതില്‍ പ്രധാന തടസമെന്നാണ് അറിയുന്നത്.
പത്ത് വര്‍ഷത്തോളമായി ഡയറ്റില്‍ നിയമനത്തിനായുള്ള കാത്തിരിപ്പിലാണ് ഉദ്യോഗാര്‍ഥികള്‍. ഒരു പതിറ്റാണ്ടിനിടെ നേരിട്ടത് നിരവധി തടസങ്ങളാണ്. 2011ല്‍ സ്‌പെഷ്യല്‍ റൂള്‍ തയാറായി. 2014ല്‍ ആദ്യം 17 ലക്ചറര്‍മാരുടെ നിയമനം പി എസ് സിക്ക് വിട്ടു. എന്നാല്‍ സ്‌പെഷ്യല്‍ റൂള്‍ തയാറാക്കിയതിലെ അപാകതകള്‍ പ്രശ്‌നമായി. ഏഴ് വര്‍ഷത്തിനു ശേഷം അപകാതകള്‍ പരിഹരിച്ചു. എന്നാല്‍ ഇതുവരെ പൊതു വിദ്യാഭ്യാസ ഡയറക്ടര്‍ പരിഷ്‌ക്കരിച്ച സ്‌പെഷ്യല്‍ റൂള്‍ പി എസ് സിക്ക് കൈമാറിയിട്ടില്ല. ഡയറ്റില്‍ 14 ജില്ലകളിലും പ്രിന്‍സിപ്പലും അധ്യാപകരുമുണ്ട്. നിലവില്‍ 143 സ്‌കൂള്‍ അധ്യാപകരെ ഡെപ്യുട്ടേഷനില്‍ നിയമിച്ചാണ് പ്രവര്‍ത്തനം. ഒരുവര്‍ഷത്തേക്കാണ് നിയമിച്ചതെങ്കിലും കാലാവധി ദീര്‍ഘിപ്പിക്കുകയാണ്.
കാലടി സര്‍വകലാശാലയില്‍ അനധികൃത നിയമനം നടത്തിയെന്നാണ് ആരോപണം. മലയാളം വിഭാഗത്തിലെ ഗസ്റ്റ് അധ്യാപകനെ പബ്ലിക്ക് ഓഫീസറായി നിയമിക്കുകയായിരുന്നു. വിജ്ഞാപനമില്ലാതെയാണ് ഒരു വര്‍ഷത്തേക്ക് നിയമനം നടത്തിയതെന്നാണ് ആരോപണം. താത്ക്കാലിക നിയമനങ്ങള്‍ പോലും നടപടിക്രമം പാലിക്കാതെ സര്‍വകലാശാലയില്‍ നടത്താറില്ല.
Latest
ജി 20 ഉച്ചകോടി; സഊദി വിദേശകാര്യ മന്ത്രി വിവിധ രാഷ്ട്ര നേതാക്കളുമായി കൂടിക്കാഴ്ച നടത്തി
ഹയര്‍സെക്കന്‍ഡറി അക്കാദമിക് കരിക്കുലം കാലോചിതമായി പരിഷ്‌കരിക്കണം: സയ്യിദ് മുനീറുല്‍ അഹ്ദല്‍
ജനരോഷാഗ്നിയില്‍ പിണറായി സര്‍ക്കാരും എല്‍ ഡി എഫും കത്തിചാമ്പലാകും:രമേശ് ചെന്നിത്തല
ഒരാഴ്ചക്കിടെ രണ്ട് ശസ്ത്രക്രിയ; കോഴഞ്ചേരി മുത്തൂറ്റ് എം ജി എം ആശുപത്രിയില്‍ വീട്ടമ്മ മരിച്ചു
തിരുവനന്തപുരം ബഹ്‌റൈന്‍ ഗള്‍ഫ് എയര്‍ വിമാന സര്‍വീസുകളുടെ എണ്ണം വര്‍ധിപ്പിച്ചു
ഭൂമിയെ സംബന്ധിച്ച് അതിര്‍ത്തികള്‍ ശാശ്വതമല്ല; സിന്ധ് നാളെ ഇന്ത്യയിലേക്ക് മടങ്ങിയേക്കാം: രാജ്‌നാഥ് സിംഗ്
