കേരള യാത്രാ ഉപനായകൻ ഖലീൽ ബുഖാരി തങ്ങൾക്ക് നാളെ ജന്മനാടിന്റെ ആദരം

കടലുണ്ടി | കേരള മുസ്‌ലിം ജമാഅത്ത് കേരളയാത്രാ ഉപനായകനും സമസ്ത സെക്രട്ടറിയുമായ സയ്യിദ് ഇബ്റാഹീമുൽ ഖലീൽ അൽ ബുഖാരി തങ്ങൾക്ക് ജന്മനാടായ കടലുണ്ടിയിൽ വെള്ളിയാഴ്ച സ്വീകരണം നൽകും. കേരള മുസ്‌ലിം ജമാ അത്ത് ഫറോക്ക് സോൺ, എസ് വൈ എസ്, എസ് എസ് എഫ് പ്രവർത്തകരും നാട്ടുകാരും ചേർന്നാണ് സ്വീകരണം ഒരുക്കുന്നത്. വൈകുന്നേരം നാലുമണിക്ക് ബുഖാരി സാദാത്ത് മഖാം സിയാറത്തോടെ പരിപാടി ആരംഭിക്കും. 4:30 ന് ചാലിയം ബാവമസ്‌ജിദ് പരിസരത്ത് നിന്ന് 313 വാഹനങ്ങളുടെ അകമ്പടിയോടെ കടലുണ്ടി ലെവൽ ക്രോസ്സ് പരിസരത്ത് നടക്കുന്ന സ്വീകരണ സമ്മേളനത്തിലേക്ക് ആനയിക്കും.

സ്വീകരണ സമ്മേളനം പൊതുമരാമത്ത് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും. സയ്യിദ് മുഹമ്മദ്‌ തുറാബ് തങ്ങൾ അദ്ധ്യക്ഷനാകും. പൗരാവലിയുടെ നേതൃത്വത്തിൽ ആദരം നടക്കും. സമ്മേളനത്തിൽ സയ്യിദ് കെ വി തങ്ങൾ,സയ്യിദ് അബ്ദുള്ള ഹബീബ് റഹ്മാൻ ബുഖാരി, ഖലമുൽ ഇസ്ലാം ബാവ ഉസ്താദ്, മൊയ്‌ദു ബാഖവി മാടവന, ഗഫൂർ ബാഖവി പെരുമുഖം, പി എ കെ മുഴപ്പാല, ഇസ്മായിൽ സഖാഫി ഒളവണ്ണ , പ്രൊഫ. എ കെ അബ്ദുൽ ഹമീദ്, പി വി അഹമ്മദ്‌ കബീർ എളേറ്റിൽ, പകര മുഹമ്മദ്‌ അഹ്സനി, അബൂബക്കർ ഹാജി ചെറുവണ്ണൂർ, എ പി കരീം ഹാജി ചാലിയം,ഹാമിദ് അലി സഖാഫി,

കടലുണ്ടി ഗ്രാമ പഞ്ചായത്ത് പ്രസിഡന്റ് ഒ ഭക്തവത്സലൻ, കോൺഗ്രസ് ഫറോക്ക് ബ്ലോക്ക് പ്രസിഡന്റ് തസ്‌വീർ ഹസൻ, കടലുണ്ട് പഞ്ചായത്ത് മുസ്‍ലിം ലീഗ് പ്രസിഡന്റ് ടി പി മുഹമ്മദ്‌ ആരിഫ് തങ്ങൾ, മാതൃഭൂമി ന്യൂസ്‌ എഡിറ്റർ കെ. ജി ഗിരീഷ് കുമാർ, സുരേന്ദ്ര നാഥ്‌, ബാദുഷ, ബീച്ചിക്കോയ എൻ കെ ,പനക്കൽ പ്രേമരാജൻ, അനിൽ മാരാത്ത്, ഡോ. ഉസ്മാൻ കുട്ടി, ഉദയൻ കാർക്കോളി,ഡോ ഹനീഫ എന്നിവർ പ്രസംഗിക്കും.