National
തിരക്കേറിയ റോഡില്‍ വാഹനങ്ങള്‍ക്ക് തടസം സൃഷ്ടിച്ച് റീല്‍ ചിത്രീകരിച്ച 26കാരന്‍ പിടിയില്‍
വിപിനെതിരെ മോട്ടോര്‍ വാഹന നിയമത്തിലെയും ഐപിസിയിലെയും വിവിധ വകുപ്പുകള്‍ പ്രകാരം കേസെടുത്തു.
ഡല്‍ഹി | തിരക്കേറിയ റോഡില്‍ വാഹനങ്ങള്‍ക്ക് തടസം സൃഷ്ടിച്ച് ഇന്‍സ്റ്റഗ്രാം റീല്‍ ചിത്രീകരിച്ച 26കാരന്‍ അറസ്റ്റില്‍.ഡല്‍ഹി സ്വദേശി വിപിന്‍കുമാറാണ് പോലീസിന്റെ പിടിയിലായത്. തലസ്ഥാന നഗരത്തിലെ തിരക്കേറിയ ജിടി കര്‍ണാല്‍ റോഡിലാണ് യുവാവ് റീല്‍ ചിത്രീകരിച്ചത്.
നടുറോഡില്‍ നിര്‍ത്തിയിട്ടിരിക്കുന്ന ബൈക്ക്. അതിന് സമീപത്ത് വച്ച കസേരയില്‍ വിപിന്‍ വന്ന് ഇരിക്കുന്നതാണ് റീല്‍. സംഭവത്തെ തുടര്‍ന്ന് വിപിനെതിരെ മോട്ടോര്‍ വാഹന നിയമത്തിലെയും ഐപിസിയിലെയും വിവിധ വകുപ്പുകള്‍ പ്രകാരം കേസെടുത്തു.
കഴിഞ്ഞ ദിവസം ചിത്രീകരിച്ച വീഡിയോ സാമൂഹികമാധ്യമമായ ഇന്‍സ്റ്റഗ്രാമില്‍ വൈറല്‍ ആയതോടെയാണ് വിപിനെ പോലീസ് പിടികൂടുന്നത്. യുവാവിന്റെ ബൈക്കും മൊബൈല്‍ഫോണും ഡല്‍ഹി പോലീസ് പിടിച്ചെടുത്തു.
വിപിന്റെ ഇന്‍സ്റ്റാഗ്രാം അക്കൗണ്ട് ഡിലീറ്റ് ചെയ്യാനുള്ള നടപടികള്‍ പുരോഗമിക്കുകയാണെന്ന് പോലീസ് ഉദ്യോഗസ്ഥര്‍ അറിയിച്ചു.
Latest
ടിക്കറ്റെടുക്കാതെ കയറിയത് ചോദ്യം ചെയ്തു; ട്രെയിനില് ടിടിഇയ്ക്ക് മര്ദനം
പുതുവൈപ്പ് ബീച്ചില് കുളിക്കാനിറങ്ങിയ രണ്ട് യുവാക്കള് കൂടി മരിച്ചു
സാങ്കേതിക തകരാര്; ഉത്തര്പ്രദേശില് ചിലയിടങ്ങളില് പോളിങ് തടസപ്പെട്ടു
ലോക്സഭാ തിരഞ്ഞെടുപ്പ്; നാലാം ഘട്ട വോട്ടെടുപ്പ് ആരംഭിച്ചു
കണ്ണൂര് ചക്കരക്കല്ലില് റോഡരികില് ബോംബ് പൊട്ടിത്തെറിച്ചു
തമിഴ്നാട്ടിലെ സിപിഐ നേതാവ് എം സെല്വരാജ് അന്തരിച്ചു
