Kerala
വീട്ടില് സൂക്ഷിച്ചിരുന്ന 15 ലിറ്റര് വിദേശമദ്യം പിടികൂടി; വീട്ടുടമ അറസ്റ്റില്
കാവിന്റെ കിഴക്കേതില് വീട്ടില് ഗണേഷ് സുലന് എന്നയാളുടെ വീട്ടില് നിന്നാണ് മദ്യശേഖരം കണ്ടെടുത്തത്.
പത്തനംതിട്ട | രഹസ്യ വിവരത്തെ തുടര്ന്ന് എക്സൈസ് സംഘം മെഴുവേലിയില് നടത്തിയ റെയ്ഡില് വീട്ടില് സൂക്ഷിച്ചിരുന്ന 15 ലിറ്റര് വിദേശ മദ്യം പിടികൂടി. സംഭവത്തില് വീട്ടുടമയെ അറസ്റ്റ് ചെയ്തു. എക്സൈസ് ഇന്റലിജന്സും സ്പെഷല് സ്ക്വാഡും ചേര്ന്ന് നടത്തിയ പരിശോധനയില് കാവിന്റെ കിഴക്കേതില് വീട്ടില് ഗണേഷ് സുലന് എന്നയാളുടെ വീട്ടില് നിന്നാണ് മദ്യശേഖരം കണ്ടെടുത്തത്.
രഹസ്യ അറയില് സൂക്ഷിച്ചിരുന്ന 500 മില്ലി ലിറ്ററിന്റെ 30 ബോട്ടില് വിവിധ ഇനത്തില്പ്പെട്ട ഇന്ത്യന് നിര്മിത വിദേശ മദ്യമാണ് കണ്ടെടുത്തത്. ഗണേശ് സുലനെ അറസ്റ്റ് ചെയ്ത് കോടതിയില് ഹാജരാക്കി റിമാന്ഡ് ചെയ്തു.
സ്പെഷ്യല് സ്ക്വാഡ് സര്ക്കിള് ഇന്സ്പെക്ടര് എ സെബാസ്റ്റിയന്, പ്രിവന്റീവ് ഓഫീസര്മാരായ മാത്യു ജോണ്, എ പി ബിജു, ഐ ബി പ്രിവന്റീവ് ഓഫീസര്മാരായ എം പ്രസാദ്, വി രതീഷ്, വി കെ രാജീവ്, കെ എല് ബൈജു, സിവില് എക്സൈസ് ഓഫീസര്മാരായ സുള്ഫിക്കര്, രതീഷ്, വിമല് കുമാര്, ഷമീന പങ്കെടുത്തു.
Latest
യുദ്ധഭീതിക്കിടയിലും ഇന്ത്യ സുരക്ഷിതം; കൈവശമുള്ളത് രണ്ടുമാസത്തേക്കുള്ള ഇന്ധന ശേഖരം, ആശങ്ക വേണ്ടെന്ന് കേന്ദ്രം
യുദ്ധഭീതിയിൽ ലോകം; അടിയന്തര നീക്കവുമായി പ്രധാനമന്ത്രി, മുഖ്യമന്ത്രിമാരുടെ നിർണ്ണായക യോഗം നാളെ
യു പ്രതിഭയ്ക്ക് എതിരെ അധിക്ഷേപം; ഇര്ഷാദിനെതിരെ കേസെടുത്തു
സംസ്ഥാനത്ത് കനത്ത ചൂട് തുടരും;12 ജില്ലകളില് മഞ്ഞ അലര്ട്ട് പ്രഖ്യാപിച്ചു
സംസ്ഥാനത്ത് സ്വര്ണ വില വീണ്ടും ഇടിഞ്ഞു; പവന് കുറഞ്ഞത് 1720 രൂപ
എം ഡി എം എയുമായി മുന് സന്തോഷ് ട്രോഫി താരം പിടിയില്