Kerala
പത്തനംതിട്ട കലഞ്ഞൂരിൽ പ്ലസ് വൺ വിദ്യാര്ഥിക്ക് സഹപാഠികളുടെ ക്രൂര മർദ്ദനം
മർദ്ദനത്തിൽ 16 വയസുകാരനായ പ്ലസ് വൺ വിദ്യാര്ഥിയുടെ മൂക്ക് പൊട്ടുകയും കണ്ണിന് താഴെയുള്ള അസ്ഥിക്ക് പരുക്കേൽക്കുകയും ചെയ്തു.
പത്തനംതിട്ട | പത്തനംതിട്ട കലഞ്ഞൂരിൽ വിദ്യാര്ഥിയെ സഹപാഠികൾ സംഘം ചേർന്ന് മർദ്ദിച്ചതായി പരാതി. കലഞ്ഞൂർ ഗവൺമെന്റ് ഹയർ സെക്കൻഡറി സ്കൂളിലെ പ്ലസ് വൺ വിദ്യാര്ഥിക്കാണ് ആക്രമണത്തിൽ പരുക്കേറ്റത്. സംഭവത്തിൽ വിദ്യാര്ഥിയുടെ കുടുംബം പോലീസിൽ പരാതി നൽകി.
ഇന്നലെ ഉച്ചയ്ക്കായിരുന്നു സംഭവം. വിദ്യാര്ഥികൾ കളിക്കുന്നതിനിടെ വാക്ക് തർക്കം ഉണ്ടായതിനെ തുടർന്ന് സഹപാഠികൾ സംഘം ചേർന്ന് ആക്രമിക്കുകയായിരുന്നുവെന്നാണ് പരാതി. മർദ്ദനത്തിൽ 16 വയസുകാരനായ പ്ലസ് വൺ വിദ്യാര്ഥിയുടെ മൂക്ക് പൊട്ടുകയും കണ്ണിന് താഴെയുള്ള അസ്ഥിക്ക് പരുക്കേൽക്കുകയും ചെയ്തു. ശരീരമാസകലം ചതവേറ്റതായും വിദ്യാര്ഥി പറഞ്ഞു.
സംഭവത്തിൽ വിദ്യാര്ഥിയുടെ മൊഴി പോലീസ് രേഖപ്പെടുത്തി. വിശദമായ അന്വേഷണം നടത്തിയ ശേഷം തുടർനടപടികൾ സ്വീകരിക്കുമെന്ന് പോലീസ് അറിയിച്ചു.
Latest
യുവതി വസ്ത്രം മാറുന്ന ദൃശ്യങ്ങള് മൊബൈലില് പകര്ത്തി; യുവാവ് അറസ്റ്റില്
ആഴത്തിലറിയാം ജീവശാസ്ത്രത്തെ
മദ്യലഹരിയില് യുവാവ് ഓടിച്ച ഓട്ടോയിടിച്ച് പരുക്കേറ്റയാള് മരിച്ചു
ഫരീദാബാദില് യന്ത്ര ഊഞ്ഞാല് തകര്ന്നു വീണു; രക്ഷാ പ്രവര്ത്തനത്തിനിടെ പോലീസ് ഉദ്യോഗസ്ഥന് മരിച്ചു,13 പേര്ക്ക് പരുക്ക്
കെട്ടിട പെര്മിറ്റിന് കൈക്കൂലി വാങ്ങുന്നതിനിടെ റവന്യു ഇന്സ്പെടര് വിജിലന്സ് പിടിയില്
മലപ്പുറം ജില്ല പുനക്രമീകരണം; കേരള യാത്രയിൽ ഉയർന്ന ആവശ്യത്തെ പിന്തുണച്ച് ഇ കെ വിഭാഗം സുന്നികളും
