കിയ കാരൻസ്‌ വരുന്നു; പുതിയ ലുക്കിൽ

2022-ൽ കിയ ഇന്ത്യൻ വിപണിയിൽ അവതരിപ്പിച്ച എംപിവിയായിരുന്നു കാരൻസ്‌. താങ്ങാനാവുന്ന വിലയിൽ വന്ന കാരൻസിനെ വിപണി ഏറ്റെടുത്തു. ടൊയോറ്റ ഇന്നോവ, മാരുതി എർട്ടിക, മഹീന്ദ്ര സ്‌കോർപിയോ മുതലായ സെവൻ സീറ്റർ വാഹനങ്ങളോട്‌ മുട്ടിനിന്ന കാരൻസ്‌ എംപിവികളിൽ കാര്യമായ വിപണി വിഹിതം കരസ്ഥമാക്കി.ലോഞ്ച് ചെയ്തതതുമുതൽ ഡിസെെനിൽ കാര്യമായ മാറ്റം കൊണ്ടുവരാതിരുന്ന കാരൻസ്‌ പുതിയ ഡിസൈനിൽ വരികയാണെന്നാണ്‌ വാഹനലോകത്തെ ഏറ്റവും പുതിയ വാർത്ത.2025 കാരൻസ്‌ മോഡൽ പുതിയ ഡിസൈനിലും കൂടുതൽ ഫീച്ചറുകളിലും മെയ് മാസത്തിൽ പുറത്തിറങ്ങുമെന്ന്‌ കമ്പനി സ്ഥിരീകരിച്ചു.

ഡിസൈനിൽ ആകെ മാറ്റം

2025 കിയ കാരൻ‌സ് എസ്‌യുവിയുടെ ഡിസൈൻ മുതൽ സവിശേഷതകൾ വരെ നിരവധി മാറ്റങ്ങൾ കൊണ്ടുവരും. പുതുക്കിയ രൂപകൽപ്പനയോടെയാണ് കാരൻസ്‌ വരുന്നത്. ഫ്രണ്ട് ഫാസിയയിൽ വരെ ഈ മാറ്റമുണ്ടാകും.ബമ്പർ, ഗ്രില്ലുകൾ, ഹെഡ്‌ലാമ്പുകൾ എന്നിവയും അടിമുടി മാറും. അലോയ് വീലുകൾക്കും പിൻഭാഗത്തിനും പുതിയ രൂപകൽപ്പന ഉണ്ടായിരിക്കും.

ADAS, വലിയ ടച്ച്‌സ്‌ക്രീൻ

ബാഹ്യ ഡിസൈൻ മാറ്റങ്ങളോടൊപ്പം ക്യാബിനിലും പരിഷ്‌ക്കരണങ്ങൾ ഉണ്ടാകാൻ സാധ്യതയുണ്ട്. ഔട്ട്‌ഗോയിംഗ് പതിപ്പിനെ അപേക്ഷിച്ച് വാഹനത്തിന് വ്യത്യസ്തമായ ലേഔട്ട് ഉണ്ടായിരിക്കും. പുതിയ മോഡലിന്‌ വലിയ ഇൻഫോടെയ്ൻമെന്‍റ്‌ സ്‌ക്രീനും വ്യത്യസ്തമായ ഇൻസ്ട്രുമെന്‍റ്‌ ക്ലസ്റ്ററും ലഭിച്ചേക്കാം.ഇവ സിറോസിൽ നിന്നോ സെൽറ്റോസിൽ നിന്നോ കടമെടുത്ത യൂണിറ്റുകളായിരിക്കാം.കൂടാതെ, രണ്ടാം നിരയ്ക്കുള്ള വെന്‍റിലേറ്റഡ് സീറ്റുകൾ, പനോരമിക് സൺറൂഫ് തുടങ്ങിയ കൂട്ടിച്ചേർക്കലുകളുള്ള സവിശേഷതകളുടെ വിപുലമായ പട്ടിക കാറിൽ ഉണ്ടായിരിക്കുമെന്ന് പ്രതീക്ഷിക്കാം.

സ്റ്റാൻഡേർഡ് സുരക്ഷാ സവിശേഷതകൾക്കൊപ്പം, 2025 കിയ കാരെൻസ് ലെവൽ 2 ADAS സവിശേഷതകളും കൊണ്ടുവരും. ഫോർവേഡ് കൊളീഷൻ മുന്നറിയിപ്പ്, ലെയ്ൻ കീപ്പ് അസിസ്റ്റ്, ബ്ലൈൻഡ് സ്പോട്ട് കൊളീഷൻ മുന്നറിയിപ്പ് എന്നിവയും പട്ടികയിൽ ഉൾപ്പെടുന്നു.

പവർട്രെയിൻ, ഡ്രൈവ്ട്രെയിൻ

വാഹനത്തിന്‍റെ പവർട്രെയിൻ ഓപ്ഷനുകൾ തുടരും. 1.5 ലിറ്റർ TGDi പെട്രോൾ, 1.5 ലിറ്റർ DPFi പെട്രോൾ, 1.5 ലിറ്റർ ഡീസൽ എഞ്ചിൻ ഓപ്ഷനുകളാണ്‌ കാരൻസിനുള്ളത്‌. ട്രാൻസ്മിഷൻ ഓപ്ഷനുകളിൽ 6-സ്പീഡ് iMT, 7-സ്പീഡ് DCT, 6-സ്പീഡ് MT, 6-സ്പീഡ് AT എന്നിവ ഉൾപ്പെടുന്നു.
നിലവിൽ, 10.60 ലക്ഷം രൂപ മുതലാണ്‌ എക്സ്-ഷോറൂം വില ആരംഭിക്കുന്നതെങ്കിലും പുതിയ കാരൻസിന്‌ വില കൂടിയേക്കും.