പാല മാനത്തൂരില്‍ പെരുന്തേനീച്ച ആക്രമണം; ഒരു കുടുംബത്തിലെ നാല് പേര്‍ക്ക് കുത്തേറ്റു

പാല|പാല മാനത്തൂരില്‍ പെരുന്തേനീച്ചയുടെ കുത്തേറ്റ് ഒരു കുടുംബത്തിലെ നാല് പേര്‍ക്ക് പരുക്കേറ്റു. ഇന്ന്‌ രാവിലെയാണ് സംഭവം. ആദ്യം ഗൃഹനാഥനായ പാമ്പനാല്‍ സ്വദേശി ചാക്കോ (50)യെ തേനീച്ചകള്‍ ആക്രമിച്ചു. തുടര്‍ന്ന് ഭാര്യ മേരി, മകള്‍ മായ, മായയുടെ ഒരു വയസുള്ള കുഞ്ഞ് എന്നിവർക്കും കുത്തേറ്റു.

സാരമായി പരുക്കേറ്റ ചാക്കോയെ കോട്ടയം മെഡിക്കല്‍ കോ​ള​ജ് ആ​ശു​പ​ത്രി​യി​ പ്രവേശിപ്പിച്ചു. മറ്റ് മൂന്ന് പേര്‍ പാലാ ജനറല്‍ ആശുപത്രിയില്‍ ചികിത്സയിലാണ്. സംഭവത്തെ തുടര്‍ന്ന് നാട്ടുകാര്‍ പോലീസിനും വനം വകുപ്പിനും ഫയര്‍ ഫോഴ്സിനും വിവരം നല്‍കി.