Kerala
ആലപ്പുഴ ജില്ലയില്‍ ഇന്ന് അവധി
ഇന്ന് നടത്താനിരുന്ന പി എസ് സി പരീക്ഷകളും മാറ്റിവെച്ചു
ആലപ്പുഴ | അന്തരിച്ച മുന്‍ മുഖ്യമന്ത്രി വി എസ് അച്യുതാനന്ദനോടുള്ള ആദരസൂചകമായി ആലപ്പുഴ ജില്ലയില്‍ ഇന്ന് അവധി പ്രഖ്യാപിച്ചു. പ്രൊഫഷണല്‍ കോളജുകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും അവധിയായിരിക്കും. ജില്ലയിലെ സര്‍ക്കാര്‍ ഓഫീസുകള്‍ക്കും അവധി പ്രഖ്യാപിച്ചിട്ടുണ്ട്.
ഇന്ന് നടത്താനിരുന്ന പി എസ് സി പരീക്ഷകളും മാറ്റിവെച്ചു. പുതുക്കിയ തിയ്യതി പിന്നീട് അറിയിക്കും. അതേ സമയം ഇന്ന് നിശ്ചയിച്ച അഭിമുഖങ്ങളില്‍ മാറ്റമില്ല.
അതേ സമയം വി എസിന്റെ സംസ്‌കാര ചടങ്ങുമായി ബന്ധപ്പെട്ട് ആലപ്പുഴ നഗരത്തില്‍ ഇന്ന് പോലീസ് ഗതാഗത നിയന്ത്രണം ഏര്‍പ്പെടുത്തി. സംസ്‌കാര ചടങ്ങ് കഴിയുന്നതുവരെയാണ് ഗതാഗത നിയന്ത്രണം ഏര്‍പ്പെടുത്തിയിരിക്കുന്നത്.
കെഎസ്ആര്‍ടിസി ദീര്‍ഘ ദൂര ബസുകള്‍ ബൈപ്പാസ് വഴി പോകാനും നഗരത്തിലേക്ക് പ്രവേശിക്കരുതെന്നും അറിയിപ്പുണ്ട്. ചേര്‍ത്തല ഭാഗത്തുനിന്ന് വരുന്ന ദീര്‍ഘദൂര സര്‍വീസുകള്‍ രാവിലെ ഒമ്പത് മുതല്‍ വൈകിട്ട് അഞ്ച് വരെ കൊമ്മാടി ബൈപ്പാസ് കയറി കളര്‍കോട് വഴി അമ്പലപ്പുഴ ഭാഗത്തേക്ക് പോകണം. അമ്പലപ്പുഴ ഭാഗത്തുനിന്ന് വരുന്ന ദീര്‍ഘദൂര സര്‍വീസുകള്‍ കളര്‍കോട് ബൈപ്പാസ് കയറി ചേര്‍ത്തല ഭാഗത്തേക്ക് പോകണമെന്നും കെഎസ്ആര്‍ടിസി അധികൃതര്‍ അറിയിച്ചു.
Latest
രജിസ്ട്രാറുടെ ശമ്പളം തടഞ്ഞുവെക്കാന്‍ നിര്‍ദേശിച്ച് വി സി; സര്‍വകലാശാലാ പ്രതിസന്ധി കൂടുതല്‍ രൂക്ഷമാകുന്നു
ഡോക്ടര്‍ ധനലക്ഷ്മിയുടെ മൃതദേഹം നാളെ നാട്ടിലേക്ക് കൊണ്ടുപോകും
പട്ടിണി മരണം അതിക്രൂരം; ഗസ്സയിലെ വാര്‍ത്തകള്‍ നല്‍കാന്‍ കഴിയുന്നില്ലെന്ന് മാധ്യമ പ്രവര്‍ത്തകന്റെ വികാര നിര്‍ഭരമായ കുറിപ്പ്
ഇസ്‌റാഈലിന്റെ ഏത് ആക്രമണത്തെയും നേരിടാന്‍ പൂര്‍ണ സജ്ജം; ആണവ പദ്ധതിയില്‍ നിന്ന് പിറകോട്ടില്ല: ഇറാന്‍ പ്രസിഡന്റ്
വി എസിനെ യാത്രയാക്കാൻ റിക്രിയേഷൻ ഗ്രൗണ്ടിൽ മഴയത്തും ജനപ്രവാഹം
ഉപരാഷ്ട്രപതി തിരഞ്ഞെടുപ്പ്: നടപടിക്രമങ്ങള്‍ ആരംഭിച്ചു
