Saudi Arabia
ഹഫര്‍ അല്‍ ബാത്തിന്‍ സോണ്‍ പ്രവാസി സാഹിത്യോത്സവ് സമാപിച്ചു
നാഷനല്‍ മത്സരങ്ങള്‍ ജനുവരി ഒമ്പതിന് ജുബൈലില്‍.
ഹഫര്‍ അല്‍ ബാത്തിന്‍ | രിസാല സ്റ്റഡി സര്‍ക്കിള്‍ (ആര്‍ എസ് സി) ഹഫര്‍ അല്‍ ബാത്തിന്‍ സോണ്‍ കമ്മിറ്റിയുടെ ആഭിമുഖ്യത്തില്‍ സംഘടിപ്പിച്ച 15-ാമത് എഡിഷന്‍ പ്രവാസി സാഹിത്യോത്സവ് സമാപിച്ചു. വിവിധ വിഭാഗങ്ങളിലായി അമ്പതോളം മത്സരാര്‍ഥികള്‍ മാറ്റുരച്ച കലാമാമാങ്കം പ്രവാസലോകത്തെ സാംസ്‌കാരിക വൈവിധ്യത്തിന്റെ നേര്‍ക്കാഴ്ചയായി.
സാംസ്‌കാരിക സംഗമം ഐ സി എഫ് ചെയര്‍മാന്‍ ജബ്ബാര്‍ ഹാജിയുടെ അധ്യക്ഷതയില്‍ സഊദി ഈസ്റ്റ് നാഷനല്‍ സെക്രട്ടറി മുഹമ്മദ് അന്‍വര്‍ ഉദ്ഘാടനം ചെയ്തു. വിബിന്‍ മറ്റത്ത് (ഒ ഐ സി സി), സലാം മാസ്റ്റര്‍ (കെ എം സി സി), നിയാസ് മാസ്റ്റര്‍ (നവോദയ), ബാവ മഞ്ചേശ്വരം, സിദ്ദീഖ് (അലാ സൂപ്പര്‍ മാര്‍ക്കറ്റ്), മുനീര്‍ (ഹല പ്ലാസ്റ്റിക്), ഖാദര്‍ (സിറ്റി ഫ്‌ളവര്‍) തുടങ്ങിയവര്‍ സംബന്ധിച്ചു. ഹഫര്‍ ആര്‍ എസ് സി സെക്രട്ടറി മുബഷിര്‍ സ്വാഗതവും സംഘാടക സമിതി സെക്രട്ടറി റഫീഖ് സൈനി നന്ദിയും പറഞ്ഞു.
ഹഫര്‍ അല്‍ ബാത്തിന്‍ സോണിന് പുറമെ റിയാദ്, ദമ്മാം, അല്‍ ഖോബാര്‍, ജുബെയില്‍, ഹായില്‍, അല്‍ ജൗഫ്, അല്‍ ഹസ, അല്‍ ഖസീം എന്നീ സോണുകളില്‍ നിന്നുള്ള വിജയികള്‍ ജനുവരി ഒമ്പതിന് ജുബെയിലില്‍ നടക്കുന്ന സഊദി ഈസ്റ്റ് നാഷനല്‍ പ്രവാസി സാഹിത്യോത്സവില്‍ മാറ്റുരയ്ക്കും. കലാലയം സാംസ്‌കാരിക വേദിക്ക് കീഴില്‍ 24 നാഷനലുകളിലായാണ് ഇത്തവണ സാഹിത്യോത്സവ് അരങ്ങേറുന്നത്. ഫാമിലി, യൂനിറ്റ്, സെക്ടര്‍, സോണ്‍, നാഷനല്‍ എന്നീ വിവിധ ഘട്ടങ്ങളിലായാണ് മത്സരങ്ങള്‍ സംഘടിപ്പിച്ചിരിക്കുന്നത്.
Latest
മീനങ്ങാടി സ്കൂള്‍ വിനോദയാത്ര വിവാദം: പ്രിന്‍സിപ്പല്‍ ഷിവി കൃഷ്ണനെ സ്ഥലംമാറ്റി
'പ്രതിഷേധങ്ങള്‍ക്കുള്ള പിന്തുണക്ക് നന്ദി'; ദീദിയെ കണ്ട് ദിപ്‌കെ
മാധ്യമ പ്രവര്‍ത്തകന്‍ ട്രെയിന്‍ തട്ടി മരിച്ചു
'വീണ്ടും ആക്രമണമുണ്ടായാല്‍ ശക്തമായ തിരിച്ചടി നല്‍കാന്‍ സജ്ജരായിരിക്കുക'; സായുധ സേനക്ക് നിര്‍ദേശം നല്‍കി ഖാംനഇ
വീണാ ജോര്‍ജിനെതിരെ അക്രമമോ വധശ്രമമോ ഉണ്ടായിട്ടില്ല; കെ എസ് യു പ്രവര്‍ത്തകര്‍ക്ക് ക്ലീന്‍ ചിറ്റ് നല്‍കി എസ് ഐ ടി റിപോര്‍ട്ട്
മദ്യപിക്കാന്‍ പണം നല്‍കിയില്ല; മാതാവിനെ മകന്‍ ചവിട്ടി കൊലപ്പെടുത്തി
