International
യുഎസില് പോലീസ് വാഹനമിടിച്ച് മരിച്ച ഇന്ത്യന് വിദ്യാര്ഥിനിയുടെ കുടുംബത്തിന് 29 മില്യണ് ഡോളര് നഷ്ടപരിഹാരം
2023ല് വാഷിംഗ്ടണിലെ സിയാറ്റിലില്വച്ചായിരുന്നു ആന്ധ്രാപ്രദേശ് സ്വദേശിയായ ജാഹ്നവി പോലീസ് വാഹനമിടിച്ച് മരിച്ചത്.
വാഷിംഗ്ടണ്| യുഎസില് റോഡ് മുറിച്ചുകടക്കുന്നതിനിടെ പോലീസ് വാഹനം ഇടിച്ചുമരിച്ച ഇന്ത്യന് വിദ്യാര്ത്ഥിനി ജാഹ്നവി കണ്ടുലയുടെ കുടുംബത്തിന് 29 ദശലക്ഷം ഡോളര് (262 കോടി) നഷ്ടപരിഹാരം നല്കും. സിയാറ്റില് നഗരസഭയാണ് ഇക്കാര്യം അറിയിച്ചത്. 2023ല് വാഷിംഗ്ടണിലെ സിയാറ്റിലില്വച്ചായിരുന്നു ആന്ധ്രാപ്രദേശ് സ്വദേശിയായ ജാഹ്നവി പോലീസ് വാഹനമിടിച്ച് മരിച്ചത്.
അടിയന്തര കേസിനായി മണിക്കൂറില് 119 കിലോമീറ്റര് വേഗതയില് പാഞ്ഞുവന്ന പോലീസ് ഓഫീസര് കെവിന് ഡേവ് ഓടിച്ച വാഹനമാണ് യുവതിയെ ഇടിച്ചുതെറിപ്പിച്ചത്. ജാഹ്നവിയുടെ കുടുംബം നല്കിയ സിവില് കേസിനെത്തുടര്ന്നാണ് വന്തുക നഷ്ടപരിഹാരമായി നല്കാന് തീരുമാനമായത്.
ജാഹ്നവി കണ്ടുലയുടെ മരണം അങ്ങേയറ്റം ഹൃദയഭേദകമായിരുന്നുവെന്നാണ് സിറ്റി അറ്റോര്ണി എറിക്ക ഇവാന്സ് പുറത്തിറക്കിയ പ്രസ്താവനയില് പറയുന്നത്. നഷ്ടപരിഹാരം ജാന്വിയുടെ കുടുംബത്തിന് ആശ്വാസവും സമാധാനവും നല്കുമെന്ന് പ്രത്യാശിക്കുന്നു. ജാഹ്നവി കണ്ടുലയുടെ ജീവിതം വിലപ്പെട്ടതായിരുന്നു. കുടുംബത്തിനും സുഹൃത്തുക്കള്ക്കും നമ്മുടെ സമൂഹത്തിനും പ്രധാനപ്പെട്ടതായിരുന്നുവെന്നും പ്രസ്താവനയില് കൂട്ടിച്ചേര്ത്തിട്ടുണ്ട്.
Latest
ട്വന്റി20 ലോകകപ്പില് സഞ്ജുവിന് അരങ്ങേറ്റം; നമീബിയക്ക് എതിരെ ഇന്ത്യക്ക് ബാറ്റിംഗ്
യുഎസില് പോലീസ് വാഹനമിടിച്ച് മരിച്ച ഇന്ത്യന് വിദ്യാര്ഥിനിയുടെ കുടുംബത്തിന് 29 മില്യണ് ഡോളര് നഷ്ടപരിഹാരം
മദ്യ ബ്രാന്ഡിന് പേരിടല് മത്സരം: നടപടികള്ക്ക് ഹൈക്കോടതി സ്റ്റേ
സെല്ഫിക്കല്ല, നിവേദനം കാണിക്കാനാണ് ശ്രമിച്ചത്’; വാര്ത്തകളോട് പ്രതികരിച്ച് ആതിര ഗ്രേസ്
മദ്യത്തിന് പേരും, ലോഗോയും ക്ഷണിച്ചെന്ന വിവാദം; പരസ്യം നല്കിയിട്ടില്ലെന്ന് ബെവ്കോ
പാല മാനത്തൂരില് പെരുന്തേനീച്ച ആക്രമണം; ഒരു കുടുംബത്തിലെ നാല് പേര്ക്ക് കുത്തേറ്റു
