Kerala
ലഹരി സംഘങ്ങളെ കുറിച്ച് പോലീസിന് വിവരം നല്കിയ വയോധികനെ വെട്ടിക്കൊന്നു
വര്ക്കല താഴെവെട്ടൂര് സ്വദേശി ഷാജഹാന് (60) ആണ് കൊല്ലപ്പെട്ടത്. അക്രമി സംഘത്തിലെ ഒരാള് പിടിയിലായി.
തിരുവനന്തപുരം | ക്രിസ്മസ് ദിനത്തില് ലഹരി സംഘങ്ങളെക്കുറിച്ച് പോലീസിന് വിവരം നല്കിയതിന്റെ പകയില് വയോധികനെ വെട്ടിക്കൊന്നു. വര്ക്കല താഴെവെട്ടൂര് സ്വദേശി ഷാജഹാന് (60) ആണ് കൊല്ലപ്പെട്ടത്. അക്രമി സംഘത്തിലെ ഒരാള് പിടിയിലായി.
തീരദേശ മേഖലയില് മദ്യത്തിന്റെയും മയക്കുമരുന്നിന്റെയും ഉപയോഗം വര്ധിച്ചു വരുന്നതായി ഷാജഹാനും ബന്ധുവായ മത്സ്യത്തൊഴിലാളിയും ചേര്ന്ന് വര്ക്കല പോലീസിനെ അറിയിച്ചിരുന്നു. ഇതനുസരിച്ച് സ്ഥലത്തെത്തിയ പോലീസ് ലഹരി വസ്തുക്കള് കണ്ടെത്തുകയും ചെയ്തു. പരാതി നല്കിയതിലെ വൈരാഗ്യം കാരണം ലഹരി മാഫിയാ സംഘം കഴിഞ്ഞ ദിവസം ഷാജഹാന്റെ ബന്ധുവായ മത്സ്യത്തൊഴിലാളിയെ മര്ദിച്ചിരുന്നു. ഇത് സംബന്ധിച്ചും വര്ക്കല പോലീസില് പരാതി നല്കിയതിനു പിന്നാലെയാണ് ആറംഗ സംഘം ഷാജഹാനെ ആക്രമിച്ചത്.
ഷാജഹാന് കടല്ത്തീരത്ത് കൂടി ഇരുചക്ര വാഹനത്തില് സഞ്ചരിക്കവേ പതിയിരുന്ന സംഘം മാരകായുധങ്ങളുമായി ആക്രമിക്കുകയായിരുന്നു. തലയ്ക്ക് ആഴത്തില് മുറിവേറ്റ് അബോധാവസ്ഥയിലായ ഷാജഹാനെ വര്ക്കല താലൂക്ക് ആശുപത്രിയില് എത്തിച്ച് പ്രഥമ ശുശ്രൂഷ നല്കിയ ശേഷം മെഡിക്കല് കോളജിലേക്ക് മാറ്റിയെങ്കിലും മരണപ്പെട്ടു.
Latest
മലപ്പുറത്ത് ചെരുപ്പ് കമ്പനിയില് വന് തീപ്പിടുത്തം
പീഡനക്കേസില്പ്പെട്ട രാഹുല് മാങ്കൂട്ടത്തിലിന് ഇനി സീറ്റ് നല്കരുതെന്ന പ്രസ്താവന; പിജെ കുര്യനെ നേരില് അതൃപ്തി അറിയിച്ച് എംഎല്എ
ഈഴവര്ക്കെതിരെ സമുദായത്തെ തിരിച്ചുവിടാന് ലീഗ് നേതാക്കള് ശ്രമിക്കുന്നു, തര്ക്കിച്ച മാധ്യമ പ്രവര്ത്തകന് ഈരാറ്റുപേട്ടയിലെ തീവ്രവാദി; വര്ഗീയ പരാമര്ശങ്ങളുമായി വീണ്ടും വെള്ളാപ്പള്ളി
വടക്കാഞ്ചേരി കോഴ വിവാദം: ഒരു സിപിഐഎമ്മുകാരനും വിളിച്ചിട്ടില്ല; ഇ യു ജാഫര്
ന്യൂ ഇയര് ആഘോഷത്തിനിടെ ഡിജെ കലാകാരന്റെ ലാപ്ടോപ്പ് പോലീസ് തകര്ത്ത സംഭവം; അന്വേഷണം പ്രഖ്യാപിച്ച് മുഖ്യമന്ത്രി
കുഞ്ഞുവിനോദിനിക്ക് സഹായ ഹസ്തവുമായി കോണ്ഗ്രസ്; കൃത്രിമ കൈ വയ്ക്കാനുള്ള മുഴുവന് ചെലവും വഹിക്കാമെന്ന് പ്രതിപക്ഷ നേതാവ്
