From the print
ശ്രദ്ധ പിടിച്ചുപറ്റി സെന്റിനറി ഗാര്ഡ്
313 അംഗങ്ങളാണ് സെന്റനറി ഗാര്ഡില് ഉള്ളത്. 30 അല്ലെങ്കില് 33 അംഗങ്ങളുള്ള എട്ടോ ഒമ്പതോ സ്ക്വാഡുകളായി തിരിഞ്ഞാണ് പരേഡ്.
കോഴിക്കോട് | കേരളയാത്ര ചരിത്ര സംഭവമായി പ്രയാണം തുടരുമ്പോള് പ്രത്യേക ശ്രദ്ധ പിടിച്ചുപറ്റി സെന്റിനറി ഗാര്ഡ് പരേഡ്. സെന്റിനറി ഗാര്ഡ് അംഗങ്ങളുടെ പരേഡോടെയാണ് യാത്രാ നായകരെ സ്വീകരണ കേന്ദ്രങ്ങളിലേക്ക് വരവേല്ക്കുന്നത്. വെള്ള വസ്ത്രവും കടും നില നിറമുള്ള ജാക്കറ്റും ധരിച്ച് കൈയില് സമസ്തയുടെ പതാകയുമേന്തി അണിയായി ചുവടുവെച്ച് നീങ്ങുന്ന സംഘം ഏവരുടെയും ശ്രദ്ധ പിടിച്ചുപറ്റുന്നു.
313 അംഗങ്ങളാണ് സെന്റനറി ഗാര്ഡില് ഉള്ളത്. 30 അല്ലെങ്കില് 33 അംഗങ്ങളുള്ള എട്ടോ ഒമ്പതോ സ്ക്വാഡുകളായി തിരിഞ്ഞാണ് പരേഡ്. പ്രത്യേക പരിശീലനം നല്കിയാണ് സെന്റിനറി ഗാര്ഡ് അംഗങ്ങളെ മാര്ച്ചില് അണിനിരത്തുന്നത്. എല്ലാ ജില്ലകളിലും അതത് ജില്ലകളിലെ സെന്റിനറി ഗാര്ഡ് അംഗങ്ങളാണ് യാത്രയെ അനുഗമിക്കുക. സമസ്ത നൂറാം വാര്ഷികത്തോടനുബന്ധിച്ചാണ് സെന്റിനറി ഗാര്ഡിന് രൂപം നല്കിയത്.
എം അബൂബക്കര് പടിക്കല് ആണ് സെന്റിനറി ഗാര്ഡിന്റെ സംസ്ഥാന കണ്വീനര്. ശറഫുദ്ദീന് തിരുവനന്തപുരം ചീഫ് ട്രൈനറും കെ സി ഉമറുല് ഫാറൂഖ് അസ്സി. ട്രെയിനറുമാണ്. കൂടാതെ ഓരോ ജില്ലയിലുമുള്ള സെന്റിനറി ഗാര്ഡിന് ചീഫുമാരുണ്ട്. ആ ചീഫുമാര്ക്ക് കീഴില് ഒമ്പത് സംഘങ്ങളാണുള്ളത്. ഒരു സംഘം എന്നതിലുപരി സന്നദ്ധ സേവനത്തിന് തയ്യാറുള്ള വളണ്ടിയര് വിഭാഗമായി ഇവരെ രൂപപ്പെടുത്തുകയാണ് ലക്ഷ്യം.
Latest
ഡയാലിസിസ് ചെയ്യ്ത രോഗികള് മരിച്ച സംഭവം; ആശുപത്രിക്കെതിരെ കേസെടുത്ത് പോലിസ്
മേയര് ആക്കാത്തതില് അതൃപ്തിയില്ല, മാധ്യമങ്ങള് കള്ളക്കഥകള് മെനയുന്നു; മലക്കം മറിഞ്ഞ് ആര് ശ്രീലേഖ
സ്കൂള് കെട്ടിടത്തിന്റെ രണ്ടാം നിലയില് നിന്ന് താഴെ വീണു; ആറ്റിങ്ങലില് പത്താം ക്ലാസ് വിദ്യാര്ത്ഥിനിക്ക് ഗുരുതര പരിക്ക്
മലമ്പുഴയില് വിദ്യാര്ഥിയെ അധ്യാപകന് മദ്യം നല്കി പീഡിപ്പിച്ച കേസ്; പീഡന വിവരം സ്കൂള് അധികൃതര് മറച്ചുവെച്ചതായി കണ്ടെത്തല്, നടപടിക്ക് സാധ്യത
ലോക്സഭാ തിരഞ്ഞെടുപ്പ് സമയത്ത് വെള്ളാപ്പള്ളി മൂന്ന് ലക്ഷം തന്നു; വഴിവിട്ട സഹായം ചെയ്യില്ലെന്ന് പറഞ്ഞാണ് പണം വാങ്ങിയത്: ബിനോയ് വിശ്വം
നേമത്ത് മത്സരിക്കാനില്ലെന്ന പ്രസ്താവന തിരുത്തി മന്ത്രി വി ശിവന്കുട്ടി
