മലമ്പുഴ ഡാമില്‍ സഹോദരങ്ങള്‍ മുങ്ങി മരിച്ചു

പാലക്കാട് | മലമ്പുഴ ഡാമില്‍ സഹോദരങ്ങള്‍ മുങ്ങി മരിച്ചു. പാലക്കാട് പൂളക്കാട് സ്വദേശി നസീഫിന്റെ മക്കള്‍ മുഹമ്മദ് നിഹാല്‍ (20), ആദില്‍ (16) എന്നിവരാണ് മരിച്ചത്.

ഇന്നലെ രാത്രിയിലാണ് ഇരുവരും കുളിക്കാന്‍ ഇറങ്ങിയത്. കുളിക്കുന്നതിനിടയില്‍ വെള്ളത്തില്‍ മുങ്ങിത്താഴുകയായിരുന്നു. തുടര്‍ന്ന് ഇന്ന് പുലര്‍ച്ചയാണ് മൃതദേഹം കണ്ടെത്തിയത്. മൃതദേഹം ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടത്തിന് ശേഷം കുടുംബത്തിന് വിട്ടുനല്‍കും.

കാണാതായ കുട്ടികളുടെ മൊബൈല്‍ റേഞ്ച് പരിശോധിച്ചാണ് കുട്ടികള്‍ ഡാം പരിസരത്ത് എത്തിയതായി കണ്ടെത്തിയത്. തുടര്‍ന്നുള്ള പരിശോധനയില്‍ വസ്ത്രവും ചെരിപ്പും കണ്ടെത്തുകയായിരുന്നു.